അന്ന് സച്ചിനെതിരേ ദൂസര എറിയാന്‍ പേടിച്ചിരുന്നു: സഖ്‌ലെയിന്‍


ഇന്ത്യയുടെ തകര്‍ച്ചയും പിന്നീടുള്ള സച്ചിന്‍ തെണ്ടുല്‍ക്കറുടെ ഒറ്റയാള്‍ പോരാട്ടവും ഒടുവില്‍ സച്ചിനെ പുറത്താക്കി സഖ്‌ലെയിന്‍ മുഷ്താഖ് പാകിസ്താന് വിജയം സമ്മാനിച്ചതുമെല്ലാം ക്രിക്കറ്റ് പ്രേമികളുടെ മനസില്‍ മായാതെ നില്‍പ്പുണ്ട്

-

ഇസ്ലാമാബാദ്: 1999-ൽ ഇന്ത്യയും പാകിസ്താനും തമ്മിൽ ചെന്നൈയിൽ നടന്ന ടെസ്റ്റ് മത്സരം ഏറെ പ്രശസ്തമാണ്. ഇന്ത്യയുടെ തകർച്ചയും പിന്നീടുള്ള സച്ചിൻ തെണ്ടുൽക്കറുടെ ഒറ്റയാൾ പോരാട്ടവും ഒടുവിൽ സച്ചിനെ പുറത്താക്കി സഖ്ലെയിൻ മുഷ്താഖ് പാകിസ്താന് വിജയം സമ്മാനിച്ചതുമെല്ലാം ക്രിക്കറ്റ് പ്രേമികളുടെ മനസിൽ മായാതെ നിൽപ്പുണ്ട്.

ഇപ്പോഴിതാ ഒരു ദേശീയ മാധ്യമത്തിന് അനുവദിച്ച അഭിമുഖത്തിൽ ആ മത്സരത്തിന്റെ ഓർമകൾ പങ്കുവെച്ചിരിക്കുകയാണ് പാക് സ്പിന്നർ സഖ്ലെയിൻ മുഷ്താഖ്.

ഇന്ത്യയും പാകിസ്താനും തമ്മിൽ നടന്ന ആവേശം നിറഞ്ഞ മത്സരങ്ങളിൽ ഒന്നായിരുന്നു അത്. വിജയിക്കാൻ 271 റൺസ് പിന്തുടർന്ന് ബാറ്റിങ്ങിനിറങ്ങിയ ഇന്ത്യ അഞ്ചിന് 81 എന്ന നിലയിലേക്ക് തകർന്നു. എന്നാൽ സച്ചിനും വിക്കറ്റ് കീപ്പർ നയൻ മോംഗിയയും ചേർന്ന് സ്കോർ 218-ൽ എത്തിച്ചു. മോശം ഷോട്ടിൽ മോംഗിയ പുറത്തായെങ്കിലും തകർത്തടിച്ച സച്ചിൻ ഇന്ത്യയെ പെട്ടെന്ന് വിജയത്തിലെത്തിക്കാനുള്ള വ്യഗ്രതയിലായിരുന്നു. സെഞ്ചുറിയും കടന്ന് കുതിച്ച സച്ചിന് സുനിൽ ജോഷി പിന്തുണ നൽകി. എന്നാൽ വിജയത്തിലേക്ക് 17 റൺസ് മാത്രം വേണ്ടപ്പോൾ സഖ്ലെയിന്റെ പന്തിൽ സിക്സറിന് ശ്രമിച്ച് സച്ചിൻ വീണു. അതോടെ വാലറ്റം ചീട്ടുകൊട്ടാരം പോലെ തകർന്നു. ഒടുവിൽ 12 റൺസിന് ഇന്ത്യ മത്സരം തോറ്റു.

അന്ന് ദൈവം തന്നോടൊപ്പമായിരുന്നുവെന്ന് സഖ്ലെയിൻ പറയുന്നു. ''അന്ന് സച്ചിനെ പുറത്താക്കാനാകുമെന്ന് കരുതിയതേയില്ല. എന്നാൽ ദൈവം ഒന്ന് തീരുമാനിച്ചിട്ടുണ്ടെങ്കിൽ നിങ്ങൾക്ക് അത് മാറ്റാൻ സാധിക്കില്ല. മരിക്കും വരെ സച്ചിന്റെ ആ വിക്കറ്റ് എനിക്ക് അഭിമാനം തന്നെയാണ്'', സഖ്ലെയിൻ പറയുന്നു.

അന്ന് ഫീൽഡിൽ വസീം അക്രമാണ് തന്നെ പ്രചോദിപ്പിച്ചതെന്നും അദ്ദേഹം വെളിപ്പെടുത്തി. ''അന്ന് അദ്ദേഹം (അക്രം) എന്നിൽ പൂർണമായും വിശ്വസിക്കുന്നുവെന്ന് പറഞ്ഞു. ടീമിനായി എനിക്ക് അദ്ഭുതം കാട്ടാനാകുമെന്നും. ആ വാക്കുകളാണ് അന്ന് എന്നെ ഉത്തേജിപ്പിച്ചത്''.

അതേസമയം മത്സരത്തിനിടെ സച്ചിനെതിരേ ദൂസര എറിയാൻ ഭയപ്പെട്ടിരുന്നെന്നും സഖ്ലെയിൻ വെളിപ്പെടുത്തി. ''സച്ചിൻ എന്റെ പന്തുകളെ ബൗണ്ടറിയിലേക്ക് പറത്തിക്കൊണ്ടേയിരുന്നു. അദ്ദേഹത്തിന്റെ കാഴ്ച അപാരമായിരുന്നു. ഫീൽഡിൽ നടക്കുന്ന എല്ലാ കാര്യങ്ങളും അദ്ദേഹം വായിച്ചെടുക്കുന്നുണ്ടായിരുന്നു. അത് എന്നെ ശരിക്കും ഭയപ്പെടുത്തി. നിങ്ങൾ വിശ്വസിക്കില്ല, ബൗണ്ടറി പേടിച്ച് അന്ന് സച്ചിനെതിരേ ദൂസര എറിയാൻ ഭയപ്പെട്ടിരുന്നു''.

Content Highlights: Saqlain Mushtaq recalls dismissing Sachin Tendulkar in 1999 Chennai Test

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
rape survivor vijay babu

1 min

9-ാം ക്ലാസുകാരനെതിരായ പീഡനക്കേസില്‍ ട്വിസ്റ്റ്; പെണ്‍കുട്ടിയുടെ പിതാവ് മകളെ പീഡിപ്പിച്ചകേസില്‍ പ്രതി

Aug 12, 2022


thomas isaac

2 min

'ആ അഞ്ചുവര്‍ഷം നഷ്ടപ്പെട്ടില്ലായിരുന്നെങ്കില്‍ വേറൊരു കേരളമായേനെ, ഇ.ഡിയുടെ നീക്കം പാര്‍ട്ടി നേരിടും'

Aug 11, 2022


14:00

'ഞാൻ ചെല്ലുമ്പോഴേക്കും അ‌ച്ഛന്റെ ദേഹത്തെ ചൂടുപോലും പോയിരുന്നു' | Suresh Gopi | Gokul | Talkies

Jul 26, 2022

Most Commented