രണ്ടാം ടെസ്റ്റിലും വിജയമില്ല, വെസ്റ്റ് ഇന്‍ഡീസ്-ശ്രീലങ്ക ടെസ്റ്റ് പരമ്പര സമനിലയില്‍


പരമ്പരയിലെ ആദ്യ ടെസ്റ്റ് മത്സരവും സമനിലയില്‍ കലാശിച്ചിരുന്നു.

Photo: www.twitter.com

ആന്റിഗ്വ: ശ്രീലങ്ക-വെസ്റ്റ് ഇന്‍ഡീസ് രണ്ടാം ടെസ്റ്റ് മത്സരം സമനിലയില്‍ അവസാനിച്ചു. ഇതോടെ രണ്ട് ടെസ്റ്റുകളടങ്ങിയ പരമ്പരയും സമനിലയിലായി. പരമ്പരയിലെ ആദ്യ ടെസ്റ്റ് മത്സരവും സമനിലയില്‍ കലാശിച്ചിരുന്നു.

രണ്ടാം ടെസ്റ്റില്‍ ടോസ് നഷ്ടപ്പെട്ട് ബാറ്റിങ്ങിനിറങ്ങിയ വിന്‍ഡീസ് ആദ്യ ഇന്നിങ്‌സില്‍ 354 റണ്‍സെടുത്തു. 126 റണ്‍സെടുത്ത ക്രെയ്ഗ് ബ്രാത്ത്​വെയ്റ്റും 72 റണ്‍സെടുത്ത റക്കീം കോണ്‍വാളും ടീമിനായി തിളങ്ങി. ശ്രീലങ്കയ്ക്കായി സുരംഗ ലക്മല്‍ നാല് വിക്കറ്റ് വീഴ്ത്തി.

മറുപടി ബാറ്റിങ്ങിനിറങ്ങിയ ശ്രീലങ്ക 258 റണ്‍സിന് പുറത്തായി. 55 റണ്‍സെടുത്ത ലാഹിരു തിരിമന്നെയും 51 റണ്‍സ് നേടിയ നിസ്സന്‍കയും ടീമിനായി ഭേദപ്പെട്ട പ്രകടനം പുറത്തെടുത്തു. വിന്‍ഡീസിനായി കെമര്‍ റോച്ച് മൂന്നുവിക്കറ്റ് വീഴ്ത്തിയപ്പോള്‍ ജേസണ്‍ ഹോള്‍ഡര്‍ രണ്ട് വിക്കറ്റ് വീഴ്ത്തി.

ആദ്യ ഇന്നിങ്‌സില്‍ 96 റണ്‍സിന്റെ ലീഡ് നേടിയ വിന്‍ഡീസ് രണ്ടാം ഇന്നിങ്‌സില്‍ 280 ന് നാല് എന്ന നിലയില്‍ ഇന്നിങ്‌സ് ഡിക്ലയര്‍ ചെയ്തു. രണ്ടാം ഇന്നിങ്‌സിലും 85 റണ്‍സെടുത്ത് ബ്രാത്ത്വെയ്റ്റ് തിളങ്ങി.

ശ്രീലങ്കയ്ക്ക് 376 റണ്‍സായിരുന്നു വിജയലക്ഷ്യം. എന്നാല്‍ സമനിലയ്ക്കായി ബാറ്റ് ചെയ്ത ശ്രീലങ്ക രണ്ട് വിക്കറ്റ് നഷ്ടത്തില്‍ 193 റണ്‍സെടുത്തു. ഇതോടെ മത്സരം സമനിലയിലായി. രണ്ടാം ഇന്നിങ്‌സില്‍ ദിമുത് കരുണരത്‌നെ 75 റണ്‍സും ഫെര്‍ണാണ്ടോ 66 റണ്‍സുമെടുത്തു.

വിന്‍ഡീസിന്റെ ക്രെയ്ഗ് ബ്രാത്ത്​വെയ്റ്റ് മത്സരത്തിലെ താരമായും ശ്രീലങ്കയുടെ സുരംഗ ലക്മല്‍ പരമ്പരയുടെ താരമായും തിരഞ്ഞെടുക്കപ്പെട്ടു.

Content Highlights: Sri Lanka grind out final-day draw against West Indies, series ends in a stalemate


Also Watch

Add Comment
Related Topics

Get daily updates from Mathrubhumi.com

Newsletter
Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
chintha jerome

1 min

ഒന്നേമുക്കാൽ വർഷം റിസോർട്ടിൽ താമസം, 38 ലക്ഷം രൂപ വാടക; ചിന്തയ്ക്കെതിരേ പരാതിയുമായി യൂത്ത് കോൺഗ്രസ്

Feb 7, 2023


Malala Yousafzai

2 min

ഭര്‍ത്താവിന്റെ അഴുക്കുപിടിച്ച സോക്‌സുകള്‍ സോഫയില്‍; വേസ്റ്റ് ബിന്നിലേക്ക് വലിച്ചെറിഞ്ഞെന്ന് മലാല

Feb 5, 2023


Transcouples

06:33

സിയക്ക് വേണ്ടി സഹദ് ഗർഭം ധരിച്ചു; കുഞ്ഞിനെ വരവേൽക്കാൻ ഒരുങ്ങി ട്രാൻസ് ദമ്പതികൾ

Feb 4, 2023

Most Commented