ക്രിക്കറ്റില്‍ ലിംഗ സമത്വം; ബാറ്റ്‌സ്മാന്‍ ഔട്ട്, ഇനി ബാറ്റര്‍ മാത്രം


ക്രിക്കറ്റ് സംബന്ധിച്ച നിയമങ്ങളുടെ അവസാന വാക്കായ മാര്‍ലിബണ്‍ ക്രിക്കറ്റ് ക്ലബ്ബ് (എം.സി.സി) ആണ് തീരുമാനമെടുത്തത്

മത്സരത്തിനിടെ ഇംഗ്ലീഷ് വനിതാ താരങ്ങൾ | Photo: Reuters

ലണ്ടന്‍: ഇനി മുതല്‍ ക്രിക്കറ്റില്‍ ബാറ്റ്‌സ്മാന്‍ എന്ന പ്രയോഗമില്ല. പകരം ബാറ്റര്‍ എന്ന പൊതുപദമാണ് ഉപയോഗിക്കുക. ക്രിക്കറ്റില്‍ ലിംഗസമത്വം നടപ്പാക്കുന്നതിന്റെ ഭാഗമായാണ് ഇത്.

ക്രിക്കറ്റ് സംബന്ധിച്ച നിയമങ്ങളുടെ അവസാന വാക്കായ മാര്‍ലിബണ്‍ ക്രിക്കറ്റ് ക്ലബ്ബ് (എം.സി.സി) ആണ് തീരുമാനമെടുത്തത്. ക്രിക്കറ്റ് പരിഷ്‌കരണ സമിതി ആയ എം.സി.സി ലോര്‍ഡ്‌സ് ക്രിക്കറ്റ് സ്‌റ്റേഡിയത്തിന്റെ ഉടമകളും ലോകത്തെ ഏറ്റവും സജീവമായ ക്രിക്കറ്റ് ക്ലബ്ബുമാണ്.

പുരുഷന്‍മാര്‍ മാത്രം ക്രിക്കറ്റ് കളിച്ചിരുന്ന കാലത്ത് ബാറ്റ്‌സ്മാന്‍ എന്ന വാക്ക് മതിയായിരുന്നെന്നും വനിതാ ക്രിക്കറ്റിന്റെ ജനപ്രീതി പരിഗണിച്ചാണ് പുതിയ തീരുമാനമെന്നും എം.സി.സി വ്യക്തമാക്കി. 2017 മുതല്‍ ഇതുമായി ബന്ധപ്പെട്ട ചര്‍ച്ചകള്‍ തുടങ്ങിയിരുന്നു. ബൗളര്‍, ഫീല്‍ഡര്‍ എന്നീ വാക്കുകള്‍ക്ക് സമാനമായാണ് ബാറ്റ്‌സ്മാന്‍ എന്ന വാക്ക് പരിഷ്‌കരിച്ച് ബാറ്റര്‍ എന്നാക്കിയത്.

2017-ല്‍ ലോര്‍ഡ്‌സില്‍ നിറഞ്ഞ ഗാലറിയെ സാക്ഷിയാക്കിയാണ് ഇന്ത്യയെ തോല്‍പ്പിച്ച് ഇംഗ്ലണ്ട് വനിതാ ലോകകപ്പ് കിരീടം നേടിയത്. കഴിഞ്ഞ വര്‍ഷം ഓസ്‌ട്രേലിയയില്‍ നടന്ന ട്വന്റി-20 ലോകകപ്പ് ഫൈനലില്‍ ഇന്ത്യ-ഓസ്‌ട്രേലിയ പോരാട്ടം കാണാനും എണ്‍പതിനായിരത്തോളം കാണികളെത്തിയിരുന്നു.

ഇംഗ്ലണ്ടില്‍ അടുത്തിടെ സമാപിച്ച 'ദി ഹണ്ട്രഡ്' ടൂര്‍ണമെന്റില്‍ ബാറ്റര്‍ എന്ന പദമാണ് ഉപയോഗിച്ചത്. തേര്‍ഡ് മാന്‍ എന്നതിന് പകരം തേര്‍ഡ് എന്നാണ് കമന്ററിയിലടക്കം പറഞ്ഞത്.

Content Highlights: MCC shifts from batsman to batter in Laws of Cricket


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

'ഷർട്ട് വാങ്ങാൻ 1500 രൂപ കൊടുത്തു, ലോണടയ്ക്കാൻ 1000 തിരികെ തന്നു'

Oct 6, 2022


anas

2 min

പോയത് നാലുകോടി രൂപ; ജീവിതം അവസാനിപ്പിക്കുമെന്ന് പറഞ്ഞ് മുഖ്യമന്ത്രിക്ക് കത്തയച്ച് സംരംഭകന്‍

Oct 7, 2022


06:50

വിമാനലോകത്തിലെ ഭീമന്‍, എയര്‍ബസ് A 380 സീരീസിന്  മരണമണി മുഴങ്ങുന്നു

Oct 6, 2022

Most Commented