സെഞ്ചുറിയുമായി ഷഫീഖ്, ശ്രീലങ്കയ്‌ക്കെതിരായ ആദ്യ ടെസ്റ്റില്‍ പാകിസ്താന് വിജയം


ഇതോടെ രണ്ട് മത്സരങ്ങളടങ്ങിയ പരമ്പരയില്‍ പാകിസ്താന്‍ 1-0 ന് മുന്നിലെത്തി

Photo: twitter.com/ICC

ഗല്ലെ: ശ്രീലങ്കയ്‌ക്കെതിരായ ആദ്യ ക്രിക്കറ്റ് ടെസ്റ്റില്‍ പാകിസ്താന് നാലുവിക്കറ്റ് വിജയം. ശ്രീലങ്ക ഉയര്‍ത്തിയ 342 റണ്‍സ് വിജയലക്ഷ്യത്തിലേക്ക് രണ്ടാം ഇന്നിങ്‌സില്‍ ബാറ്റേന്തിയ പാകിസ്താന്‍ ആറുവിക്കറ്റ് നഷ്ടത്തില്‍ വിജയത്തിലെത്തി. രണ്ടാം ഇന്നിങ്‌സില്‍ സെഞ്ചുറി നേടിയ ഓപ്പണര്‍ അബ്ദുള്ള ഷഫീഖാണ് പാകിസ്താന്റെ വിജയശില്‍പ്പി. സ്‌കോര്‍: ശ്രീലങ്ക 222, 337. പാകിസ്താന്‍ 218, ആറിന് 344.

രണ്ടാം ഇന്നിങ്‌സില്‍ സാമാന്യം ഉയര്‍ന്ന വിജയലക്ഷ്യത്തിലേക്ക് ബാറ്റേന്തിയ പാകിസ്താന് വേണ്ടി ഷഫീഖ് മികച്ച പ്രകടനമാണ് പുറത്തെടുത്തത്. 408 പന്തുകളില്‍ നിന്ന് പുറത്താവാതെ 160 റണ്‍സാണ് താരം നേടിയത്. മത്സരത്തിലെ താരവും ഷഫീഖാണ്. ഏഴ് ബൗണ്ടറിയും ഒരു സിക്‌സും താരത്തിന്റെ ബാറ്റില്‍ നിന്ന് പിറന്നു.

55 റണ്‍സെടുത്ത നായകന്‍ ബാബര്‍ അസം, 40 റണ്‍സ് നേടിയ മുഹമ്മദ് റിസ്വാന്‍ എന്നിവരും പാകിസ്താന് വേണ്ടി തിളങ്ങി. 19 റണ്‍സുമായി മുഹമ്മദ് നവാസ് പുറത്താവാതെ ഷഫീഖിന് പിന്തുണയേകി. ശ്രീലങ്കയ്ക്ക് വേണ്ടി പുത്തന്‍ താരോദയം പ്രഭാത് ജയസൂര്യ നാലുവിക്കറ്റെടുത്തു. ആദ്യ ഇന്നിങ്‌സില്‍ അഞ്ചുവിക്കറ്റ് വീഴ്ത്താന്‍ ജയസൂര്യയ്ക്ക് സാധിച്ചിരുന്നു.

മത്സരത്തില്‍ ടോസ് നേടി ബാറ്റിങ് ആരംഭിച്ച ശ്രീലങ്ക ആദ്യ ഇന്നിങ്‌സില്‍ 222 റണ്‍സിന് ഓള്‍ ഔട്ടായി. എന്നാല്‍ മറുപടി ബാറ്റിങ്ങിനിറങ്ങിയ പാകിസ്താനെ വെറും 218 റണ്‍സിന് ഓള്‍ ഔട്ടാക്കി ശ്രീലങ്ക ഉശിരുകാട്ടി. രണ്ടാം ഇന്നിങ്‌സില്‍ 94 റണ്‍സെടുത്ത ദിനേശ് ചണ്ഡിമലിന്റെ കരുത്തില്‍ ശ്രീലങ്ക 337 റണ്‍സെടുത്ത് മത്സരത്തില്‍ പിടിമുറുക്കി. എന്നാല്‍ രണ്ടാം ഇന്നിങ്‌സില്‍ നന്നായി ബാറ്റ് വീശിയ പാകിസ്താന്‍ വിജയം സ്വന്തമാക്കി.

ഇതോടെ രണ്ട് മത്സരങ്ങളടങ്ങിയ പരമ്പരയില്‍ പാകിസ്താന്‍ 1-0 ന് മുന്നിലെത്തി. പരമ്പരയിലെ അടുത്ത മത്സരം ജൂലായ് 24-ന് ആരംഭിക്കും.

Content Highlights: pakistan vs sri lanka, pak vs sl, cricket news, test cricket, cricket, sports news, sports

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
K Surendran

2 min

'ദിലീപിന് സിനിമയിലഭിനയിക്കാം; ശ്രീറാമിന് കളക്ടറാകാന്‍ പാടില്ലേ?'; അതെന്ത് ന്യായമെന്ന് സുരേന്ദ്രന്‍

Aug 7, 2022


Modi, Shah

9 min

മോദി 2024-ൽ വീണ്ടും ബി.ജെ.പിയെ നയിക്കുമ്പോൾ | വഴിപോക്കൻ

Aug 6, 2022


08:52

ഒറ്റ രാത്രിയില്‍ രജീഷിന് നഷ്ടം 40 ലക്ഷം; ഒലിച്ചുപോയത് നാലേക്കര്‍ പൈനാപ്പിള്‍ തോട്ടം

Aug 5, 2022

Most Commented