പ്രോട്ടീസിന്റെ സെഞ്ചൂറിയന്‍ കോട്ട തകര്‍ത്തു; റെക്കോഡ് നേട്ടവുമായി ടീം ഇന്ത്യ


Photo: AP

സെഞ്ചൂറിയന്‍: ഓസ്‌ട്രേലിയയുടെ അഭിമാന മൈതാനമായിരുന്ന ഗാബയില്‍ ഇന്ത്യ ചരിത്ര വിജയം നേടിയത് 11 മാസങ്ങള്‍ക്ക് മുമ്പാണ്. ഇപ്പോഴിതാ ദക്ഷിണാഫ്രിക്കയുടെ സെഞ്ചൂറിയന്‍ കോട്ടയും കീഴടക്കിയിരിക്കുകയാണ് കോലിയും സംഘവും.

ദക്ഷിണാഫ്രിക്കയ്‌ക്കെതിരായ ടെസ്റ്റ് പരമ്പരയിലെ ആദ്യ മത്സരം 113 റണ്‍സിന് ജയിച്ച ഇന്ത്യ സെഞ്ചൂറിയനിലെ സൂപ്പര്‍ സ്‌പോര്‍ട്‌സ് പാര്‍ക്ക് മൈതാനത്തെ തങ്ങളുടെ ആദ്യ ടെസ്റ്റ് വിജയമെന്ന നേട്ടവും സ്വന്തമാക്കി.



ഇംഗ്ലണ്ടിനും ഓസ്‌ട്രേലിയക്കും ശേഷം സെഞ്ചൂറിയനില്‍ ഒരു ടെസ്റ്റ് ജയിക്കുന്ന മൂന്നാമത്തെ സന്ദര്‍ശക ടീമും ഇന്ത്യയാണ്.

1992 മുതല്‍ ദക്ഷിണാഫ്രിക്കയ്‌ക്കെതിരേ നടന്ന 22 ടെസ്റ്റുകളില്‍ ഇന്ത്യയുടെ നാലാമത്തെ മാത്രം വിജയമാണിത്. ദക്ഷിണാഫ്രിക്കയ്‌ക്കെതിരേ അവരുടെ നാട്ടില്‍ നടക്കുന്ന ടെസ്റ്റ് പരമ്പരയില്‍ ഇന്ത്യ ലീഡ് ചെയ്യുന്നതും ഇത് രണ്ടാം തവണ മാത്രമാണ്. രാഹുല്‍ ദ്രാവിഡിന്റെ നേതൃത്വത്തില്‍ 2006-07 കാലത്ത് പര്യടനം നടത്തിയ ഇന്ത്യന്‍ ടീമാണ് ഈ നേട്ടം ആദ്യം സ്വന്തമാക്കിയത്. പക്ഷേ അന്ന് പരമ്പര പൂര്‍ത്തിയായപ്പോള്‍ ഇന്ത്യ 1-2ന് തോല്‍ക്കുകയായിരുന്നു.

സെഞ്ചൂറിയില്‍ ഒരു ടെസ്റ്റ് ജയിക്കുന്ന ആദ്യ ഇന്ത്യന്‍ ക്യാപ്റ്റനെന്ന നേട്ടം വിരാട് കോലി സ്വന്തമാക്കുകയും ചെയ്തു.

ഇംഗ്ലണ്ടാണ് സെഞ്ചൂറിയനില്‍ ടെസ്റ്റ് ജയിച്ച ആദ്യ സന്ദര്‍ശക ടീം. 2000-ലായിരുന്നു ഇത്. പിന്നീട് 2014-ല്‍ ഓസ്‌ട്രേലിയയാണ് ഇവിടെ ടെസ്റ്റ് ജയിക്കുന്നത്. അന്ന് സ്റ്റീവ് സ്മിത്ത്, ഷോണ്‍ മാര്‍ഷ്, ഡേവിഡ് വാര്‍ണര്‍ എന്നിവര്‍ സെഞ്ചുറിയുമായി തിളങ്ങിയപ്പോള്‍ 281 റണ്‍സിനാണ് മൈക്കല്‍ ക്ലാര്‍ക്കിന്റെ സംഘം ജയിച്ചുകയറിയത്.

സെഞ്ചൂറിയനില്‍ ഇതുവരെ 28 ടെസ്റ്റുകള്‍ കളിച്ച ദക്ഷിണാഫ്രിക്ക 21 എണ്ണത്തിലും ജയിച്ചു. തോറ്റത് മേല്‍പ്പറഞ്ഞ മൂന്ന് ടീമുകളോട് മൂന്ന് മത്സരങ്ങള്‍ മാത്രം.

Content Highlights: india breach become only 3rd visiting team to win a test at centurion


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
ramesh chennithala

1 min

ഒരു നേതാവിനെയും ആരും ഭയക്കേണ്ട; എല്ലാ വാദ്യങ്ങളും ചെണ്ടയ്ക്കുതാഴെ; തരൂര്‍ വിഷയത്തില്‍ ചെന്നിത്തല

Nov 24, 2022


arif muhammad khan

1 min

രാജ്ഭവനിലെ അതിഥിസത്കാരം: നാല് വര്‍ഷത്തിനിടെ 9 ലക്ഷത്തോളം ചെലവഴിച്ചെന്ന് കണക്കുകള്‍

Nov 25, 2022


image

1 min

ഫുട്‌ബോള്‍ ലഹരിയാകരുത്, കട്ടൗട്ടുകള്‍ ദുര്‍വ്യയം, പോര്‍ച്ചുഗല്‍ പതാക കെട്ടുന്നതും ശരിയല്ല - സമസ്ത

Nov 25, 2022

Most Commented