ട്വന്റി 20 ലോകകപ്പിനുള്ള പാക് ടീം തിരഞ്ഞെടുപ്പില്‍ അതൃപ്തി പ്രകടിപ്പിച്ച് ബാബര്‍ അസം


റിപ്പോര്‍ട്ടുകള്‍ പ്രകാരം ഷര്‍ജീല്‍ ഖാന്‍, ഫഖര്‍ സമാന്‍, ഫഹീം അഷറഫ്, ഉസ്മാന്‍ ഖാദിര്‍ എന്നിവരെ ടീമിലുള്‍പ്പെടുത്താന്‍ ബാബര്‍ ആഗ്രഹം പ്രകടിപ്പിച്ചിരുന്നു.

Photo: AFP

ഇസ്ലാമാബാദ്: ഒക്ടോബറില്‍ ആരംഭിക്കുന്ന ട്വന്റി 20 ലോകകപ്പിനുള്ള പാകിസ്താന്‍ ടീം തിരഞ്ഞെടുപ്പില്‍ അതൃപ്തി പ്രകടിപ്പിച്ച് ബാബര്‍ അസം. 15 അംഗ ടീമിനെയാണ് പാകിസ്താന്‍ ക്രിക്കറ്റ് ബോര്‍ഡ് പ്രഖ്യാപിച്ചത്.

പരിചയസമ്പന്നരായ ഫഖര്‍ സമാന്‍, മുന്‍ നായകന്‍ സര്‍ഫ്രാസ് അഹമ്മദ് തുടങ്ങിയ താരങ്ങളെ ഒഴിവാക്കിയതാണ് ബാബറിനെ ചൊടിപ്പിച്ചത്. ജിയോ ന്യൂസാണ് ഈ വാര്‍ത്ത റിപ്പോര്‍ട്ട് ചെയ്തത്. റമീസ് രാജ പാകിസ്താന്‍ ക്രിക്കറ്റ് ബോര്‍ഡിന്റെ പുതിയ ചെയര്‍പേഴ്‌സണായി സ്ഥാനമേറിയതിനുപിന്നാലെയാണ് ട്വന്റി 20 ലോകകപ്പിനുള്ള 15 അംഗ ടീമിനെ പ്രഖ്യാപിച്ചത്.

റമീസ് രാജ സ്ഥാനമേറ്റതോടെ പരിശീലക സ്ഥാനത്തുനിന്ന് വഖാര്‍ യൂനിസും മിസ്ബാ ഉള്‍ ഹഖും രാജിവെച്ചിരുന്നു. പാകിസ്താന്‍ ക്രിക്കറ്റ് ബോര്‍ഡില്‍ വലിയ ചര്‍ച്ചകള്‍ക്കാണ് ഇരുവരുടെയും രാജി വഴിവെച്ചത്.

റിപ്പോര്‍ട്ടുകള്‍ പ്രകാരം ഷര്‍ജീല്‍ ഖാന്‍, ഫഖര്‍ സമാന്‍, ഫഹീം അഷറഫ്, ഉസ്മാന്‍ ഖാദിര്‍ എന്നിവരെ ടീമിലുള്‍പ്പെടുത്താന്‍ ബാബര്‍ ആഗ്രഹം പ്രകടിപ്പിച്ചിരുന്നു. എന്നാല്‍ റമീസ് രാജ ഇതില്‍ അതൃപ്തി പ്രകടിപ്പിച്ചു. ഈ താരങ്ങള്‍ക്ക് പകരം ആസിഫ് അലി, ഖുഷ്ദില്‍ ഷാ, അസം ഖാന്‍, ഷൊഹൈബ് മസൂദ് എന്നിവരെയാണ് സെലക്ഷന്‍ കമ്മിറ്റി തിരഞ്ഞെടുത്തത്.

ഒക്ടോബര്‍ 17 മുതല്‍ നവംബര്‍ 14 വരെ യു.എ.ഇ, ഒമാന്‍ എന്നിവിടങ്ങളിലായി ബി.സി.സി.ഐ യുടെ നേതൃത്വത്തിലാണ് ലോകകപ്പ് നടക്കുന്നത്. ഇന്ത്യയില്‍ വെച്ചുനടക്കേണ്ട മത്സരങ്ങള്‍ കോവിഡ് വ്യാപനത്തെത്തുടര്‍ന്നാണ് യു.എ.ഇയിലേക്ക് മാറ്റിയത്. ഇന്ത്യയും പാകിസ്താനും ഒരേ ഗ്രൂപ്പിലാണ് ടൂര്‍ണമെന്റില്‍ മത്സരിക്കുന്നത്.

Content Highlights: Pakistan skipper Babar Azam unhappy with squad selection for T20 World Cup 2021

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
mv govindan

കേരളത്തിലെ കറിപൗഡറുകളെല്ലാം വ്യാജം, വിഷം - മന്ത്രി എം.വി. ഗോവിന്ദന്‍

Aug 11, 2022


kt jaleel

1 min

പാക് അധീന കശ്മീരിനെ ആസാദ് കശ്മീർ എന്നു വിശേഷിപ്പിച്ച് ജലീൽ; പരാമർശം വൻവിവാദം

Aug 12, 2022


Eknath Shinde

1 min

കോടിപതികള്‍, ശ്രീലങ്കയില്‍നിന്ന് ഡോക്ടറേറ്റ്; ഷിന്ദേ മന്ത്രിസഭയില്‍ 75%പേരും ക്രിമിനല്‍ കേസുള്ളവര്‍

Aug 11, 2022

Most Commented