പോര്‍ട്ട് ഓഫ് സ്പെയിന്‍: എവിടെയായിരുന്നു ഇത്രയും കാലം? ഇവവേളയ്ക്കുശേഷം ഇന്ത്യന്‍ ടീമിലേക്ക് തിരിച്ചെത്തിയ ശ്രേയസ് അയ്യരുടെ ഞായറാഴ്ചത്തെ കളി കണ്ട പലരും ചോദിക്കുന്നുണ്ടാകും. ലോകകപ്പിനുമുമ്പ് മധ്യനിരയില്‍ വിശ്വസ്തനായ ഒരു ബാറ്റ്സ്മാനെ തേടി അലഞ്ഞപ്പോള്‍ ഇന്ത്യയുടെ സെലക്ടര്‍മാര്‍ ശ്രേയസിനെ ഓര്‍ക്കാഞ്ഞതെന്ത് എന്ന ചോദ്യവും സജീവമായി.
വിന്‍ഡീസിനെതിരേ അഞ്ചാമനായി എത്തിയ ശ്രേയസ് അയ്യര്‍ 68 പന്തില്‍ 71 റണ്‍സെടുത്തു എന്നതുമാത്രമല്ല, ക്രീസില്‍ കാണിച്ച ആത്മവിശ്വാസവും ഷോട്ട് സെലക്ഷനും ശരീരഭാഷയും പ്രശംസിക്കപ്പെട്ടു. നാലാം വിക്കറ്റില്‍ കോലിയും ശ്രേയസും ചേര്‍ന്ന് 125 റണ്‍സ് ചേര്‍ത്തു. സ്ട്രൈക്ക് റേറ്റില്‍ കോലിയെക്കാള്‍ (96.00) മുന്നിലാണ് ശ്രേയസ്സ് (104.41)
നേരിട്ട അഞ്ചാം പന്തില്‍, കാര്‍ലോസ് ബ്രാത്വെയ്റ്റിനെ ഓഫ്സൈഡില്‍ തഴുകിക്കൊണ്ട് ബൗണ്ടറി കടത്തിയ ഷോട്ടില്‍ത്തന്നെ ആത്മവിശ്വാസം പ്രകടമായിരുന്നു.
2017 ഡിസംബറില്‍ ശ്രീലങ്കയ്‌ക്കെതിരേ അരങ്ങേറ്റം കുറിച്ച ഈ 24-കാരന്‍ കളിച്ച അഞ്ച് ഏകദിനങ്ങളില്‍ രണ്ട് അര്‍ധസെഞ്ചുറി (88, 65) നേടിയെങ്കിലും മെല്ലെ ടീമിന് പുറത്താവുകയായിരുന്നു. ഏഷ്യ കപ്പിനും ലോകകപ്പിനുമുള്ള ടീമുകളില്‍ പരിഗണിക്കപ്പെട്ടില്ല. ഞായറാഴ്ചത്തെ ഇന്നിങ്സോടെ, നാലാം നമ്പറില്‍ ഇദ്ദേഹത്തെ ഉറപ്പിക്കണം എന്ന അഭിപ്രായം ഉയര്‍ന്നുകഴിഞ്ഞു. മുംബൈയില്‍ ജനിച്ച ശ്രേയസിന്റെ അച്ഛന്‍ തൃശ്ശൂര്‍ സ്വദേശിയാണ്.
ഇതിനു പിന്നാലെ നാലാം നമ്പര്‍ ബാറ്റിങ് സ്ഥാനത്ത് ഇന്ത്യ നേരിടുന്ന പ്രശ്നത്തിന് പരിഹാരം കാണാന്‍ അയ്യര്‍ക്കാകുമെന്ന് സുനില്‍ ഗാവസ്‌ക്കര്‍ ചൂണ്ടിക്കാട്ടുകയും ചെയ്തു. ഋഷഭ് പന്തിനേക്കാളും നാലാം നമ്പറില്‍ ഏറ്റവും യോജിച്ചയാള്‍ അയ്യരാണെന്നും അദ്ദേഹം കൂട്ടിച്ചേര്‍ത്തു.
മത്സരത്തില്‍ 68 പന്തില്‍ നിന്ന് 71 റണ്‍സെടുത്ത അയ്യര്‍ നാലാം വിക്കറ്റില്‍ കോലിക്കൊപ്പം 125 റണ്‍സിന്റെ കൂട്ടുകെട്ടുണ്ടാക്കുകയും ചെയ്തു. എട്ട് ഏകദിനങ്ങളില്‍ നിന്ന് അയ്യരുടെ മൂന്നാം അര്‍ധ സെഞ്ചുറിയാണിത്.
Content Highlights: Shreyas Iyer sticks to the nuts and bolts of middle-order ODI batting
RELATED STORIES
.jpg?$p=1990e2a&f=1x1&w=100&q=0.8)
.jpg?$p=1990e2a&f=1x1&w=100&q=0.8)
IN CASE YOU MISSED IT
.jpg?$p=71e446e&f=1x1&w=100&q=0.8)
.jpg?$p=f67c2a2&f=1x1&w=100&q=0.8)
.jpg?$p=8384990&q=0.8&f=16x11&w=104)
.jpg?$p=b4643a5&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..