ആദ്യ ഇന്നിങ്‌സില്‍ ഇന്ത്യ 223 ന് പുറത്ത്, ദക്ഷിണാഫ്രിക്കയ്ക്ക് ഒരു വിക്കറ്റ് നഷ്ടമായി


79 റണ്‍സെടുത്ത നായകന്‍ വിരാട് കോലി മാത്രമാണ് ഇന്ത്യയ്ക്ക് വേണ്ടി മികച്ച പ്രകടനം പുറത്തെടുത്തത്.

Photo: twitter.com/ICC

കേപ്ടൗണ്‍:ഇന്ത്യയ്‌ക്കെതിരായ മൂന്നാം ക്രിക്കറ്റ് ടെസ്റ്റിന്റെ ആദ്യ ദിനം അവസാനിക്കുമ്പോള്‍ ദക്ഷിണാഫ്രിക്ക ഒരു വിക്കറ്റ് നഷ്ടത്തില്‍ 17 റണ്‍സെടുത്തു. എട്ട് റണ്‍സെടുത്ത് എയ്ഡന്‍ മാര്‍ക്രവും ആറുറണ്‍സുമായി കേശവ് മഹാരാജും പുറത്താവാതെ നില്‍ക്കുന്നു.

മൂന്ന് റണ്‍സെടുത്ത ഡീന്‍ എല്‍ഗറുടെ വിക്കറ്റാണ് നഷ്ടമായത്. അപകടകാരിയായ എല്‍ഗറെ ജസ്പ്രീത് ബുംറ ചേതേശ്വര്‍ പൂജാരയുടെ കൈയ്യിലെത്തിച്ചു. ആദ്യ ഇന്നിങ്‌സില്‍ ഇന്ത്യ 223 റണ്‍സിന് ഓള്‍ ഔട്ടായി.

79 റണ്‍സെടുത്ത നായകന്‍ വിരാട് കോലി മാത്രമാണ് ഇന്ത്യയ്ക്ക് വേണ്ടി മികച്ച പ്രകടനം പുറത്തെടുത്തത്. 43 റണ്‍സെടുത്ത ചേതശ്വര്‍ പൂജാരയും നന്നായി കളിച്ചു.

ടോസ് നേടി ബാറ്റിങ് ആരംഭിച്ച ഇന്ത്യയ്ക്ക് വേണ്ടി ഓപ്പണര്‍മാര്‍ വെറും 31 റണ്‍സ് മാത്രമാണ് കൂട്ടിച്ചേര്‍ത്തത്. ആദ്യം രാഹുലിനെയാണ് ഇന്ത്യയ്ക്ക് നഷ്ടമായത്. 35 പന്തുകളില്‍ നിന്ന് 12 റണ്‍സെടുത്ത രാഹുലിനെ ഡ്യൂവാന്‍ ഒലിവിയര്‍ വിക്കറ്റ് കീപ്പര്‍ കൈല്‍ വെറെയ്നിന്റെ കൈയ്യിലെത്തിച്ചു.

തൊട്ടുപിന്നാലെ മായങ്ക് അഗര്‍വാളും പുറത്തായി. 35 പന്തുകളില്‍ നിന്ന് 15 റണ്‍സെടുത്ത മായങ്കിനെ കഗിസോ റബാദ എയ്ഡന്‍ മാര്‍ക്രത്തിന്റെ കൈയ്യിലെത്തിച്ചു.

പിന്നീട് ക്രീസിലൊന്നിച്ച വിരാട് കോലിയും ചേതേശ്വര്‍ പൂജാരയും ചേര്‍ന്ന് വലിയ തകര്‍ച്ചയില്‍ നിന്ന് ഇന്ത്യയെ രക്ഷിച്ചു. ഇരുവരും 62 റണ്‍സിന്റെ കൂട്ടുകെട്ടുണ്ടാക്കി. കോലി ക്ഷമയോടെ കളിച്ചപ്പോള്‍ പൂജാര ടീം സ്‌കോര്‍ ഉയര്‍ത്തി. എന്നാല്‍ ടീം സ്‌കോര്‍ 95-ല്‍ നില്‍ക്കേ പൂജാര പുറത്തായി.

77 പന്തുകളില്‍ നിന്ന് 43 റണ്‍സെടുത്ത പൂജാരയെ മാര്‍ക്കോ ജാന്‍സണ്‍ വിക്കറ്റ് കീപ്പര്‍ വെറെയ്നിന്റെ കൈയ്യിലെത്തിച്ചു. പൂജാരയ്ക്ക് പകരം അജിങ്ക്യ രഹാനെ ക്രീസിലെത്തി. പിന്നാലെ വന്ന അജിങ്ക്യ രഹാനെ വീണ്ടും നിരാശപ്പെടുത്തി. വെറും ഒന്‍പത് റണ്‍സ് മാത്രമെടുത്ത രഹാനെ റബാദയ്ക്ക് വിക്കറ്റ് സമ്മാനിച്ച് മടങ്ങി. ഇതോടെ ഇന്ത്യ 116 ന് നാല് എന്ന സ്‌കോറിലേക്ക് വീണു.

