രഞ്ജിയില്‍ കേരളത്തിനെതിരെ ഹരിയാണക്ക് ബാറ്റിങ് തകര്‍ച്ച: അഞ്ചു വിക്കറ്റ് നഷ്ടമായി


ഓപ്പണിങ് വിക്കറ്റില്‍ ജി.എ സിങ്ങും റോഹിലയും ചേര്‍ന്ന് 66 റണ്‍സിന്റെ കൂട്ടുകെട്ടുണ്ടാക്കി

റോത്തക്ക്: കേരളത്തിനെതിരായ രഞ്ജി ട്രോഫി ഗ്രൂപ്പ് മത്സരത്തില്‍ ഹരിയാണക്ക് ബാറ്റിങ് തകര്‍ച്ച. മത്സരം 55 ഓവര്‍ പിന്നിട്ടപ്പോള്‍ 135 റണ്‍സെടുക്കുന്നതിനിടയില്‍ ഹരിയാണക്ക് അഞ്ചു മുന്‍നിര വിക്കറ്റുകള്‍ നഷ്ടപ്പെട്ടു.

ഓപ്പണിങ് വിക്കറ്റില്‍ ജി.എ സിങ്ങും റോഹിലയും ചേര്‍ന്ന് 66 റണ്‍സിന്റെ കൂട്ടുകെട്ടുണ്ടാക്കിയെങ്കിലും പിന്നീട് ഹരിയാണ തകരുകയായിരുന്നു. 40 റണ്‍സെടുത്ത സിങ്ങിനെ പുറത്താക്കി ജലജ് സക്‌സേനയാണ് ആ കൂട്ടുകെട്ടു പൊളിച്ചത്. പിന്നാലെ 36 റണ്‍സെടുത്ത റോഹിലയും പുറത്തായി. ബിഷ്‌നോയി 14 റണ്‍സിനും ചൗഹാന്‍ നാല് റണ്‍സിനും ക്രീസ് വിട്ടു. ആര്‍.പി ശര്‍മ്മയുടെ സംഭാവന 13 റണ്‍സായിരുന്നു.

ഹരിയാണയിലെ ലാഹ്‌ലിയില്‍ ചൗധരി ബന്‍സിലാല്‍ ക്രിക്കറ്റ് സ്റ്റേഡിയത്തിലാണ് മത്സരം നടക്കുന്നത്. അഞ്ചു മത്സരങ്ങളില്‍ നാലു ജയവും ഒരു തോല്‍വിയുമായി 24 പോയന്റോടെ കേരളം രണ്ടാം സ്ഥാനത്താണ്. നാലുവിജയമടക്കം 27 പോയന്റുമായി ഗുജറാത്ത് ഒന്നാമതും മൂന്നുകളിയില്‍ 23 പോയന്റുമായി സൗരാഷ്ട്ര മൂന്നാമതും നില്‍ക്കുന്നു.

കേരളത്തിനും ഗുജറാത്തിനും ജയിച്ചാല്‍ ക്വാര്‍ട്ടറിലെത്താം. എന്നാല്‍, സൗരാഷ്ട്രയ്ക്ക് മറ്റു ടീമുകളുടെ ഫലത്തെക്കൂടി ആശ്രയിക്കണം. അഞ്ചു കളിയില്‍ ഒമ്പതുപോയന്റുമായി അഞ്ചാം സ്ഥാനത്തുനില്‍ക്കുന്ന ഹരിയാണയുടെ നോക്കൗട്ട് സാധ്യത അവസാനിച്ചുകഴിഞ്ഞു.

Content Highlights: Ranji Trophy Cricket Kerala vs Haryana Sanju Samson

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
antony raju

1 min

പിന്നില്‍ രാഷ്ട്രീയശക്തികള്‍; ആക്രമിക്കപ്പെട്ട നടിക്കെതിരേ ഗുരുതര ആരോപണങ്ങളുമായി മന്ത്രി ആന്റണി രാജു

May 24, 2022


vismaya

11 min

'അവൾ അന്ന് പൊട്ടിക്കരഞ്ഞുകൊണ്ട് ചോദിച്ചു: ഞാൻ വേസ്റ്റാണോ ചേച്ചി...'

May 23, 2022


dileep highcourt

1 min

ദിലീപും ഭരണമുന്നണിയും തമ്മില്‍ അവിശുദ്ധബന്ധം, മറ്റൊരു വഴിയും ഇല്ല; നടി ഹൈക്കോടതിയില്‍

May 23, 2022

More from this section




Most Commented