കശ്മീരിനെ 65 റണ്‍സില്‍ എറിഞ്ഞിട്ടു; കേരളത്തിന് വിജയമൊരുക്കി ബൗളര്‍മാര്‍


മറുപടി ബാറ്റിങ്ങിനിറങ്ങിയ ജമ്മു കശ്മീര്‍ ബാറ്റ്‌സ്മാന്‍മാരെ ഒരു ഘട്ടത്തിലും നിലയുറപ്പിക്കാന്‍ കേരള ബൗളര്‍മാര്‍ അനുവദിച്ചില്ല.

ഹൈദരാബാദ്: ബൗളര്‍മാരുടെ മികവില്‍ സയ്യിദ് മുഷ്താഖ് അലി ട്രോഫിയില്‍ ജമ്മു കശ്മീരിനെതിരേ കേരളത്തിന് തകര്‍പ്പന്‍ ജയം. 94 റണ്‍സിനാണ് കേരളം ജമ്മു കശ്മീരിനെ തകര്‍ത്തത്. നാലു മത്സരങ്ങളില്‍ കേരളത്തിന്റെ മൂന്നാം ജയമാണിത്.

ടോസ് നഷ്ടപ്പെട്ട് ആദ്യം ബാറ്റ് ചെയ്ത കേരളം ഏഴു വിക്കറ്റ് നഷ്ടത്തില്‍ 159 റണ്‍സെടുത്തപ്പോള്‍ ജമ്മു കശ്മീരിന്റെ ഇന്നിങ്‌സ് വെറും 65 റണ്‍സിന് അവസാനിച്ചു. കേരളത്തിനായി 42 പന്തില്‍ നിന്ന് 52 റണ്‍സടിച്ച വിനൂപ് മനോഹരനാണ് കേരളത്തിനായി തിളങ്ങിയത്. മുഹമ്മദ് അസ്ഹറുദ്ദീന്‍ (32), വിഷ്ണു വിനോദ് (23), സല്‍മാന്‍ നിസാര്‍ (23*) എന്നിവരും കേരളത്തിനായി ഭേദപ്പെട്ട പ്രകടനം പുറത്തെടുത്തു.

ജമ്മു കശ്മീരിനായി ഇന്ത്യന്‍ താരം ഇര്‍ഫാന്‍ പത്താനും പര്‍വേസ് റസൂലും രണ്ടു വിക്കറ്റ് വീതം വീഴ്ത്തി.

മറുപടി ബാറ്റിങ്ങിനിറങ്ങിയ ജമ്മു കശ്മീര്‍ ബാറ്റ്‌സ്മാന്‍മാരെ ഒരു ഘട്ടത്തിലും നിലയുറപ്പിക്കാന്‍ കേരള ബൗളര്‍മാര്‍ അനുവദിച്ചില്ല. 24 റണ്‍സെടുത്ത ജതിന്‍ വാദ്വാനും 10 റണ്‍സെടുത്ത ഇര്‍ഫാന്‍ പത്താനും മാത്രമാണ് ജമ്മു കശ്മീര്‍ നിരയില്‍ രണ്ടക്കം കണ്ടത്.

കേരളത്തിനായി മിഥുന്‍ മൂന്നു വിക്കറ്റ് നേടി. വിനൂപ് മനോഹരന്‍, നിധീഷ് എം.ഡി എന്നിവര്‍ രണ്ട് വീതം വിക്കറ്റ് വീഴ്ത്തി.

Content Highlights: kerala beat jammu kashmir in syed mushtaq ali trophy


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
policeman mango theft

1 min

മാമ്പഴം മോഷ്ടിച്ച പോലീസുകാരന്‍ ബലാത്സംഗക്കേസിലും പ്രതി; അതിജീവിതയെ ഉപദ്രവിക്കാനും ശ്രമം

Oct 5, 2022


05:30

കൊച്ചിയുടെ ഉറക്കം കെടുത്തിയ മരിയാർപൂതത്തെ മൽപിടിത്തത്തിലൂടെ പിടികൂടി തമിഴ്നാട് സ്വദേശി

Oct 3, 2022


shashi tharoor

4 min

തരൂര്‍ പേടിയില്‍ കോണ്‍ഗ്രസ്? പ്രമുഖ നേതാക്കള്‍ നെട്ടോട്ടത്തില്‍

Oct 5, 2022

Most Commented