'ഇതും ശരിയായിട്ടില്ലെങ്കില്‍ ഇനി ഞാന്‍ ക്രിക്കറ്റിലേക്കില്ല'; ജോഫ്ര ആര്‍ച്ചര്‍


കൈമുട്ടിന് പരിക്കേറ്റ താരം ഇപ്പോള്‍ ശസ്ത്രക്രിയ കഴിഞ്ഞ് വിശ്രമത്തിലാണ്.

ജോഫ്ര ആർച്ചർ| Photo: Reuters

ലണ്ടൻ: ഇംഗ്ലണ്ട് ക്രിക്കറ്റ് ടീമിലെ ശ്രദ്ധേയനായ പേസ് ബൗളറാണ് ജോഫ്ര ആർച്ചർ. എന്നാൽ നിരന്തരം പരിക്കുകൾ അലട്ടുന്നത് താരത്തെ നിരാശയിലാഴ്ത്തിയിരിക്കുകയാണ്. ഐപിഎല്ലിനായി ഇന്ത്യയിലെത്തി പരിക്കിനെ തുടർന്ന് ഇംഗ്ലണ്ടിലേക്ക് തിരിച്ചുപോയ താരം കുറച്ചുകാലം ചികിത്സയിലായിരുന്നു. അതിനുശേഷം കൗണ്ടി ക്രിക്കറ്റിൽ കളിച്ചു തിരിച്ചുവരാൻ ശ്രമിക്കുമ്പോൾ താരത്തിന് വീണ്ടും പരിക്കേറ്റു. കൈമുട്ടിന് പരിക്കേറ്റ താരം ഇപ്പോൾ ശസ്ത്രക്രിയ കഴിഞ്ഞ് വിശ്രമത്തിലാണ്.

പരിക്കുകൾ പിന്തുടർന്നതോടെ താരത്തിന് നിർണായകമായ പരമ്പരകളെല്ലാം നഷ്ടമായി. ഇപ്പോൾ ഇന്ത്യക്കെതിരായ ടെസ്റ്റ് പരമ്പരയിൽ നിന്നും താരത്തെ ഒഴിവാക്കിയിട്ടുണ്ട്. ഇതിന് പിന്നാലെ ഞെട്ടിക്കുന്ന പ്രഖ്യാപനവുമായി രംഗത്തെത്തിയിരിക്കുകയാണ് ഇംഗ്ലീഷ് പേസർ. ഇപ്പോൾ കൈമുട്ടിന് നടത്തിയ ശസ്ത്രക്രിയ വിജയകരമായില്ലെങ്കിൽ ഇനി ക്രിക്കറ്റ് കളിക്കില്ലെന്ന് താരം വ്യക്തമാക്കുന്നു.

'കരിയറിൽ ഇനിയും വർഷങ്ങൾ എന്റെ മുന്നിലുണ്ട്. അക്കാര്യമാണ് ഇപ്പോൾ പരിഗണനയിലുള്ളത്. കൈമുട്ടിനേറ്റ പരിക്കിന് ശാശ്വതമായ ഒരു പരിഹാരമാണ് ഞാൻ അന്വേഷിക്കുന്നത്. ഇപ്പോൾ നടത്തിയ ശസ്ത്രക്രിയ പൂർണ വിജയമായില്ലെങ്കിൽ ഞാൻ ക്രിക്കറ്റ് ഉപേക്ഷിക്കും. അതുകൊണ്ടുതന്നെ വേഗത്തിൽ കളത്തിൽ തിരിച്ചെത്തണമെന്ന ആഗ്രഹം എനിക്കില്ല. എനിക്കും എന്റെ കരിയറിനും ഏറ്റവും നല്ലത് സംഭവിക്കുമെന്ന പ്രതീക്ഷയിലാണ് ഞാൻ കാത്തിരിക്കുന്നത്.' ആർച്ചർ വ്യക്തമാക്കുന്നു.

2019-ൽ ഏകദിന ലോകകപ്പിൽ മികച്ച പ്രകടനം പുറത്തെടുത്ത ആർച്ചർ ആ വർഷത്തെ ആഷസ് പരമ്പരയിലൂടെ ടെസ്റ്റ് ക്രിക്കറ്റിലും അരങ്ങേറി. ഈ വർഷം നടക്കാനിരിക്കുന്ന ട്വന്റി-20 ലോകകപ്പ്, ആഷസ് പരമ്പരകളാണ് ആർച്ചർ കാത്തിരിക്കുന്നത്. അപ്പോഴേക്കും പരിക്ക് ഭേദമാകുമെന്ന പ്രതീക്ഷയിലാണ് താരം.

Content Highlights: Jofra Archer Cricket Elbow Injury


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

05:02

ഭാര്യയുമായി പിണങ്ങി താമസിച്ച 65-കാരന്‍ മരിച്ചു; തെളിഞ്ഞത് ദാരുണമായ കൊലപാതകം

Sep 28, 2022


drug

1 min

തണ്ണിമത്തനില്‍ ഒളിപ്പിച്ച് മയക്കുമരുന്ന് കടത്താൻ ശ്രമം; അഞ്ചംഗ സംഘം സൗദിയിൽ അറസ്റ്റിൽ

Sep 29, 2022


05:23

രാജകുടുംബത്തിന്റെ ഉറക്കം കെടുത്തുന്ന ടെലിവിഷന്‍ സിനിമ; അറം പറ്റുമോ 'King Charles III'

Sep 29, 2022

Most Commented