ലിവിങ്സ്റ്റണ്‍ന്റെ സെഞ്ചുറിയും തുണച്ചില്ല; ആദ്യ ട്വന്റി-20യില്‍ ഇംഗ്ലണ്ടിന് തോല്‍വി


ഏകദിന പരമ്പര 3-0ത്തിന് നഷ്ടപ്പെട്ടതിന്റെ നിരാശയിലാണ് പാകിസ്താന്‍ ടീം ഇംഗ്ലണ്ടിനെതിരേ കളിക്കാനിറങ്ങിയത്.

ഷഹീൻ അഫ്രീദിയുടെ വിക്കറ്റാഘോഷം | Photo: twitter|icc

ട്രെന്റ്ബ്രിഡ്ജ്: ഇംഗ്ലണ്ടിനെതിരായ ആദ്യ ട്വന്റി-20യില്‍ പാകിസ്താന് വിജയം. ഏകദിനത്തിലേറ്റ നാണക്കേടിന് ആദ്യ ട്വന്റി-20യിലൂടെ പാകിസ്താന് മറുപടി നല്‍കി. പാകിസ്താന്‍ മുന്നോട്ടുവെച്ച 233 റണ്‍സ് വിജയലക്ഷ്യത്തിലേക്ക് ബാറ്റേന്തിയ ഇംഗ്ലണ്ട് 19.2 ഓവറില്‍ 201 റണ്‍സിന് എല്ലാവരും പുറത്തായി.

ഏകദിന പരമ്പര 3-0ത്തിന് നഷ്ടപ്പെട്ടതിന്റെ നിരാശയിലാണ് പാകിസ്താന്‍ ടീം ഇംഗ്ലണ്ടിനെതിരേ കളിക്കാനിറങ്ങിയത്. ടോസ് നേടിയ ഇംഗ്ലണ്ട് പാകിസ്താനെ ബാറ്റിങ്ങിന് അയച്ചു. ഓപ്പണര്‍മാരായ ബാബര്‍ അസമും മുഹമ്മദ് റിസ്വാനും പാകിസ്താന് മികച്ച തുടക്കം നല്‍കി. ഇരുവരും 150 റണ്‍സ് കൂട്ടുകെട്ട് പടുത്തുയര്‍ത്തി. മുഹമ്മദ് റിസ്വാന്‍ 41 പന്തില്‍ 63 റണ്‍സും ബാബര്‍ അസം 49 പന്തില്‍ 85 റണ്‍സും നേടി. പിന്നീട് ബാറ്റിങ്ങിനിറങ്ങിയവര്‍ കുറഞ്ഞ പന്തില്‍ കൂടുതല്‍ റണ്‍സ് നേടി പാകിസ്താന്റെ സ്‌കോറിങ് വേഗത കൂട്ടി.

ഷുഐബ് മക്‌സൂദ് ഏഴു പന്തില്‍ 19 റണ്‍സ് അടിച്ചപ്പോള്‍ എട്ടു പന്തില്‍ 26 റണ്‍സായിരുന്നു ഫഖര്‍ സമാന്റെ സമ്പാദ്യം. മുഹമ്മദ് ഹഫീസ് 10 പന്തില്‍ 24 റണ്‍സ് നേടി. ഇതോടെ പാക് സ്‌കോര്‍ 236 റണ്‍സിലെത്തി.

മറുപടി ബാറ്റിങ്ങിനിറങ്ങിയ ഇംഗ്ലണ്ടിന്റെ തുടക്കം തന്നെ തകര്‍ച്ചയോടെ ആയിരുന്നു. രണ്ടാം ഓവറില്‍ ഡേവിഡ് മലനും നാലാം ഓവറില്‍ ജോണി ബെയര്‍സ്‌റ്റോയും ക്രീസ് വിട്ടു. 13 പന്തില്‍ 32 റണ്‍സ് നേടി ജേസണ്‍ റോയ് ട്രാക്കിലെത്താന്‍ ശ്രമിച്ചെങ്കിലും അധികം ആയുസുണ്ടായില്ല. പിന്നീട് ലിയാം ലിവിങ്സ്റ്റണ്‍ന്റെ ഒറ്റയാള്‍ പോരാട്ടമാണ് കണ്ടത്. 43 പന്തില്‍ ആറു ഫോറും ഒമ്പത് സിക്‌സും സഹിതം ലിവിങ്സ്റ്റണ്‍ അടിച്ചെടുത്തത് 103 റണ്‍സാണ്. 17 പന്തില്‍ ലിവിങ്സ്റ്റണ്‍ അര്‍ധ സെഞ്ചുറി പൂര്‍ത്തിയാക്കി.

എന്നാല്‍ ലിവിങ്സ്റ്റണ്‍ പുറത്തായതിന് പിന്നാലെ ഇംഗ്ലണ്ട് തോല്‍വിയിലേക്ക് വീണു. ഒടുവില്‍ അവസാന ഓവറിലെ രണ്ടാം പന്തില്‍ ഇംഗ്ലണ്ട് ടീമിലെ എല്ലാവരും പുറത്തായി.

Content Highlights: Pakistan defeats England by 31 runs

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

04:45

റുഷ്ദിയിലേയ്ക്കു മാത്രമല്ല, പരിഭാഷകരിലേയ്ക്കും നീണ്ട പതിറ്റാണ്ടിന്റെ പക

Aug 16, 2022


Dalit Boy

1 min

അധ്യാപകന്റെ പാത്രത്തില്‍നിന്ന് വെള്ളംകുടിച്ചതിന് ക്രൂരമര്‍ദനം; 9 വയസ്സുള്ള ദളിത് ബാലന്‍ മരിച്ചു

Aug 14, 2022


09:55

പവർ പാക്ക്ഡ് 'പാലാപ്പള്ളി'; കടുവയിലെത്തിയ കഥ പറഞ്ഞ് സോൾ ഓഫ് ഫോക്ക് ബാൻഡ് | Soul of Folk

Aug 14, 2022

Most Commented