സ്റ്റോയിനിസിന്റെ പോരാട്ടം വിഫലമായി, രണ്ടാം ടി ട്വന്റിയില്‍ ഓസീസിനെ കീഴടക്കി ന്യൂസീലന്‍ഡ്


ടോസ് നഷ്ടപ്പെട്ട് ബാറ്റിങ്ങിനിറങ്ങിയ കിവീസിനായി ഓപ്പണര്‍ മാര്‍ട്ടിന്‍ ഗപ്റ്റില്‍ തകര്‍പ്പന്‍ പ്രകടനം കാഴ്ചവെച്ചു. 50 പന്തുകളില്‍ നിന്നും 97 റണ്‍സാണ് താരം അടിച്ചെടുത്തത്.

Photo: twitter.com|ICC

ഡ്യൂനെഡിൻ:ഓസ്‌ട്രേലിയയ്‌ക്കെതിരായ രണ്ടാം ട്വന്റി 20 മത്സരത്തില്‍ ന്യൂസീലന്‍ഡിന് തകര്‍പ്പന്‍ ജയം. നാലുറണ്‍സിന്റെ വിജയമാണ് വില്യംസണും സംഘവും സ്വന്തമാക്കിയത്.

ന്യൂസിലന്‍ഡ് ഉയര്‍ത്തിയ 219 റണ്‍സ് വിജയലക്ഷ്യത്തിലേക്ക് ബാറ്റേന്തിയ ഓസ്‌ട്രേലിയയ്ക്ക് നിശ്ചിത ഓവറില്‍ എട്ടുവിക്കറ്റ് നഷ്ടത്തില്‍ 215 റണ്‍സെടുക്കാനേ കഴിഞ്ഞുള്ളൂ. ഇതോടെ അഞ്ചുമത്സരങ്ങളടങ്ങിയ പരമ്പരയില്‍ ന്യൂസീലന്‍ഡ് 2-0 ന് മുന്നിലെത്തി.

അവസാന ഓവറില്‍ ഓസീസിന് ജയിക്കാന്‍ 15 റണ്‍സാണ് വേണ്ടിയിരുന്നത്. എന്നാല്‍ ജിമ്മി നീഷാമെറിഞ്ഞ ഓവറില്‍ മൂന്ന് ഡോട്ട് ബോളുകള്‍ പിറന്നു. ഇതോടെ ആവേശകരമായ മത്സരത്തില്‍ കിവീസ് വിജയം നേടി. ഒരു ഘട്ടത്തില്‍ 113 ന് ആറ് എന്ന നിലയില്‍ തകര്‍ന്ന ഓസീസിനെ 37 പന്തുകളില്‍ നിന്നും 78 റണ്‍സെടുത്ത സ്റ്റോയിനിസും 15 പന്തുകളില്‍ നിന്നും 41 റണ്‍സെടുത്ത സാംസും ചേര്‍ന്നാണ് രക്ഷിച്ചത്.

ടോസ് നഷ്ടപ്പെട്ട് ബാറ്റിങ്ങിനിറങ്ങിയ കിവീസിനായി ഓപ്പണര്‍ മാര്‍ട്ടിന്‍ ഗപ്റ്റില്‍ തകര്‍പ്പന്‍ പ്രകടനം കാഴ്ചവെച്ചു. 50 പന്തുകളില്‍ നിന്നും 97 റണ്‍സാണ് താരം അടിച്ചെടുത്തത്. ഗപ്റ്റില്‍ തന്നെയാണ് കളിയിലെ താരവും. 53 റണ്‍സെടുത്ത നായകന്‍ വില്യംസണും 45 റണ്‍സെടുത്ത് പുറത്താവാതെ നിന്ന ജിമ്മി നീഷാമും മികച്ച പ്രകടനം കാഴ്ചവെച്ചു. ഓസിസിനായി കെയ്ന്‍ റിച്ചാര്‍ഡ്‌സണ്‍ നാലോവറില്‍ 43 റണ്‍സ് വഴങ്ങി മൂന്നു വിക്കറ്റ് വീഴ്ത്തി.

സ്‌റ്റോയിനിസിനും സാംസിനും പുറമേ ഓസിസിനായി ജോഷ് ഫിലിപ്പെ 45 റണ്‍സെടുത്തു. ന്യൂസിലന്‍ഡിനായി മിച്ചല്‍ സാന്റ്‌നര്‍ നാലോവറില്‍ 31 റണ്‍സ് വിട്ടുനല്‍കി നാലുവിക്കറ്റ് വീഴ്ത്തി. പരമ്പരയിലെ അടുത്ത മത്സരം മാര്‍ച്ച് മൂന്നിന് നടക്കും.

Content Highlights: Marcus Stoinis heroics in vain as Martin Guptills 97 guides Kiwis to thrilling win over Australia

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
arvind kejriwal, sabu m jacob

1 min

കേരളവും പിടിക്കുമെന്ന് കെജ്‌രിവാള്‍; ട്വന്റി ട്വന്റിയുമായി ആം ആദ്മി പാര്‍ട്ടി സഖ്യം പ്രഖ്യാപിച്ചു

May 15, 2022


Nikhila Vimal

1 min

കോഴിക്കും മീനിനും ഇല്ലാത്ത ഇളവ് പശുവിന് എന്തിന്? ഞാൻ എന്തും കഴിക്കും- നിഖില വിമൽ

May 14, 2022


poornima indrajith

'ഓക്കേ അല്ലേ..ഇതു പെര്‍ഫെക്റ്റ് ആണ്'; വീട് നിര്‍മാണത്തിനിടെ ഭിത്തി തേച്ച് പൂര്‍ണിമ

May 16, 2022

More from this section




Most Commented