പ്രഥമ ലങ്ക പ്രീമിയര്‍ ലീഗിന്റെ താരലേലത്തിന് മുനാഫ് പട്ടേലും അഫ്രീദിയും ഗെയ്‌ലും


2011 ഏകദിന ലോകകപ്പ് നേടിയ ഇന്ത്യന്‍ ടീമില്‍ അംഗമായ മുനാഫ് പട്ടേല്‍ 150 വിദേശ താരങ്ങള്‍ക്കൊപ്പമാണ് ഇടംപിടിച്ചത്

മുനാഫ് പട്ടേൽ | Photo: Reuters

കൊളംബോ: ലങ്ക പ്രീമിയർ ലീഗിന്റെ പ്രഥമ സീസണിന് മുന്നോടിയായി നടക്കുന്ന താരലേലത്തിൽ പങ്കെടുക്കാൻ ഇന്ത്യയുടെ മുൻതാരം മുനാഫ് പട്ടേലും. 2011 ഏകദിന ലോകകപ്പ് നേടിയ ഇന്ത്യൻ ടീമിൽ അംഗമായ മുനാഫ് പട്ടേൽ 150 വിദേശ താരങ്ങൾക്കൊപ്പമാണ് ഇടംപിടിച്ചത്. ഐ.പി.എല്ലിൽ രാജസ്ഥാൻ റോയൽസ്, ഗുജറാത്ത് ലയൺസ്, മുംബൈ ഇന്ത്യൻസ് തുടങ്ങിയ ടീമുകൾക്കൊപ്പം കളിച്ചിട്ടുള്ള താരമാണ് മുനാഫ്.

പാകിസ്താന്റെ മുൻ ഓൾറൗണ്ടർ ഷാഹിദ് അഫ്രീദി, ബംഗ്ലാദേശ് താരം ഷാക്കിബുൽ ഹസ്സൻ, വെസ്റ്റിൻഡീസ് ബാറ്റ്സ്മാൻ ഡാരെൻ ബ്രാവോ, ക്രിസ് ഗെയ്ൽ, ഡാരെൻ സമി, ഇംഗ്ലണ്ടിന്റെ രവി ബൊപാര, ന്യൂസീലന്റിന്റെ കോളിൻ മൺറോ, ദക്ഷിണാഫ്രിക്കയുടെ വെർനോൺ ഫിലാന്റർ എന്നിവരും താരലേലത്തിൽ പങ്കെടുക്കും. ഒക്ടോബർ ഒന്നിനാണ് താരലേലം നടക്കുക.

ഈ വർഷം നവംബർ 14 മുതൽ ഡിസംബർ ആറു വരെയാണ് ലങ്ക പ്രീമിയർ ലീഗിന്റെ പ്രഥമ സീസൺ അരങ്ങേറുക. അഞ്ചു ടീമുകളാണ് ആദ്യ സീസണിൽ മാറ്റുരയ്ക്കുന്നത്. ഓരോ ടീമിനും 19 താരങ്ങളെ വീതം തിരഞ്ഞെടുക്കാം. ഇതിൽ ആറു പേർ വിദേശ താരങ്ങളാണ്. അഞ്ചു ടീമുകളിലുമായി ആകെ 30 വിദേശ താരങ്ങൾക്കും 65 ശ്രീലങ്കൻ താരങ്ങൾക്കുമാണ് അവസരം ലഭിക്കുക.

Content Highlights: Munaf Patel, Chris Gayle, Shahid Afridi, Lanka Premier League auction


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
wedding

2 min

വധു ഒഴികെ ആരും ക്യാമറ കണ്ടില്ല; ആ ക്ലിക്കിന് കിട്ടിയത് രണ്ടു ലക്ഷം രൂപ സമ്മാനം

Sep 25, 2022


Police

1 min

വീട്ടിൽനിന്ന്‌ രഹസ്യ ഗോവണി, ബംഗ്ലാവില്‍ ആര്‍ഭാടജീവിതം; മുപ്പതിലധികം കവർച്ചക്കേസുകളിലെ പ്രതി കുടുങ്ങി

Sep 25, 2022


രണ്ടരവർഷത്തെ കാത്തിരിപ്പ്; പിണക്കം മറന്ന് മടങ്ങിയെത്തിയ ഓമനപ്പൂച്ചയെ വാരിപ്പുണർന്ന് ഉടമകൾ

Sep 25, 2022

Most Commented