തകര്‍ത്തടിച്ച് ഉത്തപ്പയും വിഷ്ണുവും; ഡെല്‍ഹിയെ തകര്‍ത്ത് കേരളം ഒന്നാമത്


ഇതോടെ കളിച്ച മൂന്ന് കളികളില്‍ മൂന്നും ജയിച്ച് കേരളം പന്ത്രണ്ട് പോയിന്റുമായി ഗ്രൂപ്പില്‍ ഒന്നാമതായി.

വിഷ്ണുവും ഉത്തപ്പയും. Photo Courtesy: BCCI

മുംബൈ: മുംബൈയ്‌ക്കെതിരേ അസഹ്‌റുദ്ദീനായിരുന്നെങ്കില്‍ ഇക്കുറി ഊഴം ഓപ്പണര്‍ റോബിന്‍ ഉത്തപ്പയുടേതായിരുന്നു. ശിഖര്‍ ധവാന്റെ വെടിക്കെട്ട് ബാറ്റിങ്ങിന് അതേ നാണയത്തില്‍ മറുപടി കൊടുത്ത ഉത്തപ്പയുടെയും വിഷ്ണു വിനോദിന്റെയും മികവില്‍ കേരളം സയ്യ്ദ് മുഷ്താഖ് അലി ടി20 ക്രിക്കറ്റില്‍ കരുത്തരായ ഡെല്‍ഹിയെ തോല്‍പിച്ചു. ഗ്രൂപ്പ് ഇയിലെ ആവേശകരമായ മത്സരത്തില്‍ ആറു വിക്കറ്റിനായിരുന്നു കേരളത്തിന്റെ ജയം.

ഇതോടെ കളിച്ച മൂന്ന് കളികളില്‍ മൂന്നും ജയിച്ച് കേരളം പന്ത്രണ്ട് പോയിന്റുമായി ഗ്രൂപ്പില്‍ ഒന്നാമതായി. മൂന്ന് കളികളില്‍നിന്ന് ഹരിയാണയ്ക്കും പന്ത്രണ്ട് പോയിന്റുണ്ടെങ്കിലും മെച്ചപ്പെട്ട റണ്‍ശരാശരിയാണ് കേരളത്തിന് തുണയായത്. ആദ്യ മത്സരത്തില്‍ പോണ്ടിച്ചേരിയെയും രണ്ടാം മത്സരത്തില്‍ കരുത്തരായ മുംബൈയെയുമാണ് കേരളം തോല്‍പിച്ചത്. ഒരു കളിയും ജയിക്കാത്ത ആന്ധ്രയാണ് ഗ്രൂപ്പിലെ അഞ്ചാമത്തെ ടീം.

ആദ്യം ബാറ്റ് ചെയ്ത ഡെല്‍ഹി ശിഖര്‍ ധവാന്‍ മിന്നല്‍ വേഗത്തില്‍ നേടിയ 77 റണ്‍സിന്റെ ബലത്തില്‍ ഇരുപത് ഓവറില്‍ നാലു വിക്കറ്റ് നഷ്ടത്തില്‍ 212 റണ്‍സാണ് നേടിയത്. ശ്രീശാന്തിന്റെ പന്തില്‍ പുറത്തായ ധവാന്‍ 48 പന്തില്‍നിന്ന്‌ ഏഴ് ബൗണ്ടറിയുടെയും മൂന്ന് സിക്‌സിന്റെയും അകമ്പടിയോടെ 77 റണ്‍സടിച്ചത്. 25 പന്തില്‍നിന്ന് പുറത്താകാതെ 52 റണ്‍സെടുത്ത ലളിത് യാദവാണ് സ്‌കോറിങ്ങില്‍ രണ്ടാമന്‍. ഹിമ്മത്ത് സിങ് 26 ഉം അനുജ് റാവത്ത് 27 ഉം റണ്‍സെടുത്തു.

കേരളത്തിനുവേണ്ടി ശ്രീശാന്ത് നാലോവറില്‍ 46 റണ്‍സ് വിട്ടുകൊടുത്ത് രണ്ട് വിക്കറ്റ് വീഴ്ത്തി. ആസിഫും മിഥുനും ഓരോന്നും.

മൂന്നാമത്തെ പന്തില്‍ തന്നെ മുഹമ്മദ് അസ്ഹറുദ്ദീനെ നഷ്ടപ്പെട്ടതോടെ ഡെല്‍ഹിയുടെ വമ്പന്‍ സ്‌കോറിന് മുന്നില്‍ കേരളം പരുങ്ങുമെന്നാണ് കരുതിയത്. എന്നാല്‍, ഒരറ്റത്ത് ഉത്തപ്പ വെടിക്കെട്ടുമായി നിലയുറപ്പിച്ചു. 54 പന്തില്‍നിന്ന് എട്ട് സിക്‌സും മൂന്ന് ബൗണ്ടറിയും അടക്കം 91 റണ്‍സാണ് മുന്‍ ഇന്ത്യന്‍താരം നേടിയത്. സഞ്ജു സാംസണ്‍ 16-ഉം സച്ചിന്‍ ബേബി 22-ഉം റണ്‍സെടുത്ത് പുറത്തായിട്ടും കുലുങ്ങാതെ, ഉത്തപ്പയ്ക്ക് പിന്നീടു വന്ന വിഷ്ണു വിനോദ് ഉജ്വല പിന്തുണ നല്‍കി. 38 പന്തില്‍നിന്ന് 71 റണ്‍സെടുത്ത വിഷ്ണുവിന്റെ ഇന്നിങ്‌സാണ് അവസാന കേരളത്തിന്റെ വമ്പന്‍ ചേസിന് പിന്‍ബലമേകിയത്. ആറ് പന്ത്‌ ശേഷിക്കെയായിരുന്നു കേരളത്തിന്റെ ജയം. 10 റണ്‍സെടുത്ത് സല്‍മാന്‍ നിസാര്‍ പുറത്താകാതെ നിന്നു.

Content Highlights: Kerala Bear Delhi In Syed Mushtaq Ali Trophy T20 Cricket Robin Uthappa Vishnu Vinod Dhawan Sreesanth

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
rahul Gandhi

3 min

നടന്നു പോകുന്ന മനുഷ്യാ... നിങ്ങൾക്കൊപ്പമെത്താൻ ഇന്ത്യയ്ക്കാവുമെന്നു തോന്നുന്നില്ല

Sep 26, 2022


06:09

'വെട്ട് കിട്ടിയ ശേഷവും ചാടിക്കടിച്ചു'; പുലിയുടെ ആക്രമണ കഥ വിവരിച്ച് മാങ്കുളം ഗോപാലൻ 

Sep 27, 2022


11:48

ബ്രിട്ടന്‍, യു.കെ, ഇംഗ്ലണ്ട്... ഇതൊക്കെ രാജ്യങ്ങളാണോ? കണ്‍ഫ്യൂഷന്‍ തീര്‍ക്കാം | Inside Out

Sep 27, 2022

Most Commented