ചാഹലിനെ കളിപ്പിച്ചതിന് ഓസീസ് പരാതി പറയേണ്ട; കണ്‍കഷന്‍ ആനൂകൂല്യം ആദ്യം ലഭിച്ചത് അവര്‍ക്കെന്ന് സെവാഗ്


ബാറ്റിങ്ങിനിടെ ഹെല്‍മറ്റില്‍ പന്ത് തട്ടിയ രവീന്ദ്ര ജഡേജയ്ക്ക് പകരമാണ് ചാഹല്‍ കളത്തിലിറങ്ങിയത്. ചാഹലിന്റെ പ്രകടനം മത്സരഫലത്തില്‍ നിര്‍ണായകമായതോടെ ഇന്ത്യയുടെ ഈ നീക്കം വിവാദത്തിന് വഴിവെക്കുകയും ചെയ്തിരുന്നു

യൂസ്‌വേന്ദ്ര ചാഹലും മത്സരത്തിനിടെ പരിക്കേറ്റ് ഗ്രൗണ്ടിലിരിക്കുന്ന രവീന്ദ്ര ജഡേജയും | Photo by Mark Kolbe, Cameron Spencer|Getty Images

കാന്‍ബറ: ഓസ്‌ട്രേലിയക്കെതിരായ ട്വന്റി 20 പരമ്പരയിലെ ആദ്യ മത്സരത്തില്‍ ഇന്ത്യ 11 റണ്‍സിന്റെ ജയം സ്വന്തമാക്കിയിരുന്നു.

ഇന്ത്യ ഉയര്‍ത്തിയ വിജയലക്ഷ്യത്തിലേക്ക് ക്യാപ്റ്റന്‍ ആരോണ്‍ ഫിഞ്ചും ഡാര്‍സി ഷോര്‍ട്ടും നന്നായി ബാറ്റ് ചെയ്യവെ കണ്‍കഷന്‍ സബ്‌സ്റ്റിറ്റിയൂട്ടായി എത്തിയ സ്പിന്നര്‍ യൂസ്‌വേന്ദ്ര ചാഹലാണ് മത്സരം ഇന്ത്യയ്ക്ക് അനുകൂലമാക്കി തിരിച്ചത്.

നാല് ഓവറില്‍ 25 റണ്‍സ് വഴങ്ങിയ ചാഹല്‍ മൂന്നു വിക്കറ്റുകളാണ് വീഴ്ത്തിയത്. ബാറ്റിങ്ങിനിടെ ഹെല്‍മറ്റില്‍ പന്ത് തട്ടിയ രവീന്ദ്ര ജഡേജയ്ക്ക് പകരമാണ് ചാഹല്‍ കളത്തിലിറങ്ങിയത്. ചാഹലിന്റെ പ്രകടനം മത്സരഫലത്തില്‍ നിര്‍ണായകമായതോടെ ഇന്ത്യയുടെ ഈ നീക്കം വിവാദത്തിന് വഴിവെക്കുകയും ചെയ്തിരുന്നു.

ഈ തീരുമാനത്തിനെതിരേ ഓസീസ് ടീം പരിശീലകനായ ജസ്റ്റിന്‍ ലാംഗര്‍ മാച്ച് റഫറി ഡേവിഡ് ബൂണിനോട് തര്‍ക്കിക്കുന്നത് കാണാമായിരുന്നു. ഈ തീരുമാനത്തിനെതിരേ ടീം കടുത്ത അതൃപ്തിയും രേഖപ്പെടുത്തിയിരുന്നു.

ഇപ്പോഴിതാ ചാഹലിനെ കളിപ്പിച്ചതില്‍ ഓസീസ് ടീം പരാതിപറയേണ്ടെന്ന് അഭിപ്രായപ്പെട്ടിരിക്കുകയാണ് മുന്‍ ഇന്ത്യന്‍ ഓപ്പണര്‍ വീരേന്ദര്‍ സെവാഗ്.

തലയ്ക്ക് പരിക്കേറ്റതുമായി ബന്ധപ്പെട്ട ലക്ഷണങ്ങള്‍ 24 മണിക്കൂറിനുള്ളിലാണ് കാണപ്പെടുക. അതിനാല്‍ തന്നെ ജഡേജയ്ക്ക് പകരക്കാരനെ ഇറക്കിയ ഇന്ത്യയുടെ തീരുമാനം ശരിയായിരുന്നുവെന്നും സെവാഗ് അഭിപ്രായപ്പെട്ടു.

''കണ്‍കഷന്‍ സബ്സ്റ്റിറ്റിയൂട്ടിന്റെ ആദ്യ ഗുണഭോക്താക്കള്‍ ഓസ്‌ട്രേലിലയായതിനാല്‍ അവര്‍ ഇക്കാര്യത്തില്‍ പരാതി പറയാന്‍ പാടില്ല. പണ്ട് കളിക്കിടെ സ്റ്റീവ് സ്മിത്തിന്റെ തലയ്ക്ക് പന്ത് കൊണ്ടപ്പോള്‍ മാര്‍നസ് ലബുഷെയ്ന്‍ പകരക്കാരനായി ഇറങ്ങി റണ്‍സടിച്ചു. ഞങ്ങളുടെ ഭാഗത്തുനിന്ന് ഇത് ശരിയായ തീരുമാനമായിരുന്നു, കാരണം രവീന്ദ്ര ജഡേജയ്ക്ക് കളിക്കുക സാധ്യമല്ലായിരുന്നു. അതുപോലെ പന്തെറിയാനും സാധിക്കില്ലായിരുന്നു.'' - സെവാഗ് ചൂണ്ടിക്കാട്ടി.

കളിച്ചിരുന്ന കാലത്ത് തന്റെ ഹെല്‍മറ്റിലും പലതവണ പന്ത് തട്ടിയിട്ടുണ്ടെന്ന് പറഞ്ഞ സെവാഗ്, അതിന്റെ ബുദ്ധിമുട്ട് എത്രത്തോളമുണ്ടെന്ന് അറിയാമെന്നും അക്കാലത്ത് ഇത്തരം നിയമങ്ങളൊന്നും ഉണ്ടായിരുന്നില്ലന്നെും കൂട്ടിച്ചേര്‍ത്തു.

Content Highlights: Sehwag says Australians shouldn t complain about Chahal substitution


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
wedding

2 min

വധു ഒഴികെ ആരും ക്യാമറ കണ്ടില്ല; ആ ക്ലിക്കിന് കിട്ടിയത് രണ്ടു ലക്ഷം രൂപ സമ്മാനം

Sep 25, 2022


Police

1 min

വീട്ടിൽനിന്ന്‌ രഹസ്യ ഗോവണി, ബംഗ്ലാവില്‍ ആര്‍ഭാടജീവിതം; മുപ്പതിലധികം കവർച്ചക്കേസുകളിലെ പ്രതി കുടുങ്ങി

Sep 25, 2022


രണ്ടരവർഷത്തെ കാത്തിരിപ്പ്; പിണക്കം മറന്ന് മടങ്ങിയെത്തിയ ഓമനപ്പൂച്ചയെ വാരിപ്പുണർന്ന് ഉടമകൾ

Sep 25, 2022

Most Commented