ഇംഗ്ലണ്ട് പരമ്പരയ്ക്കിടെ വൈറ്റ് ബോള്‍ സ്‌പെഷ്യലിസ്റ്റുകളുമായി ശ്രീലങ്കയില്‍ പര്യടനം നടത്താന്‍ ഇന്ത്യ


ക്യാപ്റ്റന്‍ വിരാട് കോലി, രോഹിത് ശര്‍മ എന്നിവരടക്കമുള്ള പ്രമുഖരാരും തന്നെ ഈ പരമ്പരയ്ക്കുണ്ടാകില്ല. ടെസ്റ്റ് ടീമില്‍ ഇടംലഭിക്കാതെ പോയവര്‍ക്കും പുതുമുഖങ്ങള്‍ക്കും അവസരം നല്‍കിയാകും പരമ്പര

Photo: PTI

ന്യൂഡല്‍ഹി: ഇന്ത്യന്‍ ടീം ഇംഗ്ലണ്ടില്‍ ടെസ്റ്റ് പരമ്പര കളിക്കുന്ന സമയത്ത് ശ്രീലങ്കയില്‍ നിശ്ചിത ഓവര്‍ പരമ്പരകള്‍ക്കൊരുങ്ങി ബി.സി.സി.ഐ.

ഇംഗ്ലണ്ട് പരമ്പരയുടെ സമയത്ത് ഇന്ത്യയുടെ വൈറ്റ് ബോള്‍ സ്‌പെഷ്യലിസ്റ്റുകളടങ്ങുന്ന ടീം ശ്രീലങ്കയില്‍ മൂന്ന് ഏകദിനങ്ങളും അഞ്ച് ട്വന്റി 20 മത്സരങ്ങളും അടങ്ങുന്ന പരമ്പര കളിക്കുമെന്ന് ബി.സി.സി.ഐ പ്രസിന്റ് സൗരവ് ഗാംഗുലി.

ക്യാപ്റ്റന്‍ വിരാട് കോലി, രോഹിത് ശര്‍മ എന്നിവരടക്കമുള്ള പ്രമുഖരാരും തന്നെ ഈ പരമ്പരയ്ക്കുണ്ടാകില്ല. ടെസ്റ്റ് ടീമില്‍ ഇടംലഭിക്കാതെ പോയവര്‍ക്കും പുതുമുഖങ്ങള്‍ക്കും അവസരം നല്‍കിയാകും പരമ്പര.

''ജൂലായില്‍ സീനിയര്‍ പുരുഷ ടീമിനായി ട്വന്റി 20-യും ഏകദിനങ്ങളും അടങ്ങുന്ന ശ്രീലങ്കയില്‍ ഒരു വൈറ്റ് ബോള്‍ സീരീസ് ഞങ്ങള്‍ പ്ലാന്‍ ചെയ്യുന്നുണ്ട്. വൈറ്റ് ബോള്‍ സ്‌പെഷ്യലിസ്റ്റുകളുടെ ഒരു ടീമായിരിക്കും അത്. തീര്‍ത്തും വ്യത്യസ്തമായ ഒരു ടീമായിരിക്കും അത്. ഇംഗ്ലണ്ട് ടെസ്റ്റിനായി തിരഞ്ഞെടുക്കപ്പെട്ട ആരും തന്നെ ഈ ടീമില്‍ ഉണ്ടാകില്ല.'' - ഗാംഗുലി പി.ടി.ഐയോട് പറഞ്ഞു.

ലോക ടെസ്റ്റ് ചാമ്പ്യന്‍ഷിപ്പ് ഫൈനലിനും തുടര്‍ന്ന് ഇംഗ്ലണ്ടിനെതിരേ നടക്കുന്ന അഞ്ചു ടെസ്റ്റുകളടങ്ങിയ പരമ്പരയ്ക്കുമുള്ള ഇന്ത്യന്‍ ടീമിനെ ദിവസങ്ങള്‍ക്കു മുമ്പ് ബി.സി.സി.ഐ പ്രഖ്യാപിച്ചിരുന്നു. ശിഖര്‍ ധവാന്‍, ഹാര്‍ദിക് പാണ്ഡ്യ, ഭുവനേശ്വര്‍ കുമാര്‍ എന്നിവരടക്കമുള്ള താരങ്ങള്‍ ഇതില്‍ ഉള്‍പ്പെടാതെ പോയവരാണ്. ഇവര്‍ക്ക് ശ്രീലങ്കന്‍ പര്യടനത്തില്‍ അവസരം ലഭിച്ചേക്കും.

Content Highlights: India to play three ODIs and five T20Is in Sri Lanka says Sourav Ganguly

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Dalit Boy

1 min

അധ്യാപകന്റെ പാത്രത്തില്‍നിന്ന് വെള്ളംകുടിച്ചതിന് ക്രൂരമര്‍ദനം; 9 വയസ്സുള്ള ദളിത് ബാലന്‍ മരിച്ചു

Aug 14, 2022


Jaleel-Surendran

1 min

ജലീലിന് ഇന്ത്യയില്‍ കഴിയാന്‍ അവകാശമില്ല, പാകിസ്താനിലേക്ക് പോകണം - കെ സുരേന്ദ്രന്‍

Aug 14, 2022


bjp

1 min

നെഹ്‌റുവിനെ ലക്ഷ്യമിട്ട് വിഭജനത്തേക്കുറിച്ചുള്ള വീഡിയോയുമായി ബിജെപി; തിരിച്ചടിച്ച് കോണ്‍ഗ്രസ്

Aug 14, 2022

Most Commented