Photo: AFP
ലാഹോര്‍: 2023 ഏഷ്യ കപ്പ് ക്രിക്കറ്റ് ടൂര്‍ണമെന്റ് ശ്രീലങ്കയിലേക്ക് മാറ്റിയാല്‍ ടൂര്‍ണമെന്റ് ബഹിഷ്‌കരിക്കുമെന്ന് അറിയിച്ച് പാകിസ്താന്‍ ക്രിക്കറ്റ് ബോര്‍ഡ്. പാകിസ്താനില്‍ വെച്ച് ടൂര്‍ണമെന്റ് നടത്താനാണ് ആദ്യം തീരുമാനിച്ചത്. ഇത് മാറ്റിയതിനെത്തുടര്‍ന്നാണ് പാകിസ്താന്‍ നിലപാട് അറിയിച്ചത്.
പാകിസ്താനില്‍ ടൂര്‍ണമെന്റ് നടത്താന്‍ ബുദ്ധിമുട്ടുണ്ടെങ്കില്‍ പകരം യു.എ.ഇ വേദിയാക്കണമെന്ന് പാകിസ്താന്‍ ക്രിക്കറ്റ് ബോര്‍ഡ് ചെയര്‍മാന്‍ നജാം സെയ്ത്ത് ഏഷ്യന്‍ ക്രിക്കറ്റ് കൗണ്‍സിലിനെ അറിയിച്ചു. മറ്റൊരു വേദിയും അംഗീകരിക്കില്ലെന്നും പി.സി.ബി ചെയര്‍മാന്‍ വ്യക്തമാക്കി.
പാകിസ്താന്‍ ആതിഥേയത്വം വഹിച്ചാല്‍ ഇന്ത്യയുടെ മത്സരങ്ങളൊഴിച്ച് ബാക്കിയുള്ളവയെല്ലാം രാജ്യത്ത് നടത്താനായിരുന്നു തീരുമാനം. ഇന്ത്യയുടെ മത്സരങ്ങള്‍ യു.എ.ഇയില്‍ നടത്താനും തീരുമാനമായി. എന്നാല്‍ സെപ്റ്റംബറില്‍ യു.എ.ഇയില്‍ കനത്ത ചൂടായിരിക്കുമെന്നും ഇത് താരങ്ങളെ പ്രതികൂലമായി ബാധിക്കുമെന്നുമുള്ള ബി.സി.സി.ഐയുടെ വാദത്തെത്തുടര്‍ന്നാണ് ശ്രീലങ്കയെ പുതിയ വേദിയായി പരിഗണിക്കുന്നത്.
എന്നാല്‍ ബി.സി.സി.ഐ സെപ്റ്റംബര്‍ മാസത്തില്‍ യു.എ.ഇയില്‍ മുന്‍പ് ഐ.പി.എല്‍ നടത്തിയിട്ടുണ്ടെന്ന് പി.സി.ബി ചൂണ്ടിക്കാട്ടി. സെപ്റ്റംബര്‍ രണ്ട് മുതല്‍ 17 വരെയാണ് ഏഷ്യ കപ്പ് നടത്താന്‍ തീരുമാനിച്ചിരിക്കുന്നത്. ഏകദിന ഫോര്‍മാറ്റിലാണ് ഇത്തവണ ഏഷ്യ കപ്പ് നടക്കുന്നത്.
Content Highlights: pakistan threat on asia cup 2023
Also Watch
RELATED STORIES
IN CASE YOU MISSED IT
.jpg?$p=e4e93ab&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..