ഹൈദരാബാദ്: ഏകദിന ക്രിക്കറ്റില്‍ മികച്ച ഫോമില്‍ കളിക്കുന്ന ഇന്ത്യന്‍ താരം എം.എസ് ധോനിയുടെ പേരില്‍ മറ്റൊരു റെക്കോഡ് കൂടി. ഓസ്‌ട്രേലിയക്കെതിരായ ആദ്യ ഏകദിനത്തില്‍ പുറത്താകാതെ 59 റണ്‍സ് നേടിയ ധോനിയുടെ അക്കൗണ്ടില്‍ 13,000 റണ്‍സ് ആയി. ലിസ്റ്റ് എ ക്രിക്കറ്റില്‍ ഈ നേട്ടം കൈവരിക്കുന്ന നാലാമത്തെ ഇന്ത്യന്‍ താരമാണ് ധോനി.
സച്ചിന്‍ തെണ്ടുല്‍ക്കര്‍, സൗരവ് ഗാംഗുലി, രാഹുല്‍ ദ്രാവിഡ് എന്നിവരാണ് മുന്‍പു നേട്ടത്തിലെത്തിയ ഇന്ത്യന്‍ താരങ്ങള്‍. രാജ്യാന്തര ഏകദിനങ്ങള്‍ക്കു പുറമേ 40 മുതല്‍ 60 ഓവര്‍ വരെയുള്ള ആഭ്യന്തര മല്‍സരങ്ങളും ലിസ്റ്റ് എ പട്ടികയില്‍പെടും. 412 ലിസ്റ്റ് എ മല്‍സരങ്ങളില്‍ 13,054 റണ്‍സാണ് ഇതുവരെയുള്ള ധോനി നേടിയത്.
നേരത്തെ ഏകദിനത്തില്‍ ഏറ്റവും കൂടുതല്‍ സിക്‌സ് നേടുന്ന ഇന്ത്യന്‍ താരമെന്ന റെക്കോഡും ധോനി നേടിയിരുന്നു. രോഹിത് ശര്‍മ്മയെ പിന്നിലാക്കിയായിരുന്നു ധോനിയുടെ ഈ നേട്ടം.
Content Highlights: MS Dhoni Joins Elite List Of Indian Batsmen
