Photo: AFP
ന്യൂഡല്‍ഹി: സി.ബി.എസ്.ഇ പ്ലസ് ടു പരീക്ഷാഫലം ആരാധകര്‍ക്കായി പങ്കുവെച്ച് ഇന്ത്യയുടെ ഏറ്റവും മികച്ച വനിതാതാരങ്ങളിലൊരാളായ ഷഫാലി വര്‍മ. ഇന്ത്യയുടെ ഓപ്പണറായ ഷഫാലി ഈയിടെ അവസാനിച്ച അണ്ടര്‍ 19 വനിതാ ലോകകപ്പില്‍ ഇന്ത്യയുടെ ക്യാപ്റ്റനായിരുന്നു. ഷഫാലിയുടെ നേതൃത്വത്തില്‍ ഇന്ത്യ കിരീടം നേടുകയും ചെയ്തു.
ക്രിക്കറ്റിന്റെ തിരക്കിനിടയിലും പ്ലസ് ടു പരീക്ഷയില്‍ മികച്ച വിജയമാണ് ഷഫാലി നേടിയത്. പ്ലസ് ടു പരീക്ഷാ ഫലം കൈയ്യില്‍ പിടിച്ചുകൊണ്ടുള്ള ചിത്രം താരം ഇന്‍സ്റ്റഗ്രാമിലൂടെ പങ്കുവെച്ചു. ' 2023-ല്‍ ഞാന്‍ ഒരു 80 പ്ലസ് പ്രകടനം കൂടി പുറത്തെടുത്തു. അത് പ്ലസ് ടു പരീക്ഷയിലാണെന്ന് മാത്രം. എന്റെ പരീക്ഷാഫലത്തില്‍ ഞാന്‍ ഏറെ സന്തോഷിക്കുന്നു. എന്റെ പ്രിയപ്പെട്ട വിഷയമായ ക്രിക്കറ്റിനായി സര്‍വവും നല്‍കാനായി ഞാന്‍ കാത്തിരിക്കുകയാണ്'-ഷഫാലി കുറിച്ചു.
19 കാരിയായ ഷഫാലി ഇന്ത്യയ്ക്ക് വേണ്ടി ഇതുവരെ 56 ട്വന്റി 20 മത്സരങ്ങളിലും 21 ഏകദിനത്തിലും രണ്ട് ടെസ്റ്റ് മത്സരങ്ങളിലും ജഴ്‌സിയണിഞ്ഞു. വെടിക്കെട്ട് ബാറ്റിങ് സ്‌പെഷ്യലിസ്റ്റായ താരം വനിതാ പ്രീമിയര്‍ ലീഗില്‍ ഡല്‍ഹി ക്യാപിറ്റല്‍സിന്റെ താരമാണ്.
Content Highlights: Shafali Verma Shares 12th Boards Marksheet
Also Watch
RELATED STORIES
.jpg?$p=8896326&f=1x1&w=100&q=0.8)
IN CASE YOU MISSED IT
.jpg?$p=e4e93ab&f=1x1&w=100&q=0.8)
.png?$p=24a34d7&f=1x1&w=100&q=0.8)
.jpg?$p=e4e93ab&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..