ചരിത്രനേട്ടത്തിനായി കേരളം കൃഷ്ണഗിരിയില്‍


വയനാട്ടിലെ കൃഷ്ണഗിരി സ്റ്റേഡിയത്തില്‍ കേരളം-ഗുജറാത്ത് ക്വാര്‍ട്ടര്‍ മത്സരം ചൊവ്വാഴ്ച തുടങ്ങും.

കോഴിക്കോട്: രഞ്ജി ട്രോഫി ക്രിക്കറ്റില്‍ തുടര്‍ച്ചയായി രണ്ടാം സീസണിലും ക്വാര്‍ട്ടറിലെത്തിയ കേരളം ഇക്കുറി സെമി സ്വപ്നം കാണുന്നതിനു പിന്നില്‍ ഒരു കാരണമുണ്ട്. സ്വന്തം നാട്ടിലാണ് കളി എന്ന ആശ്വാസം. കേരള താരങ്ങള്‍ക്ക് അടുത്തറിയാവുന്ന ഗ്രൗണ്ടും കാണികളുടെ പിന്തുണയും ടീമിന് മുതല്‍ക്കൂട്ടാകുമെന്നാണ് പ്രതീക്ഷ.

വയനാട്ടിലെ കൃഷ്ണഗിരി സ്റ്റേഡിയത്തില്‍ കേരളം-ഗുജറാത്ത് ക്വാര്‍ട്ടര്‍ മത്സരം ചൊവ്വാഴ്ച തുടങ്ങും. ഗുജറാത്ത് ടീം കോഴിക്കോട് വഴിയും കേരളം ബെംഗളൂരു വഴിയും വൈകുന്നേരത്തോടെ വയനാട്ടിലെത്തി.

തുമ്പ വിട്ട് വയനാട്ടിലേക്ക്

ഇക്കുറി പ്രാഥമികറൗണ്ടില്‍ തിരുവനന്തപുരം തുമ്പ സെയ്ന്റ് സേവ്യേഴ്സ് കോളേജ് ഗ്രൗണ്ടായിരുന്നു കേരളത്തിന്റെ ഹോം വേദി. ഈ ഗ്രൗണ്ടില്‍ അടുത്തയാഴ്ച ഇന്ത്യ എ-ഇംഗ്ലണ്ട് ലയണ്‍സ് മത്സരം നടക്കുന്നതിനാലാണ് ക്വാര്‍ട്ടര്‍ ഫൈനല്‍ വയനാട്ടിലേക്ക് മാറ്റിയത്. തിരുവനന്തപുരത്ത് മത്സരം 23 മുതലാണെങ്കിലും ഇംഗ്ലണ്ട് ടീം 14 മുതല്‍ ഇവിടെ പരിശീലനം നടത്തും.

നേരത്തേ രഞ്ജിട്രോഫി നോക്കൗട്ട് മത്സരങ്ങള്‍ നിഷ്പക്ഷ വേദിയിലാണ് നടത്തിയിരുന്നത്. കഴിഞ്ഞവര്‍ഷംമുതല്‍ ഹോം ആന്‍ഡ് എവേ രീതിയിലാക്കി. കഴിഞ്ഞവര്‍ഷം ക്വാര്‍ട്ടറില്‍ വിദര്‍ഭയ്‌ക്കെതിരേ കേരളം അവരുടെ നാട്ടില്‍ കളിച്ചതിനാല്‍ ഇക്കുറി സ്വന്തം നാട്ടില്‍ കളിക്കാനായി. ചരിത്രത്തിലാദ്യമായി രഞ്ജി ട്രോഫി സെമിഫൈനലിലേക്ക് ഒരു ചുവടുകൂടി മതി.

പ്രാഥമികറൗണ്ടിലെ ഗ്രൂപ്പ് ബിയില്‍ എട്ടില്‍ നാലു കളികളും ജയിച്ചാണ് കേരളം ക്വാര്‍ട്ടറിലെത്തിയതെങ്കില്‍ ഗ്രൂപ്പ് എയില്‍ മൂന്നുകളികള്‍ ജയിച്ചാണ് ഗുജറാത്ത് മുന്നേറിയത്.

പേസില്‍ വിശ്വസിച്ച് കേരളം

കനത്ത തണുപ്പും മഞ്ഞുവീഴ്ചയുമുള്ള വയനാട്ടിലെ പിച്ചില്‍, തുടക്കത്തില്‍ പേസ് ബൗളര്‍മാര്‍ക്ക് നല്ല പിന്തുണകിട്ടും എന്നാണ് വിലയിരുത്തല്‍. അതുകൊണ്ട് ടോസ് നിര്‍ണായകമാകും. സന്ദീപ് വാര്യര്‍, ബേസില്‍ തമ്പി, എം.ഡി. നിധീഷ് എന്നിവരടങ്ങിയ കേരളത്തിന്റെ പേസ് നിര അതിശക്തമാണ്. ഈ കരുത്ത് ഗുജറാത്തിനെതിരേ മുതലെടുക്കാനാകുന്നരീതിയിലാകും ടീം തിരഞ്ഞെടുപ്പ്.

Content Highlights: Kerala vs Gujarat Ranji trophy Cricket 2018 Semi Final

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
antony raju

1 min

പിന്നില്‍ രാഷ്ട്രീയശക്തികള്‍; ആക്രമിക്കപ്പെട്ട നടിക്കെതിരേ ഗുരുതര ആരോപണങ്ങളുമായി മന്ത്രി ആന്റണി രാജു

May 24, 2022


vismaya

11 min

'അവൾ അന്ന് പൊട്ടിക്കരഞ്ഞുകൊണ്ട് ചോദിച്ചു: ഞാൻ വേസ്റ്റാണോ ചേച്ചി...'

May 23, 2022


dileep highcourt

1 min

ദിലീപും ഭരണമുന്നണിയും തമ്മില്‍ അവിശുദ്ധബന്ധം, മറ്റൊരു വഴിയും ഇല്ല; നടി ഹൈക്കോടതിയില്‍

May 23, 2022

More from this section




Most Commented