കര്‍ണാടകയോട് ഒൻപത് വിക്കറ്റിന്റെ തോല്‍വി വഴങ്ങി കേരളം


സെഞ്ചുറി നേടി പുറത്താവാതെ നിന്ന മലയാളി താരം ദേവ്ദത്ത് പടിക്കലിന്റെ പ്രകടന മികവിലാണ് കര്‍ണാടക വിജയം സ്വന്തമാക്കിയത്.

Photo: www.twitter.com

ബെംഗളൂരു: വിജയ് ഹസാരെ ട്രോഫിയില്‍ കേരളത്തിന് ആദ്യ തോല്‍വി. തുടര്‍ച്ചയായി മൂന്നു മത്സരങ്ങള്‍ വിജയിച്ച കേരളം നാലാം മത്സരത്തില്‍ കര്‍ണാടകയോടാണ് തോല്‍വി വഴങ്ങിയത്. ഒന്‍പത് വിക്കറ്റിനാണ് കര്‍ണാടകയുടെ വിജയം.

ആദ്യം ബാറ്റ് ചെയ്ത കേരളം നിശ്ചിത ഓവറില്‍ എട്ടുവിക്കറ്റ് നഷ്ടത്തില്‍ 277 റണ്‍സെടുത്തു. മറുപടി ബാറ്റിങ്ങിനിറങ്ങിയ കര്‍ണാടക വെറും 45.3 ഓവറില്‍ ഒരു വിക്കറ്റ് നഷ്ടത്തില്‍ വിജയത്തിലെത്തി. സെഞ്ചുറി നേടി പുറത്താവാതെ നിന്ന മലയാളി താരം ദേവ്ദത്ത് പടിക്കലിന്റെ പ്രകടന മികവിലാണ് കര്‍ണാടക വിജയം സ്വന്തമാക്കിയത്. ഈ വിജയത്തോടെ ഗ്രൂപ്പ് സിയില്‍ കര്‍ണാടക ഒന്നാമതെത്തി. കേരളം രണ്ടാമതാണ്.

ആദ്യം ബാറ്റ് ചെയ്ത കേരളത്തിനായി വത്സല്‍ ഗോവിന്ദ് 95 റണ്‍സെടുത്തു. 124 പന്തുകളില്‍ നിന്നും ഏഴു ബൗണ്ടറികളുടെയും ഒരു സിക്‌സിന്റെയും അകമ്പടിയോടെയാണ് താരം 95 റണ്‍സെടുത്തത്. 54 റണ്‍സെടുത്ത നായകന്‍ സച്ചിന്‍ ബേബിയും 59 റണ്‍സെടുത്ത മുഹമ്മദ് അസ്ഹറുദ്ദീനും മികച്ച പ്രകടനം കാഴ്ചവെച്ചു. കര്‍ണാടകയ്ക്ക് വേണ്ടി അഭിമന്യു മിഥുന്‍ അഞ്ച് വിക്കറ്റുകള്‍ വീഴ്ത്തി തിളങ്ങി.

മറുപടി ബാറ്റിങ്ങിനിറങ്ങിയ കര്‍ണാടകയ്ക്കായി തകര്‍പ്പന്‍ സെഞ്ചുറി പ്രകടനമാണ് ദേവ്ദത്ത് കാഴ്ചവെച്ചത്. 138 പന്തുകളില്‍ നിന്നും 13 ബൗണ്ടറികളുടെയും രണ്ട് സിക്‌സുകളുടെയും അകമ്പടിയോടെ പുറത്താവാതെ 126 റണ്‍സാണ് താരം നേടിയത്. 86 റണ്‍സെടുത്ത് പുറത്താവാതെ നിന്ന കെ സിദ്ധാര്‍ത്ഥും മികച്ച പ്രകടനം കാഴ്ചവെച്ചു. 62 റണ്‍സെടുത്ത നായകന്‍ രവികുമാര്‍ സമര്‍ത്ഥിന്റെ വിക്കറ്റാണ് കര്‍ണാകയ്ക്ക് നഷ്ടമായത്. ഈ വിക്കറ്റ് ജലജ് സക്‌സേന നേടി.

Content Highlights: Karnataka beat Kerala in Vijay Hazare cricket trophy

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
mv govindan

കേരളത്തിലെ കറിപൗഡറുകളെല്ലാം വ്യാജം, വിഷം - മന്ത്രി എം.വി. ഗോവിന്ദന്‍

Aug 11, 2022


kt jaleel

1 min

പാക് അധീന കശ്മീരിനെ ആസാദ് കശ്മീർ എന്നു വിശേഷിപ്പിച്ച് ജലീൽ; പരാമർശം വൻവിവാദം

Aug 12, 2022


Eknath Shinde

1 min

കോടിപതികള്‍, ശ്രീലങ്കയില്‍നിന്ന് ഡോക്ടറേറ്റ്; ഷിന്ദേ മന്ത്രിസഭയില്‍ 75%പേരും ക്രിമിനല്‍ കേസുള്ളവര്‍

Aug 11, 2022

Most Commented