രഹാനെയ്ക്ക് പകരം കോലിയ്ക്ക് കൂട്ടായി ഋഷഭ് പന്ത് എത്തിയതോടെ ഇന്ത്യന്‍ സ്‌കോറിന് ജീവന്‍വെച്ചു. കോലിയും പന്തും ചേര്‍ന്ന് ടീം സ്‌കോര്‍ 160 കടത്തി. പിന്നാലെ കോലി അര്‍ധശതകം കുറിച്ചു. കോലിയുടെ കരിയറിലെ 28-ാം ടെസ്റ്റ് അര്‍ധശതകമാണിത്.

കോലി അര്‍ധസെഞ്ചുറി നേടിയതിനുപിന്നാലെ അനാവശ്യ ഷോട്ട് കളിച്ച് പന്ത് പുറത്തായി. 50 പന്തുകളില്‍ നിന്ന് 27 റണ്‍സെടുത്ത ഋഷഭ് പന്തിനെ മാര്‍ക്കോ ജാന്‍സണ്‍ പീറ്റേഴ്സന്റെ കൈയ്യിലെത്തിച്ചു. കോലിയ്ക്കൊപ്പം 51 റണ്‍സിന്റെ കൂട്ടുകെട്ടുണ്ടാക്കിയ ശേഷമാണ് പന്ത് ക്രീസ് വിട്ടത്.പന്തിന് പകരം വന്ന ആര്‍. അശ്വിന് പിടിച്ചുനില്‍ക്കാനായില്ല. വെറും രണ്ട് റണ്‍സെടുത്ത അശ്വിനെ ജാന്‍സണ്‍ വെറെയ്നിന്റെ കൈയ്യിലെത്തിച്ചു. ഇതോടെ ഇന്ത്യ 175 ന് ആറ് എന്ന സ്‌കോറിലേക്ക് വീണു.

അശ്വിന് പിന്നാലെ ശാര്‍ദൂല്‍ ഠാക്കൂറും പെട്ടെന്ന് മടങ്ങി. ഒന്‍പത് പന്തുകളില്‍ നിന്ന് 12 റണ്‍സെടുത്ത ശാര്‍ദൂലിനെ കേശവ് മഹാരാജ് പീറ്റേഴ്സണിന്റെ കൈയ്യിലെത്തിച്ചു.പിന്നാലെ വന്ന ജസ്പ്രീത് ബുംറയെ അക്കൗണ്ട് തുറക്കും മുന്‍പ് അതിവേഗം മടക്കി റബാദ ഇന്ത്യയെ തകര്‍ത്തു. ഒരറ്റത്ത് വിക്കറ്റ് വീഴുമ്പോഴും ഇന്ത്യന്‍ നായകന്‍ മറുവശത്ത് അനായാസം ബാറ്റിങ് തുടര്‍ന്നു.

ഒടുവില്‍ സെഞ്ചുറി നേടാതെ കോലിയും മടങ്ങി. 201 പന്തുകളില്‍ നിന്ന് 79 റണ്‍സെടുത്ത കോലി റബാദയുടെ പന്തില്‍ വിക്കറ്റ് കീപ്പര്‍ വെറെയ്‌നിന് ക്യാച്ച് സമ്മാനിച്ച് മടങ്ങി. കോലിയുടെ ഒറ്റയാള്‍ പോരാട്ടമാണ് ഇന്ത്യന്‍ സ്‌കോര്‍ 200 കടത്തിയത്. കോലിയ്ക്ക് പിന്നാലെ ഏഴുറണ്‍സെടുത്ത മുഹമ്മദ് ഷമിയെ എന്‍ഗിഡി പുറത്താക്കി. ഇതോടെ ഇന്ത്യയുടെ ആദ്യ ഇന്നിങ്‌സിന് തിരശ്ശീല വീണു.

ദക്ഷിണാഫ്രിക്കയ്ക്ക് വേണ്ടി കഗിസോ റബാദ നാലുവിക്കറ്റെടുത്തപ്പോള്‍ മാര്‍ക്കോ ജാന്‍സണ്‍ മൂന്ന് വിക്കറ്റ് വീഴ്ത്തി. ഡ്യൂവാന്‍ ഒലിവിയര്‍, ലുങ്കി എന്‍ഗിഡി, കേശവ് മഹാരാജ് എന്നിവര്‍ ഓരോ വിക്കറ്റ് വീതം സ്വന്തമാക്കി.

Content Highlights: India vs South Africa third test day one updates


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

05:02

ഭാര്യയുമായി പിണങ്ങി താമസിച്ച 65-കാരന്‍ മരിച്ചു; തെളിഞ്ഞത് ദാരുണമായ കൊലപാതകം

Sep 30, 2022


mallikarjun kharge

2 min

അപ്രതീക്ഷിത നീക്കങ്ങള്‍; തരൂരിനെ തള്ളി ഖാര്‍ഗെയ്‌ക്കൊപ്പം നിരന്ന് ജി23യും, മുന്നില്‍ നിന്ന് ഗഹ്‌ലോത്

Sep 30, 2022


19:18

ദേശീയതയുടെ പേരിൽ ഭിന്നിപ്പുണ്ടാക്കുന്നവരെ തുറന്നുകാണിക്കുന്ന സിനിമയാണ് 'മൂസ' | Suresh Gopi | Talkies

Sep 30, 2022

Most Commented