ഫോളോ ഓണിലും തകര്‍ന്ന് ഡല്‍ഹി; ഇന്നിങ്‌സ് ജയത്തില്‍ കണ്ണുംനട്ട് കേരളം


പതിമൂന്ന് റണ്‍സെടുത്ത ധ്രുവ് ഷേറെയും രണ്ട് റണ്‍സെടുത്ത അനുജ് റാവത്തുമാണ് ഡല്‍ഹിയുടെ പ്രതീക്ഷ നിലനിര്‍ത്തിക്കൊണ്ട് ക്രീസിലുള്ളത്.

തിരുവനന്തപുരം: രഞ്ജി ട്രോഫി ക്രിക്കറ്റ് എലൈറ്റ് റൗണ്ടില്‍ ഡെല്‍ഹിക്കെതിരേ കേരളം ഇന്നിങ്‌സ് ജയത്തിലേയ്ക്ക്. 320 റണ്‍സ് എന്ന കേരളത്തിന്റെ സ്‌കോറിനെ ഫോളോ ഓണ്‍ ചെയ്യുന്ന ഡെല്‍ഹി രണ്ടാമിന്നിങ്‌സിലും ബാറ്റിങ് തകര്‍ച്ച നേരിടുകയാണ്. ഒന്നാമിന്നിങ്‌സില്‍ 139 റണ്‍സിന് ഓള്‍ഔട്ടായ ഡെല്‍ഹി രണ്ടാം ദിനം കളി നിര്‍ത്തുമ്പോള്‍ അഞ്ച് വിക്കറ്റ് നഷ്ടത്തില്‍ 41 റണ്‍സ് എന്ന നിലയിലാണ്. ഇനി രണ്ട് ദിവസത്തെ കളി കൂടി ബാക്കിയിരിക്കേ കേരളത്തേക്കാള്‍ 140 റണ്‍സ് പിറകിലാണ് ഡെല്‍ഹി.

പതിമൂന്ന് റണ്‍സെടുത്ത ധ്രുവ് ഷേറെയും രണ്ട് റണ്‍സെടുത്ത അനുജ് റാവത്തുമാണ് ഡല്‍ഹിയുടെ പ്രതീക്ഷ നിലനിര്‍ത്തിക്കൊണ്ട് ക്രീസിലുള്ളത്.

സന്ദീപ് വാര്യരുടെയും ബേസില്‍ തമ്പിയുടെയും ബൗളിങ്ങിന് മുന്നിലാണ് ഡെല്‍ഹി രണ്ടാമിന്നിങ്‌സിലും ദയനീയമായി തകര്‍ന്നത്. വസിഷ്ഠ് (0), സാര്‍ഥക് രാജന്‍ (4), ഹിതെന്‍ (14), വൈഭവ് റാവല്‍ (0), ജോണ്ടി സിദ്ദു (6) എന്നിവരാണ് പുറത്തായത്. കേരളത്തിനുവേണ്ടി സന്ദീപ് വാര്യര്‍ മൂന്നും ബേസില്‍ തമ്പി രണ്ടും വിക്കറ്റ് വീഴ്ത്തി.

ഏഴിന് 291 റണ്‍സ് എന്ന നിലയി ബാറ്റിങ് ആരംഭിച്ച കേരളം 95.3 ഓവറിലാണ് ഓള്‍ഔട്ടായത്. 77 റണ്‍സ് വീതമെടുത്ത രാഹുലും മനോഹരനുമാണ് കേരളത്തിന്റെ ടോപ് സ്‌കോറര്‍മാര്‍. ജലജ് സക്‌സേന 68 റണ്‍സെടുത്തു.

Content Highlights: Ranji Trophy Cricket Kerala vs Delhi

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
antony raju

1 min

പിന്നില്‍ രാഷ്ട്രീയശക്തികള്‍; ആക്രമിക്കപ്പെട്ട നടിക്കെതിരേ ഗുരുതര ആരോപണങ്ങളുമായി മന്ത്രി ആന്റണി രാജു

May 24, 2022


vismaya

11 min

'അവൾ അന്ന് പൊട്ടിക്കരഞ്ഞുകൊണ്ട് ചോദിച്ചു: ഞാൻ വേസ്റ്റാണോ ചേച്ചി...'

May 23, 2022


dileep highcourt

1 min

ദിലീപും ഭരണമുന്നണിയും തമ്മില്‍ അവിശുദ്ധബന്ധം, മറ്റൊരു വഴിയും ഇല്ല; നടി ഹൈക്കോടതിയില്‍

May 23, 2022

More from this section




Most Commented