Photo: PTI
വിശാഖപട്ടണം: ഓസ്‌ട്രേലിയയ്‌ക്കെതിരായ രണ്ടാം ഏകദിനത്തിനുശേഷം സമൂഹമാധ്യമങ്ങളില്‍ മലയാളി താരം സഞ്ജു സാംസണ്‍ തരംഗമാകുന്നു. തകര്‍പ്പന്‍ ഫോമില്‍ കളിക്കുന്ന സഞ്ജുവിനെ ടീമിലുള്‍പ്പെടുത്തണമെന്ന ആവശ്യവുമായി ആരാധകര്‍ രംഗത്തെത്തി.
ഓസ്‌ട്രേലിയയ്‌ക്കെതിരായ പരമ്പരയില്‍ ഇതുവരെ ഫോം കണ്ടെത്താത്ത സൂര്യകുമാര്‍ യാദവിന് പകരം സഞ്ജുവിനെ കളിപ്പിക്കണമെന്നാണ് ആരാധകര്‍ പറയുന്നത്. ഓസീസിനെതിരായ ആദ്യ രണ്ട് മത്സരങ്ങളിലും സൂര്യകുമാര്‍ നേരിട്ട ആദ്യ പന്തില്‍ തന്നെ പുറത്തായിരുന്നു.
നാലാം നമ്പറില്‍ ഏകദിനത്തില്‍ സഞ്ജുവാണ് മികച്ച താരമെന്നാണ് ആരാധകര്‍ പറയുന്നത്. കണക്കുനിരത്തിയാണ് പലരും സമൂഹമാധ്യമങ്ങളില്‍ പോസ്റ്റുകള്‍ നിരത്തുന്നത്. സൂര്യുകുമാറിനേക്കാള്‍ ഏകദിനത്തില്‍ മികച്ച പ്രകടനവും ശരാശരിയുമുള്ള സഞ്ജുവിന് അവസരം നല്‍കാത്തത് കടുത്ത അവഗണനയാണെന്നാണ് പലരും പറയുന്നത്.
ഏകദിനത്തില്‍ സഞ്ജുവിന് മികച്ച റെക്കോഡുണ്ട്. 10 ഇന്നിങ്‌സുകളില്‍ നിന്ന് 330 റണ്‍സാണ് സഞ്ജു അടിച്ചെടുത്തത്. 86 റണ്‍സാണ് ഉയര്‍ന്ന സ്‌കോര്‍. 66 ശരാശരിയും. അഞ്ചുതവണ അപരാജിതനായി നില്‍ക്കുകയും ചെയ്തു. എന്നിട്ടും താരത്തിന് അവസരം കൊടുക്കാത്തതാണ് ആരാധകരെ ചൊടിപ്പിക്കുന്നത്. സൂര്യകുമാര്‍ 18 ഏകദിന ഇന്നിങ്‌സുകളില്‍ നിന്ന് നേടിയത് 433 റണ്‍സാണ്. ശരാശരി വെറും 28.87 ആണ്. ഉയര്‍ന്ന സ്‌കോര്‍ 64 മാത്രമാണ്. ഈ കണക്കുകളെല്ലാം നിരത്തിയാണ് ആരാധകര്‍ സഞ്ജുവിനായി രംഗത്തെത്തിയിരിക്കുന്നത്.
Content Highlights: sanju samson vs suryakumar yadav battle in social media
Also Watch
RELATED STORIES
.jpg?$p=bfb6ac3&f=1x1&w=100&q=0.8)
IN CASE YOU MISSED IT
Premium
.jpg?$p=aa62323&f=1x1&w=100&q=0.8)
.jpg?$p=bfb6ac3&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..