മുംബൈ: രഞ്ജി ട്രോഫി ക്രിക്കറ്റില്‍ കേരളത്തിന് ക്വാര്‍ട്ടര്‍ മത്സരം കടുപ്പമാകും. ഗ്രൂപ്പ് ഡി ചാമ്പ്യന്‍മാരായ വിദര്‍ഭയാണ് കേരളത്തിന്റെ എതിരാളികള്‍. ബംഗാളും പഞ്ചാബും ഉള്‍പ്പെടെയുള്ള കരുത്തന്മാരുടെ ഗ്രൂപ്പിലായിരുന്ന വിദര്‍ഭ നാലു ജയവും രണ്ടു സമനിലയുമായാണ് ഒന്നാമതെത്തിയത്.
ബൗളിങ്ങിലും ബാറ്റിങ്ങിലും ഒരുപോലെ മികവു തെളിയിച്ചാണ് വിദര്‍ഭയുടെ മുന്നേറ്റം. ക്യാപ്റ്റന്‍ ഫായിസ് ഫസലും മുന്‍ ഇന്ത്യന്‍ താരം വസീം ജാഫറുമാണ് കേരളത്തിന് വെല്ലുവിളിയുയര്‍ത്താന്‍ സാധ്യത.
ഡിസംബര്‍ ഏഴിനാണ് ക്വാര്‍ട്ടര്‍ മത്സരങ്ങള്‍ ആരംഭിക്കുന്നത്. സൂറത്തില്‍ വെച്ചാണ് കേരളവും വിദര്‍ഭയും തമ്മിലുള്ള മത്സരം. മറ്റു മത്സരങ്ങളില്‍ ജെയ്പൂരില്‍ ഗുജറാത്ത് ബംഗാളിനെയും വിജയവാഡയില്‍ ഡല്‍ഹി മധ്യപ്രദേശിനെയും നേരിടും. നാഗ്പുറില്‍ കര്‍ണാടകയും മുംബൈയും തമ്മിലാണ് മറ്റൊരു ക്വാര്‍ട്ടര്‍ മ്ത്സരം.
Content Highlights: Ranji Trophy Cricket Quarter Final Kerala vs Vidarbha
