.jpg?$p=e4e93ab&f=16x10&w=852&q=0.8)
Photo: ANI
അഹമ്മദാബാദ്: ഓസ്ട്രേലിയക്കെതിരായ നാലാമത്തെയും അവസാനത്തെയും ക്രിക്കറ്റ് ടെസ്റ്റിന്റെ രണ്ടാം ദിനം കളിയവസാനിക്കുമ്പോള്‍ ഒന്നാം ഇന്നിങ്‌സില്‍ ബാറ്റിങ്ങിനിറങ്ങിയ ഇന്ത്യ വിക്കറ്റ് നഷ്ടമില്ലാതെ 36 റണ്‍സെന്ന നിലയില്‍. ക്യാപ്റ്റന്‍ രോഹിത് ശര്‍മ (17*), ശുഭ്മാന്‍ ഗില്‍ (18*) എന്നിവരാണ് ക്രീസില്‍. ഓസീസിന്റെ ഒന്നാം ഇന്നിങ്‌സ് സ്‌കോറിനേക്കാള്‍ 444 റണ്‍സ് പിന്നിലാണ് ഇന്ത്യ.
നേരത്തെ ഒന്നാം ഇന്നിങ്‌സില്‍ ഓസ്ട്രേലിയ 480 റണ്‍സിന് പുറത്തായിരുന്നു. സെഞ്ചുറി നേടിയ ഉസ്മാന്‍ ഖവാജയുടെയും കാമറൂണ്‍ ഗ്രീനിന്റെയും ഇന്നിങ്‌സുകളാണ് ഓസീസിനെ മികച്ച സ്‌കോറിലെത്തിച്ചത്. ഇന്ത്യയ്ക്കായി അശ്വിന്‍ ആറ് വിക്കറ്റുമായി തിളങ്ങി. 422 പന്തില്‍ നിന്ന് 21 ബൗണ്ടറികളടക്കം 180 റണ്‍സെടുത്ത ഖവാജയാണ് അവരുടെ ടോപ് സ്‌കോറര്‍. 170 പന്തുകള്‍ നേരിട്ട ഗ്രീന്‍ 18 ബൗണ്ടറികളടക്കം 114 റണ്‍സെടുത്തു. അഞ്ചാം വിക്കറ്റില്‍ ഇരുവരും കൂട്ടിച്ചേര്‍ത്ത 208 റണ്‍സാണ് ഓസീസ് ഇന്നിങ്‌സിന്റെ നട്ടെല്ല്.
അലക്‌സ് കാരി (0), മിച്ചല്‍ സ്റ്റാര്‍ക്ക് (6), ഖവാജ എന്നിവരെ ഉച്ചഭക്ഷണത്തിനു പിന്നാലെ പെട്ടെന്ന് നഷ്ടമായെങ്കിലും ഒമ്പതാം വിക്കറ്റില്‍ 70 റണ്‍സ് കൂട്ടിച്ചേര്‍ത്ത നേഥന്‍ ലയണ്‍ - ടോഡ് മര്‍ഫി സഖ്യം ഓസീസ് സ്‌കോര്‍ 450 കടത്തി. 61 പന്തില്‍ നിന്ന് 41 റണ്‍സെടുത്ത മര്‍ഫിയെ പുറത്താക്കി അശ്വിനാണ് ഈ കൂട്ടുകെട്ട് പൊളിച്ചത്. പിന്നാലെ 96 പന്തില്‍ നിന്ന് 34 റണ്‍സെടുത്ത ലയണിനെയും പുറത്താക്കിയ അശ്വിന്‍ ഓസീസ് ഇന്നിങ്‌സ് അവസാനിപ്പിച്ചു.
മുഹമ്മദ് ഷമി രണ്ട് വിക്കറ്റ് വീഴ്ത്തി. ട്രാവിസ് ഹെഡ് (32), മര്‍നസ് ലബുഷെയ്ന്‍ (3), സ്റ്റീവ് സ്മിത്ത് (38), പീറ്റര്‍ ഹാന്‍ഡ്കോമ്പ് (17) എന്നിവരുടെ വിക്കറ്റുകള്‍ ഓസീസിന് ആദ്യ ദിനം നഷ്ടമായിരുന്നു.
Updating ...
Content Highlights: india vs australia fourth test day two match updates
Also Watch
RELATED STORIES
IN CASE YOU MISSED IT
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..