ജയ് ഷായെ സിക്സർ പറത്തി ഗാംഗുലി; അസ്ഹറുദ്ദീനെ വിക്കറ്റിന് മുന്നിൽ കുടുക്കി ഷാ


ആവേശകരമായ മത്സരത്തില്‍ പ്രസിഡന്റ് ഇലവനെ സെക്രട്ടറി ഇലവന്‍ ഒരു റണ്ണിന് കീഴടക്കി.

സൗരവ് ​ഗാം​ഗുലിയും ജയ് ഷായും മത്സരത്തിനിടെ

കൊൽക്കത്ത: ഇന്ത്യ-ന്യൂസീലന്‍ഡ് ടെസ്റ്റ് ക്രിക്കറ്റ് മത്സരം ആവേശത്തോടെ പുരോഗമിക്കുന്നതിനിടെ വേറിട്ട മത്സരവുമായി ക്രിക്കറ്റ് സംഘടനയായ ബി.സി.സി.ഐ. സംഘടനയിലെ അംഗങ്ങളെ രണ്ടായി തിരിച്ച് ഒരു ക്രിക്കറ്റ് മത്സരം സംഘടിപ്പിച്ചിരിക്കുകയാണ് ബി.സി.സി.ഐ.

പ്രസിഡന്റ് ഇലവന്‍, സെക്രട്ടറി ഇലവന്‍ എന്നീ ടീമുകളാണ് പരസ്പരം ഏറ്റുമുട്ടിയത്. ബി.സി.സി.ഐ പ്രസിഡന്റും മുന്‍ ഇന്ത്യന്‍ നായകനുമായ ഗാംഗുലിയുടെ കീഴില്‍ പ്രസിഡന്റ് ഇലവനും സെക്രട്ടറി ജയ് ഷായുടെ കീഴില്‍ സെക്രട്ടറി ഇലവനും കളിക്കാനിറങ്ങി.

ആവേശകരമായ മത്സരത്തില്‍ പ്രസിഡന്റ് ഇലവനെ സെക്രട്ടറി ഇലവന്‍ ഒരു റണ്ണിന് കീഴടക്കി. 15 ഓവര്‍ മത്സരമാണ് നടന്നത്. ആദ്യം ബാറ്റ് ചെയ്ത സെക്രട്ടറി ഇലവന്‍ 15 ഓവറില്‍ മൂന്ന് വിക്കറ്റ് നഷ്ടത്തില്‍ 128 റണ്‍സെടുത്തു. 40 റണ്‍സെടുത്ത ജയ്‌ദേവ് ഷായും 36 റണ്‍സെടുത്ത അരുണ്‍ ധുമാലും ടീമിനുവേണ്ടി തിളങ്ങി. പ്രസിഡന്റ് ഇലവന് വേണ്ടി സൗരവ് ഗാംഗുലി 19 റണ്‍സ് മാത്രം വഴങ്ങി ഒരു വിക്കറ്റെടുത്തു.

129 റണ്‍സ് വിജയലക്ഷ്യവുമായി മറുപടി ബാറ്റിങ്ങിനിറങ്ങിയ പ്രസിഡന്റ് ഇലവന് നിശ്ചിത ഓവറില്‍ അഞ്ചുവിക്കറ്റ് നഷ്ടത്തില്‍ 127 റണ്‍സെടുക്കാനേ കഴിഞ്ഞുള്ളൂ. 35 റണ്‍സെടുത്ത നായകന്‍ സൗരവ് ഗാഗംഗുലിയാണ് ടീമിനുവേണ്ടി തിളങ്ങിയത്. ആറാമനായി ഇറങ്ങിയ ഗാംഗുലി 20 പന്തുകളില്‍ നിന്ന് രണ്ട് സിക്‌സിന്റെയും നാല് ഫോറിന്റെയും അകമ്പടിയോടെ 35 റണ്‍സെടുത്ത് റിട്ടയര്‍ ചെയ്തു.

സെക്രട്ടറി ഇലവന് വേണ്ടി ജയ് ഷാ തിളങ്ങി. മൂന്ന് വിക്കറ്റാണ് ബി.സി.സി.ഐ സെക്രട്ടറി മത്സരത്തില്‍ വീഴ്ത്തിയത്. അതില്‍ സാക്ഷാല്‍ മുഹമ്മദ് അസ്ഹറുദ്ദീന്റെ വിക്കറ്റുമുള്‍പ്പെടും. അസ്ഹറുദ്ദീന്‍ വെറും രണ്ട് റണ്‍സ് മാത്രമെടുത്ത് പുറത്തായി.

Content Highlights: Jay Shah wrecker-in-chief, Team Ganguly falls short by one run


Also Watch

Add Comment
Related Topics

Get daily updates from Mathrubhumi.com

Newsletter
Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
marriage

1 min

ചെന്നൈയിലെ ഫ്‌ളാറ്റില്‍ ലളിതമായ ചടങ്ങ്; പ്രിയദര്‍ശന്റേയും ലിസിയുടേയും മകന്‍ സിദ്ധാര്‍ഥ് വിവാഹിതനായി

Feb 3, 2023


Dattatreya Hosabale

1 min

ബീഫ് കഴിച്ചവർക്ക് ഹിന്ദുമതത്തിലേക്ക് മടങ്ങിവരുന്നതിന് തടസ്സമില്ല- ആര്‍എസ്എസ് ജനറല്‍ സെക്രട്ടറി

Feb 2, 2023


car catches fire

4 min

കുഞ്ഞുവാവയെ കിട്ടാന്‍ ആസ്പത്രിയിലേക്ക്, അച്ഛനും അമ്മയും നഷ്ടപ്പെട്ട് ശ്രീപാര്‍വതി; കണ്ണീരണിഞ്ഞ് നാട്

Feb 3, 2023

Most Commented