തിരുവനന്തപുരം: സൗരാഷ്ട്രക്കെതിരായ രഞ്ജിയില്‍ കേരളം ശക്തമായ നിലയില്‍. 180 പന്തില്‍ 175 റണ്‍സ് അടിച്ചുകൂട്ടിയ സഞ്ജുവിന്റെ മികവില്‍ കേരളം രണ്ടാമിന്നിങ്‌സില്‍ ആറു വിക്കറ്റിന് 411 റണ്‍സെന്ന നിലയില്‍ ഡിക്ലയര്‍ ചെയ്തു. ആദ്യ ഇന്നിങ്‌സില്‍ ഏഴു റണ്‍സ് ലീഡ് വഴങ്ങിയ കേരളം ഇതോടെ 405 റണ്‍സിന്റെ വിജയലക്ഷ്യമാണ് സൗരാഷ്ട്രക്ക് മുന്നില്‍ വെച്ചിരിക്കുന്നത്. മറുപടി ബാറ്റിങ്ങിനിറങ്ങിയ സൗരാഷ്ട്ര മൂന്നാം ദിനം കളി നിര്‍ത്തുമ്പോള്‍ ഒരു വിക്കറ്റ് നഷ്ടത്തില്‍ 30 റണ്‍സെന്ന നിലയിലാണ്.
മൂന്നാം ദിനം ഒരു വിക്കറ്റിന് 69 എന്ന നിലയില്‍ ബാറ്റിങ് തുടങ്ങിയ കേരളം രണ്ടാം ഇന്നിങ്‌സില്‍ മികച്ച രീതിയിലാണ് കളിച്ചത്. 12 റണ്‍സെടുത്ത് അസ്ഹറുദ്ദീനെ നാലാം ഓവറില്‍ നഷ്ടപ്പെട്ടെങ്കിലും പിന്നീട് കേരളം തിരിച്ചടിക്കുകയായിരുന്നു. ജലജ് സക്‌സനേയും രോഹന്‍ പ്രേമും 44 റണ്‍സ് വീതം നേടിയപ്പോള്‍ അരുണ്‍ കാര്‍ത്തിക് 81 റണ്‍സുമായി സഞ്ജുവിന് മികച്ച പിന്തുണ നല്‍കി. ആദ്യ ഇന്ന്ങ്‌സില്‍ ആറു വിക്കറ്റ് വീഴ്ത്തിയ ജഡേജ നാലു വിക്കറ്റുമായി രണ്ടാം ഇന്നിങ്‌സിലും തിളങ്ങി.
നേരത്തെ കേരളത്തിന്റെ ഒന്നാമിന്നിങ്സ് സ്‌കോറായ 225 റണ്‍സിനെതിരെ ബാറ്റിങ്ങിനിറങ്ങിയ സൗരാഷ്ട്ര 232 റണ്‍സിന് പുറത്താകുകയായിരുന്നു. പക്ഷേ കേരളത്തിനെതിരെ ഏഴു റണ്‍സിന്റെ വിലപ്പെട്ട ലീഡ് സ്വന്തമാക്കാന്‍ സൗരാഷ്ട്രക്ക് കഴിഞ്ഞു.
ഓപ്പണര്‍മാരായ റോബിന്‍ ഉത്തപ്പയും സ്നെല്‍ എസ് പട്ടേലുമാണ് സൗരാഷ്ട്രയുടെ ഇന്നിങ്സിനെ മുന്നോട്ടുനയിച്ചത്. റോബിന്‍ ഉത്തപ്പ 86 റണ്‍സും പട്ടേല്‍ 49 റണ്‍സുമടിച്ചു. എന്നാല്‍ പിന്നീട് വന്നവരാര്‍ക്കും പിടിച്ചുനില്‍ക്കാനായില്ല. നാലു വിക്കറ്റെടുത്ത സിജോമോന്‍ ജോസഫും മൂന്നു വിക്കറ്റു വീഴ്ത്തിയ ബേസില്‍ തമ്പിയും സൗരാഷ്ട്രയുടെ ഇന്നിങ്സിന്റെ നട്ടെല്ലൊടിക്കുകയായിരുന്നു.
അര്‍ധസെഞ്ചുറിയുമായി തിളങ്ങിയ സഞ്ജു തന്നെയാണ് ആദ്യ ഇന്നിങ്‌സിലും കേരളത്തിന്റെ ബാറ്റിങ്ങില്‍ പിടിച്ചുനിന്നത്. 104 പന്തില്‍ 68 റണ്‍സാണ് സഞ്ജു അടിച്ചത്. ആറു വിക്കറ്റ് വീഴ്ത്തിയ ജഡേജ കേരളത്തിന്റെ ഇന്നിങ്സ് 225 റണ്‍സിലൊതുക്കുകയായിരുന്നു.
RELATED STORIES
.jpg?$p=fad68fb&f=1x1&w=100&q=0.8)
IN CASE YOU MISSED IT
.jpg?$p=71e446e&f=1x1&w=100&q=0.8)
.jpg?$p=f67c2a2&f=1x1&w=100&q=0.8)
.jpg?$p=8384990&q=0.8&f=16x11&w=104)
.jpg?$p=b4643a5&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..