അരങ്ങേറ്റ മത്സരത്തില്‍ തന്നെ അപൂർവമായ റെക്കോഡ് സ്വന്തമാക്കി പ്രസിദ്ധ് കൃഷ്ണ


ഏകദിനത്തില്‍ ഇതാദ്യമായാണ് ഒരു ഇന്ത്യന്‍ താരം അരങ്ങേറ്റ മത്സരത്തില്‍ തന്നെ നാല് വിക്കറ്റുകള്‍ വീഴ്ത്തുന്നത്.

Photo: www.twitter.com

പുണെ: ഇംഗ്ലണ്ടിനെതിരായ ഒന്നാം ഏകദിന മത്സരത്തിനിടെ പുതിയ റെക്കോഡ് സ്വന്തമാക്കി അരങ്ങേറ്റ താരം പ്രസിദ്ധ് കൃഷ്ണ. അരങ്ങേറ്റ മത്സരത്തില്‍ ഒരു ഇന്ത്യന്‍ താരത്തിന്റെ ഏറ്റവും മികച്ച ബൗളിങ് പ്രകടനം എന്ന റെക്കോഡാണ് പ്രസിദ്ധ് സ്വന്തമാക്കിയത്.

ഇംഗ്ലണ്ടിനെതിരായ മത്സരത്തില്‍ നാല് വിക്കറ്റുകളാണ് താരം വീഴ്ത്തിയത്. ഏകദിനത്തില്‍ ഇതാദ്യമായാണ് ഒരു ഇന്ത്യന്‍ താരം അരങ്ങേറ്റ മത്സരത്തില്‍ തന്നെ നാല് വിക്കറ്റുകള്‍ വീഴ്ത്തുന്നത്.

ആദ്യ മൂന്നോവറില്‍ 37 റണ്‍സ് വഴങ്ങിയ പ്രസിദ്ധ് പിന്നീട് അവിശ്വസനീയമായി തിരിച്ചുവന്ന് ഇന്ത്യയുടെ വിജയത്തില്‍ നിര്‍ണായക ഘടകമായി. 8.1 ഓവറില്‍ ഒരു മെയ്ഡനടക്കം 54 റണ്‍സ് വഴങ്ങിയാണ് താരം നാല് വിക്കറ്റെടുത്തത്. അതായത് അവസാന അഞ്ചോവറില്‍ പ്രസിദ്ധ് വഴങ്ങിയത് വെറും 17 റണ്‍സ് മാത്രം. വീഴ്ത്തിയതോ നാലുവിക്കറ്റും. അതില്‍ ഒരു മെയ്ഡന്‍ ഓവറും.

സ്വപ്നതുല്യമായ അരങ്ങേറ്റം ലഭിച്ച പ്രസിദ്ധ് ടീമില്‍ സ്ഥാനം ഉറപ്പിച്ചേക്കും. കര്‍ണാടക സ്വദേശിയായ പ്രസിദ്ധ് ഐ.പി.എല്ലില്‍ കൊല്‍ക്കത്ത നൈറ്റ് റൈഡേഴ്‌സിന് വേണ്ടി കളിച്ചാണ് സെലക്ടര്‍മാരുടെ കണ്ണില്‍പ്പെട്ടത്. ഇന്ന് പ്രസിദ്ധിനൊപ്പം അരങ്ങേറിയ ക്രുനാല്‍ പാണ്ഡ്യ അതിവേഗ അര്‍ധസെഞ്ചുറി നേടി റെക്കോഡിട്ടിരുന്നു.

Content Highlights: Prasidh Krishna became the first indian to get four wickets on the debut


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

05:02

ഭാര്യയുമായി പിണങ്ങി താമസിച്ച 65-കാരന്‍ മരിച്ചു; തെളിഞ്ഞത് ദാരുണമായ കൊലപാതകം

Sep 30, 2022


mallikarjun kharge

2 min

അപ്രതീക്ഷിത നീക്കങ്ങള്‍; തരൂരിനെ തള്ളി ഖാര്‍ഗെയ്‌ക്കൊപ്പം നിരന്ന് ജി23യും, മുന്നില്‍ നിന്ന് ഗഹ്‌ലോത്

Sep 30, 2022


Mohan Bhagwat

1 min

തെറ്റായ ഭക്ഷണം കഴിക്കുന്നവര്‍ തെറ്റായ  വഴിയിലൂടെ സഞ്ചരിക്കും-നോണ്‍വെജിനെതിരെ മോഹന്‍ ഭാഗവത്

Sep 30, 2022

Most Commented