ഒരു കലണ്ടര്‍ വര്‍ഷത്തിലേറ്റവുമധികം റണ്‍സ്, വോണിന്റെ റെക്കോഡ് മറികടന്ന് ജോ റൂട്ട്‌


ഓസ്‌ട്രേലിയയ്‌ക്കെതിരായ ടെസ്റ്റിന്റെ മൂന്നാം ദിനമാണ് റൂട്ട് ഈ റെക്കോഡ് സ്വന്തമാക്കിയത്

Photo: AP

ബ്രിസ്‌ബേന്‍: ഓസ്‌ട്രേലിയയ്‌ക്കെതിരായ ഒന്നാം ആഷസ് ക്രിക്കറ്റ് ടെസ്റ്റിലൂടെ പുതിയൊരു റെക്കോഡ് സ്വന്തമാക്കി ഇംഗ്ലണ്ട് നായകന്‍ ജോ റൂട്ട്. ഇംഗ്ലണ്ടിനായി ടെസ്റ്റില്‍ ഒരു കലണ്ടര്‍ വര്‍ഷത്തില്‍ ഏറ്റവുമധികം റണ്‍സ് നേടുന്ന താരം എന്ന റെക്കോഡാണ് റൂട്ട് സ്വന്തം പേരില്‍ കുറിച്ചത്.

ഓസ്‌ട്രേലിയയ്‌ക്കെതിരായ ടെസ്റ്റിന്റെ മൂന്നാം ദിനമാണ് റൂട്ട് ഈ റെക്കോഡ് സ്വന്തമാക്കിയത്. ഇതുവരെ ഇംഗ്ലണ്ടിന്റെ മുന്‍ നായകനായ മൈക്കിള്‍ വോണിന്റെ പേരിലാണ് ഈ റെക്കോഡ് ഉണ്ടായിരുന്നത്.

വോണ്‍ ഒരു കലണ്ടര്‍ വര്‍ഷം 1481 റണ്‍സാണ് നേടിയത്. 2002-ലാണ് താരം ഈ റെക്കോഡ് സ്വന്തമാക്കിയത്. എന്നാല്‍ ഓസ്‌ട്രേലിയയ്‌ക്കെതിരായ മത്സരത്തില്‍ പുറത്താവാതെ 86 റണ്‍സ് നേടിയപ്പോള്‍ റൂട്ടിന്റെ അക്കൗണ്ടില്‍ 1541 റണ്‍സായി. 25 ഇന്നിങ്‌സുകളില്‍ നിന്ന് ആറ് സെഞ്ചുറികളുടെ അകമ്പടിയോടെ 67 ശരാശരിയിലാണ് റൂട്ട് ഇത്രയും റണ്‍സ് നേടിയത്.

ഒരു കലണ്ടര്‍ വര്‍ഷം ടെസ്റ്റില്‍ ഏറ്റവുമധികം റണ്‍സെടുത്ത താരമെന്ന റെക്കോഡ് പാകിസ്താന്റെ മുഹമ്മദ് യൂസഫിന്റെ പേരിലാണ്. 2006-ല്‍ 19 ഇന്നിങ്‌സുകളില്‍ നിന്ന് 1788 റണ്‍സാണ് യൂസഫ് അടിച്ചെടുത്തത്. വിന്‍ഡീസ് ഇതിഹാസം വിവിയന്‍ റിച്ചാര്‍ഡ്‌സിന്റെ പേരില്‍ 1710 റണ്‍സുണ്ട്.

Content Highlights: Joe Root hits most Test runs for England in a calendar year; breaks Michael Vaughan's record

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
vismaya

11 min

'അവൾ അന്ന് പൊട്ടിക്കരഞ്ഞുകൊണ്ട് ചോദിച്ചു: ഞാൻ വേസ്റ്റാണോ ചേച്ചി...'

May 23, 2022


penis plant

1 min

ലിംഗത്തിന്റെ രൂപമുള്ള ചെടി നശിപ്പിച്ച് ടൂറിസ്റ്റുകള്‍; പ്രതിഷേധിച്ച് കംബോഡിയന്‍ സര്‍ക്കാര്‍

May 21, 2022


dileep highcourt

1 min

ദിലീപും ഭരണമുന്നണിയും തമ്മില്‍ അവിശുദ്ധബന്ധം, മറ്റൊരു വഴിയും ഇല്ല; നടി ഹൈക്കോടതിയില്‍

May 23, 2022

More from this section




Most Commented