തകര്‍ത്തടിച്ച് സച്ചിന്‍ ബേബി; സയ്യിദ് മുഷ്താഖ് അലി ട്രോഫിയില്‍ മണിപ്പൂരിനെ തകര്‍ത്ത് കേരളം


46 പന്തില്‍ നിന്ന് 10 ബൗണ്ടറികളോടെ 75 റണ്‍സെടുത്ത സച്ചിന്‍ ബേബിയുടെ മികവിലാണ് മികച്ച സ്‌കോറിലെത്തിയത്.

ഹൈദരാബാദ്: സയ്യിദ് മുഷ്താഖ് അലി ട്രോഫി ട്വന്റി 20 ക്രിക്കറ്റ് ടൂര്‍ണമെന്റില്‍ മണിപ്പൂരിനെതിരേ കേരളത്തിന് തകര്‍പ്പന്‍ ജയം. 83 റണ്‍സിനാണ് കേരളം മണിപ്പൂരിനെ തകര്‍ത്തത്.

ആദ്യം ബാറ്റ് ചെയ്ത കേരളം 20 ഓവറില്‍ അഞ്ച് വിക്കറ്റ് നഷ്ടത്തില്‍ 186 റണ്‍സെടുത്തപ്പോള്‍ മണിപ്പൂരിന് 20 ഓവറില്‍ ഏഴു വിക്കറ്റ് നഷ്ടത്തില്‍ 103 റണ്‍സെടുക്കാനേ കഴിഞ്ഞുള്ളു.

ടോസ് നേടി ആദ്യം ബാറ്റു ചെയ്ത കേരളം 46 പന്തില്‍ നിന്ന് 10 ബൗണ്ടറികളോടെ 75 റണ്‍സെടുത്ത സച്ചിന്‍ ബേബിയുടെ മികവിലാണ് മികച്ച സ്‌കോറിലെത്തിയത്. വിഷ്ണു വിനോദ് (20 പന്തില്‍ നിന്ന് 34), മുഹമ്മദ് അസ്ഹറുദ്ദീല്‍ (26 പന്തില്‍ നിന്ന് 47) എന്നിവരും കേരളത്തിനായി തിളങ്ങി.

തകര്‍ച്ചയോടെയായിരുന്നു കേരളത്തിന്റെ തുടക്കം. സ്‌കോര്‍ ബോര്‍ഡില്‍ 16 റണ്‍സുള്ളപ്പോള്‍ കാര്‍ത്തിക്കിനെയും (1), രോഹന്‍ പ്രേമിനെയും (0) കേരളത്തിന് നഷ്ടമായി. മൂന്നാം വിക്കറ്റില്‍ വിഷ്ണു വിനോദും (34), ഡാരില്‍ എസ് ഫെരാരിയോയും (22) ചേര്‍ന്ന് കേരളത്തെ 40 റണ്‍സിലെത്തിച്ചു. വിഷ്ണു വിനോദ് പുറത്തായ ശേഷം ക്രീസിലെത്തിയ സച്ചിന്‍ ബേബി ഡാരിലിനൊപ്പം അര്‍ധ സെഞ്ചുറി കൂട്ടുകെട്ടുണ്ടാക്കി കേരളത്തെ മികച്ച സ്‌കോറിലേക്ക് നയിക്കുകയായിരുന്നു.

187 റണ്‍സ് വിജയലക്ഷ്യവുമായി ഇറങ്ങിയ മണിപ്പൂരിന് കൃത്യമായ ഇടവേളകളില്‍ വിക്കറ്റുകള്‍ നഷ്ടമായി. 28 പന്തുകളില്‍ നിന്ന് 40 റണ്‍സെടുത്ത യശ്പാല്‍ സിങ്ങും 30 പന്തില്‍ നിന്ന് 32 റണ്‍സെടുത്ത മായങ്ക് രാഘവുമാണ് മണിപ്പൂരിനായി ഭേദപ്പെട്ട പ്രകടനം പുറത്തെടുത്തത്. കേരളത്തിനായി ബൗള്‍ ചെയ്ത ആറു പേരും ഓരോ വിക്കറ്റ് വീതം വീഴ്ത്തി. ജയത്തോടെ കേരളത്തിന് നാലു പോയന്റ് ലഭിച്ചു.

Content Highlights: kerala beat manipur in syed mushtaq ali trophy


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
wedding

2 min

വധു ഒഴികെ ആരും ക്യാമറ കണ്ടില്ല; ആ ക്ലിക്കിന് കിട്ടിയത് രണ്ടു ലക്ഷം രൂപ സമ്മാനം

Sep 25, 2022


Police

1 min

വീട്ടിൽനിന്ന്‌ രഹസ്യ ഗോവണി, ബംഗ്ലാവില്‍ ആര്‍ഭാടജീവിതം; മുപ്പതിലധികം കവർച്ചക്കേസുകളിലെ പ്രതി കുടുങ്ങി

Sep 25, 2022


xi jinping

2 min

ചൈനയില്‍ അട്ടിമറിയോ? 9000-ലേറെ വിമാനങ്ങള്‍ റദ്ദാക്കിയെന്ന് അഭ്യൂഹം; ഹൈസ്പീഡ് ട്രെയിനുകള്‍ നിര്‍ത്തി?

Sep 25, 2022

Most Commented