വാലറ്റത്തെ കൂട്ടുപിടിച്ച് സ്‌നേഹ് റാണയുടെ രക്ഷാപ്രവര്‍ത്തനം; ഇംഗ്ലണ്ടിനെ സമനിലയില്‍ പിടിച്ച് ഇന്ത്യ


അരങ്ങേറ്റ ടെസ്റ്റില്‍ ഇന്ത്യക്കായി നാല് വിക്കറ്റും അര്‍ധ ശതകവും നേടുന്ന ആദ്യ താരമായി സ്‌നേഹ്

സ്‌നേഹ് റാണ | Photo: BCCI

ബ്രിസ്റ്റോൾ: ഇംഗ്ലണ്ടിനെതിരായ ഏക ടെസ്റ്റിൽ സമനിലയുമായി രക്ഷപ്പെട്ട് ഇന്ത്യൻ വനിതകൾ. ഫോളോ ഓൺ വഴങ്ങി തോൽവിയിലേക്ക് നീങ്ങുകയായിരുന്ന ഇന്ത്യയെ അരങ്ങേറ്റ താരമായ സ്നേഹ് റാണയുടെ ചെറുത്തുനിൽപ്പ് രക്ഷിക്കുകയായിരുന്നു. ഫോളോ ഓൺ വഴങ്ങി രണ്ടാം ഇന്നിങ്സ് ബാറ്റിങ്ങിനിറങ്ങിയ ഇന്ത്യ എട്ടു വിക്കറ്റ് നഷ്ടത്തിൽ 334 റൺസെടുത്തു നിൽക്കുമ്പോഴാണ് മത്സരം അവസാനിച്ചത്. ഈ സമയത്ത് ഇന്ത്യയുടെ ലീഡ് 179 റൺസായിരുന്നു.

ഒരു ഘട്ടത്തിൽ ഇന്ത്യ ഏഴു വിക്കറ്റിന് 197 റൺസ് എന്ന നിലയിലായിരുന്നു. ഇവിടെ നിന്നാണ് സ്നേഹ് ഇന്ത്യയെ മുന്നോട്ടുനയിച്ച് സമനിലയിലെത്തിച്ചത്. 154 പന്തിൽ നിന്ന് 80 റൺസോടെ സ്നേഹ് പുറത്താകാതെ നിന്നു. പേസ് ബൗളർ ശിഖാ പാണ്ഡേയ്ക്കൊപ്പം 41 റൺസിന്റേയും താനിയ ഭാട്ടിയക്കൊപ്പം 104 റൺസിന്റേയും കൂട്ടുകെട്ട് സ്നേഹ് പടുത്തുയർത്തി. 88 പന്തിൽ ആറു ഫോറിന്റെ സഹായത്തോടെ 44 റൺസെടുത്ത താനിയ ഭാട്ടിയ പുറത്താകാതെ നിന്നു. ശിഖ പാണ്ഡെ 50 പന്തിൽ 18 റൺസെടുത്തു.

അരങ്ങേറ്റ ടെസ്റ്റിൽ ഇന്ത്യക്കായി നാല് വിക്കറ്റും അർധ ശതകവും നേടുന്നആദ്യ താരമായി സ്നേഹ്. ആറാം സ്ഥാനത്ത് ബാറ്റിങ്ങിനിറങ്ങി ഒരു ഇന്ത്യൻ താരം നേടുന്ന ഏറ്റവും ഉയർന്ന സ്കോറും സ്നേഹ് സ്വന്തം പേരിൽ കുറിച്ചു.

ആദ്യ ഇന്നിങ്സിൽ ഇംഗ്ലണ്ട് ഉയർത്തിയ 396 റൺസിന് മറുപടിയായി ഇന്ത്യ 231 റൺസിന് എല്ലാവരും പുറത്തായി. രണ്ടാം ഇന്നിങ്സിൽ ഓപ്പണർ സ്മൃതി മന്ദാനയെ വേഗത്തിൽ നഷ്ടമായി. പിന്നീട് രണ്ടാം വിക്കറ്റിൽ ദീപ്തിയും ഷെഫാലിയും 70 റൺസ് കൂട്ടുകെട്ടുണ്ടാക്കി. 83 പന്തിൽ 11 ഫോറും ഒരു സിക്സും സഹിതം 60 റൺസെടുത്താണ് പതിനേഴുകാരിയായ ഷെഫാലി പുറത്തായത്. 168 പന്തിൽ നിന്ന് 54 റൺസാണ് ദീപ്തി നേടിയത്. രണ്ടിന്നിങ്സിലും ഇന്ത്യക്കായി അർധ സെഞ്ചുറി നേടിയ ഷെഫാലിയാണ് കളിയിലെ താരം.

Content Highlights: Sneh Rana India Women vs England Women Test Cricket

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
K Surendran

2 min

'ദിലീപിന് സിനിമയിലഭിനയിക്കാം; ശ്രീറാമിന് കളക്ടറാകാന്‍ പാടില്ലേ?'; അതെന്ത് ന്യായമെന്ന് സുരേന്ദ്രന്‍

Aug 7, 2022


manoram

3 min

ഭാര്യയുടെ മൃതദേഹം ചുടുകട്ടകെട്ടി കിണറ്റില്‍; ഹൃദയംപൊട്ടി ദിനരാജ്, അന്യസംസ്ഥാന തൊഴിലാളിയെ കാണാനില്ല

Aug 8, 2022


10:51

പട്ടാളമില്ലെങ്കിലും സേഫായ രാജ്യം, ഉയര്‍ന്ന ശമ്പളം, വിശേഷദിനം ഓഗസ്റ്റ് 15 | Liechtenstein

Jul 25, 2022

Most Commented