സയ്യിദ് മുഷ്താഖ് അലി ട്രോഫി; ഉത്തപ്പ തിളങ്ങി, വിദര്‍ഭയെ തകര്‍ത്ത് കേരളം


ജയത്തോടെ ഗ്രൂപ്പ് ബിയില്‍ നാലു മത്സരങ്ങളില്‍ നിന്ന് 12 പോയിന്റുമായി കേരളം രണ്ടാം സ്ഥാനത്തെത്തി

തിരുവനന്തപുരം: സയ്യിദ് മുഷ്താഖ് അലി ട്രോഫിയില്‍ വിദര്‍ഭയെ 26 റണ്‍സിന് തോല്‍പ്പിച്ച് കേരളം. ടൂര്‍ണമെന്റില്‍ കേരളത്തിന്റെ തുടര്‍ച്ചയായ മൂന്നാം ജയമാണിത്. കേരളം ഉയര്‍ത്തിയ 163 റണ്‍സ് വിജയലക്ഷ്യം പിന്തുടര്‍ന്ന് ബാറ്റിങ്ങിനിറങ്ങിയ വിദര്‍ഭയ്ക്ക് ഏഴു വിക്കറ്റ് നഷ്ടത്തില്‍ 136 റണ്‍സെടുക്കാനേ സാധിച്ചുള്ളൂ.

ഈ സീസണില്‍ ആദ്യമായി ഫോമിലേക്കെത്തിയ ക്യാപ്റ്റന്‍ റോബിന്‍ ഉത്തപ്പയുടെ ബാറ്റിങ് മികവില്‍ ടോസ് നഷ്ടപ്പെട്ട് ആദ്യം ബാറ്റുചെയ്ത കേരളം നിശ്ചിത 20 ഓവറില്‍ ഏഴു വിക്കറ്റ് നഷ്ടത്തില്‍ 162 റണ്‍സെടുത്തിരുന്നു. 39 പന്തില്‍ അഞ്ചു സിക്‌സും രണ്ടു ബൗണ്ടറിയുമടക്കം ഉത്തപ്പ 69 റണ്‍സെടുത്തു. സച്ചിന്‍ ബേബി 39 റണ്‍സെടുത്തു. നാലാം വിക്കറ്റില്‍ ഇരുവരും 60 റണ്‍സിന്റെ കൂട്ടുകെട്ടുണ്ടാക്കി.

സഞ്ജു ഒരിക്കല്‍ക്കൂടി നിരാശപ്പെടുത്തി. അഞ്ചു പന്തില്‍ ഒമ്പത് റണ്‍സ് മാത്രമാണ് സഞ്ജുവിന് നേടാനായത്. വിഷ്ണു വിനോദ് (13), ജലജ് സക്സേന (13), മുഹമ്മദ് അസറുദ്ദീന്‍ (1), അക്ഷയ് ചന്ദ്രന്‍ (10), ബേസില്‍ തമ്പി (2) എന്നിവരാണ് പുറത്തായ മറ്റുതാരങ്ങള്‍. 27 പന്തില്‍ ഒരു ബൗണ്ടറി സഹിതം 29 റണ്‍സെടുത്ത അക്ഷയ് വാഡ്കറാണ് വിദര്‍ഭയുടെ ടോപ് സ്‌കോറര്‍.

ജയത്തോടെ ഗ്രൂപ്പ് ബിയില്‍ നാലു മത്സരങ്ങളില്‍ നിന്ന് 12 പോയിന്റുമായി കേരളം രണ്ടാം സ്ഥാനത്തെത്തി. അഞ്ചു മത്സരങ്ങളില്‍ നിന്ന് 16 പോയന്റുള്ള വിദര്‍ഭയാണ് ഗ്രൂപ്പില്‍ ഒന്നാമത്.

Content Highlights: Kerala vs Vidarbha Syed Mushtaq Ali Trophy 2019-20

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
D Imman

1 min

കുറച്ചുവർഷങ്ങളായി അനുഭവിച്ച വെല്ലുവിളികൾക്കുള്ള പരിഹാരം; പുനർവിവാഹത്തേക്കുറിച്ച് ഡി.ഇമ്മൻ

May 18, 2022


arya rajendran

2 min

'കാലില്‍ നീര്, എത്ര വേദന മുഖ്യമന്ത്രി സഹിക്കുന്നുണ്ടാകും'; സുധാകരന് ആര്യാ രാജേന്ദ്രന്റെ മറുപടി

May 18, 2022


VINOJ

1 min

വാഹനം ഒട്ടകവുമായി ഇടിച്ച് പ്രവാസി മലയാളി സൗദിയില്‍ മരിച്ചു

May 19, 2022

More from this section




Most Commented