27-ാം ടെസ്റ്റ് സെഞ്ചുറി; നിരവധി നേട്ടങ്ങള്‍ സ്വന്തമാക്കി സ്റ്റീവ് സ്മിത്ത്


2019 സെപ്റ്റംബറിനു ശേഷം ഇതാദ്യമായാണ് ടെസ്റ്റില്‍ സ്മിത്ത് മൂന്നക്കം കടക്കുന്നത്. ഇംഗ്ലണ്ടിനെതിരേ മാഞ്ചെസ്റ്ററില്‍ 211 റണ്‍സ് നേടിയതിനു ശേഷമുള്ള സെഞ്ചുറി

Photo By DAVID GRAY| AFP

സിഡ്നി: ഒടുവില്‍ ആദ്യ രണ്ടു ടെസ്റ്റുകളില്‍ ബാറ്റിങ്ങില്‍ പരാജയപ്പെട്ട ശേഷം ഫോം വീണ്ടെടുത്ത് ഓസ്‌ട്രേലിയയുടെ സ്റ്റാര്‍ ബാറ്റ്‌സ്മാന്‍ സ്റ്റീവ് സ്മിത്ത്.

ഇന്ത്യയ്‌ക്കെതിരായ മൂന്നാം ക്രിക്കറ്റ് ടെസ്റ്റില്‍ സെഞ്ചുറി നേടിയ സ്മിത്തിന്റെ മികവില്‍ ഒന്നാം ഇന്നിങ്‌സില്‍ 338 റണ്‍സ് നേടിയിരിക്കുകയാണ് ഓസീസ്.

31-കാരനായ സ്മിത്തിന്റെ ടെസ്റ്റ് കരിയറിലെ 27-ാം സെഞ്ചുറിയായിരുന്നു ഇത്. കഴിഞ്ഞ നാല് ടെസ്റ്റ് ഇന്നിങ്‌സുകളില്‍ നിന്ന് വെറും 10 റണ്‍സ് മാത്രം നേടാനായ സ്മിത്തിന്റെ തിരിച്ചുവരവാണ് സിഡ്‌നി ക്രിക്കറ്റ് മൈതാനത്ത് കണ്ടത്. 226 പന്ത് നേരിട്ട് 16 ബൗണ്ടറികളടക്കം താരം 131 റണ്‍സെടുത്തു.

2019 സെപ്റ്റംബറിനു ശേഷം ഇതാദ്യമായാണ് ടെസ്റ്റില്‍ സ്മിത്ത് മൂന്നക്കം കടക്കുന്നത്. ഇംഗ്ലണ്ടിനെതിരേ മാഞ്ചെസ്റ്ററില്‍ 211 റണ്‍സ് നേടിയതിനു ശേഷമുള്ള സെഞ്ചുറി.

ഇതോടെ ഇന്ത്യന്‍ ക്യാപ്റ്റന്‍ വിരാട് കോലിയുടെ 27 ടെസ്റ്റ് സെഞ്ചുറികളെന്ന നേട്ടത്തിനൊപ്പം സ്മിത്ത് എത്തി. കോലിയുടെ 7,318 എന്ന ടെസ്റ്റ് റണ്‍സും സ്മിത്ത് മറികടന്നു.

മാത്രമല്ല ഇന്ത്യയ്‌ക്കെതിരായ കഴിഞ്ഞ ഏഴു ടെസ്റ്റ് മത്സരങ്ങളില്‍ ഒരു ഓസീസ് താരത്തിന്റെ ആദ്യ സെഞ്ചുറിയാണിത്.

ഇതോടെ ഏറ്റവും കുറവ് ഇന്നിങ്‌സുകളില്‍ നിന്ന് 27 ടെസ്റ്റ് സെഞ്ചുറികള്‍ നേടിയ താരങ്ങളുടെ പട്ടികയില്‍ സാക്ഷാല്‍ ഡോണ്‍ ബ്രാഡ്മാന് ശേഷം രണ്ടാം സ്ഥാനത്തെത്താനും സ്മിത്തിനായി. 136-ാം ഇന്നിങ്‌സിലാണ് സ്മിത്തിന്റെ 27-ാം സെഞ്ചുറി. വെറും 70 ഇന്നിങ്‌സുകളില്‍ നിന്ന് ഈ നേട്ടത്തിലെത്തിയ ബ്രാഡ്മാനാണ് ഒന്നാമത്. സച്ചിന്‍ തെണ്ടുല്‍ക്കര്‍, വിരാട് കോലി (141 ഇന്നിങ്‌സുകള്‍ വീതം), സുനില്‍ ഗാവസ്‌ക്കര്‍ (154 ഇന്നിങ്‌സുകള്‍) എന്നിവരാണ് ഈ പട്ടികയിലെ മറ്റ് താരങ്ങള്‍.

Content Highlights: India vs Australia Steve Smith equals Virat Kohli tally

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

05:02

ഭാര്യയുമായി പിണങ്ങി താമസിച്ച 65-കാരന്‍ മരിച്ചു; തെളിഞ്ഞത് ദാരുണമായ കൊലപാതകം

Sep 30, 2022


05:23

രാജകുടുംബത്തിന്റെ ഉറക്കം കെടുത്തുന്ന ടെലിവിഷന്‍ സിനിമ; അറം പറ്റുമോ 'King Charles III'

Sep 29, 2022


drug

1 min

തണ്ണിമത്തനില്‍ ഒളിപ്പിച്ച് മയക്കുമരുന്ന് കടത്താൻ ശ്രമം; അഞ്ചംഗ സംഘം സൗദിയിൽ അറസ്റ്റിൽ

Sep 29, 2022

Most Commented