ലോക ടെസ്റ്റ് ചാമ്പ്യന്‍ഷിപ്പ് ഫൈനല്‍; ആദ്യ ദിവസം മഴയില്‍ ഒലിച്ചുപോയി, World Test Championship Final,Cricket

18 June 2021, 07:46 PM IST

സതാംപ്റ്റണില്‍ ഇന്നു കനത്ത മഴയായിരിക്കുമെന്ന് യുകെ കാലാവസ്ഥാ വകുപ്പ് നേരത്തെ പ്രവചിച്ചിരുന്നു

വിരാട് കോലിയും കെയ്ൻ വില്ല്യംസണും ക്യാപ്റ്റൻമാരുടെ ഫോട്ടെ സെഷനായി എത്തുന്നു | Photo: twitter|BLACKCAPS

സതാംപ്റ്റൺ: ഇന്ത്യയും ന്യൂസീലന്റും തമ്മിലുള്ള ലോക ടെസ്റ്റ് ചാമ്പ്യൻഷിപ്പ് ഫൈനലിന് മഴയിൽ കുതിർന്ന തുടക്കം. മഴ മൂലം ആദ്യ ദിവസത്തെ കളി ഒരു പന്ത് പോലും എറിയാതെ ഉപേക്ഷിച്ചു. മത്സരത്തിൽ ഐസിസി റിസർവ് ഡേ പ്രഖ്യാപിച്ചിട്ടുള്ളതിനാൽ നഷ്ടപ്പെട്ട ദിവസത്തെ കളി അന്ന് നടക്കും.

സതാംപ്റ്റണിൽ ഇന്നു കനത്ത മഴയായിരിക്കുമെന്ന് യുകെ കാലാവസ്ഥാ വകുപ്പ് നേരത്തെ പ്രവചിച്ചിരുന്നു. ഫൈനൽ നടക്കുന്ന അഞ്ചു ദിവസവും മഴ ഭീഷണിയുണ്ട്. മത്സരം സമനിലയിൽ പിരിഞ്ഞാൽ ഇരുടീമുകളേയും വിജയിയായി പ്രഖ്യാപിക്കും.

ഫൈനലിൽ നേരിയ മുൻതൂക്കം ന്യൂസീലന്റിനാണ്. ഇംഗ്ലണ്ടിനെതിരായ ടെസ്റ്റ്പരമ്പരയിൽ വിജയിച്ച ന്യൂസീലന്റ് ഇന്ത്യയെ പിന്തള്ളി ടെസ്റ്റ് റാങ്കിങ്ങിൽ ഒന്നാമതെത്തിയിരുന്നു. അതേസമയം ഇൻട്രാസ്ക്വാഡ് മത്സരങ്ങൾ കളിച്ചതിന്റെ ആത്മവിശ്വാസവുമായാണ് ഇന്ത്യ കളിക്കാനിറങ്ങുന്നത്. രവിചന്ദ്ര അശ്വിനൊപ്പം രവീന്ദ്ര ജഡേജ പ്ലെയിങ് ഇലവനിൽ എത്തിയത് ഇന്ത്യയുടെ ബാറ്റിങ് ആഴം വർധിപ്പിക്കും.

Content Highlights: India vs New Zealand World Test Championship Final Cricket

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)