അനന്തപുരി ഒരുങ്ങി; ഇന്ത്യ-ദക്ഷിണാഫ്രിക്ക ട്വന്റി 20 മത്സരം ഇന്ന്


റണ്ണൊഴുകുന്ന ഫ്‌ളാറ്റ് പിച്ചാണ് കാര്യവട്ടത്തേത്

ഇന്ത്യൻ ക്രിക്കറ്റ് കോച്ച് രാഹുൽ ദ്രാവിഡ്, ക്യാപ്റ്റൻ രോഹിത് ശർമ, വിരാട് കോലി, യുസ്‌വേന്ദ്ര ചാഹൽ എന്നിവർ‌ ഗ്രീൻഫീൽഡ് സ്റ്റേഡിയത്തിൽ പരിശീലനത്തിനിടെ | ഫോട്ടോ: എസ്. ശ്രീകേഷ്

തിരുവനന്തപുരം: അനന്തപുരി ഒരുങ്ങിക്കഴിഞ്ഞു, ആരവം ഉയര്‍ന്നുതുടങ്ങി. ഇടവേളയ്ക്കുശേഷം കേരളത്തില്‍ വീണ്ടും അന്താരാഷ്ട്ര ക്രിക്കറ്റിന്റെ കേളികൊട്ട്. ഇന്ത്യ-ദക്ഷിണാഫ്രിക്ക ട്വന്റി 20 പരമ്പരയിലെ ആദ്യമത്സരം ബുധനാഴ്ച വൈകീട്ട് ഏഴുമുതല്‍ തിരുവനന്തപുരം ഗ്രീന്‍ഫീല്‍ഡ് സ്റ്റേഡിയത്തില്‍. 2019 ഡിസംബറിലാണ് തിരുവനന്തപുരത്ത് അവസാന അന്താരാഷ്ട്ര മത്സരം നടന്നത്. അതിനുശേഷം കോവിഡില്‍ ഏറെക്കാലം മത്സരങ്ങള്‍ മുടങ്ങി. മത്സരം പുനരാരംഭിച്ചപ്പോഴും ഗ്രൗണ്ടില്‍ കാണികള്‍ക്ക് പ്രവേശനമുണ്ടായില്ല. ആ കാലം മറന്ന്, സ്വന്തം നാട്ടില്‍ നടക്കുന്ന അന്താരാഷ്ട്ര മത്സരം കാണാന്‍ കാണികള്‍ ഗ്രീന്‍ഫീല്‍ഡിലേക്ക് ഒഴുകുമെന്ന് പ്രതീക്ഷിക്കുന്നു.

റണ്ണൊഴുകും



റണ്ണൊഴുകുന്ന ഫ്‌ളാറ്റ് പിച്ചാണ് കാര്യവട്ടത്തേത്. രാത്രിയില്‍ മഞ്ഞുവീഴാന്‍ സാധ്യതയുള്ളതിനാല്‍ രണ്ടാമത് ബാറ്റുചെയ്യുന്ന ടീമിന് ചെറിയ മുന്‍തൂക്കം ലഭിക്കും. അതുകൊണ്ട് ടോസ് നിര്‍ണായകമാകുമെന്ന് കരുതുന്നു.

വിജയം തുടരാന്‍

ഓസ്ട്രേലിയക്കെതിരായ ട്വന്റി 20 പരമ്പര ജയിച്ചതിന്റെ ആത്മവിശ്വാസത്തിലാണ് ഇന്ത്യന്‍ ക്യാപ്റ്റന്‍ രോഹിത് ശര്‍മയും സംഘവും. അടുത്തമാസം ഓസ്ട്രേലിയയില്‍ നടക്കുന്ന ട്വന്റി 20 ലോകകപ്പിന് ഒരുങ്ങാനുള്ള അവസാന അവസരംകൂടിയാണിത്. ഇതുകഴിഞ്ഞ് ദക്ഷിണാഫ്രിക്കയ്‌ക്കെതിരേ മൂന്ന് ഏകദിനംകൂടിയുണ്ടെങ്കിലും അതില്‍ ശിഖര്‍ ധവാന്‍ നയിക്കുന്ന മറ്റൊരു ടീമാകും ഇറങ്ങുക.

ഓസ്ട്രേലിയക്കെതിരായ പരമ്പരയില്‍ ഇന്ത്യയുടെ ടോപ് ഓര്‍ഡര്‍ ബാറ്റിങ് ഏറക്കുറെ വിശ്വാസം കാത്തു. കെ.എല്‍. രാഹുല്‍, രോഹിത് ശര്‍മ, വിരാട് കോലി, സൂര്യകുമാര്‍ യാദവ്, ഹാര്‍ദിക് പാണ്ഡ്യ എന്നിവരെല്ലാം ഓരോ മത്സങ്ങളിലായി ക്ലിക്കായി. ലോകകപ്പ് ടീമില്‍ ഫിനിഷര്‍ റോളിലേക്ക് കണ്ടുവെച്ച ദിനേഷ് കാര്‍ത്തിക്കിന് ബാറ്റുചെയ്യാന്‍ വേണ്ടത്ര അവസരം കിട്ടിയില്ലെന്നതു മാത്രമാണ് ഒരു പരിമിതി. എന്നാല്‍, ബൗളിങ്ങില്‍ ഏറെ പരാധീനതയുണ്ട്. പരിക്കിലായിരുന്ന ജസ്പ്രീത് ബുംറ, ഹര്‍ഷല്‍ പട്ടേല്‍ എന്നിവര്‍ മികവിലേക്ക് തിരിച്ചെത്തിയില്ല.

ഓള്‍റൗണ്ടര്‍ ഹാര്‍ദിക് പാണ്ഡ്യ, പേസര്‍ ഭുവനേശ്വര്‍ കുമാര്‍ എന്നിവര്‍ക്ക് ഈ പരമ്പരയില്‍ വിശ്രമം നല്‍കിയിട്ടുണ്ട്. ഓള്‍റൗണ്ടറായ ദീപക് ഹൂഡ പരിക്കേറ്റ് പിന്മാറുകയും ചെയ്തതോടെ ടീമിന്റെ ഘടനയില്‍ കാര്യമായ മാറ്റമുണ്ടാകും. ഭുവനേശ്വറിന് പകരമായി ദീപക് ചഹാര്‍ ടീമിലുണ്ട്.

ടീം ദക്ഷിണാഫ്രിക്ക

കരുത്തരായ ഇംഗ്ലണ്ടിനെതിരേ ട്വന്റി 20 പരമ്പര ജയിച്ചതിന്റെ ആത്മവിശ്വാസത്തിലാണ് തെംബ ബാവുമയുടെ നേതൃത്വത്തിലുള്ള ദക്ഷിണാഫ്രിക്ക വരുന്നത്. തുടര്‍ന്ന് അയല്‍ലന്‍ഡിനെതിരേയും പരമ്പര നേടി.

ഈ ഫോര്‍മാറ്റില്‍ മികച്ച ഫോമിലുള്ള എയ്ഡന്‍ മര്‍ക്രം, റീസ ഹെന്റിക്കസ്, ക്യാപ്റ്റന്‍ തെംബ ബാവുമ, ക്വിന്റണ്‍ ഡി കോക്ക് എന്നിവരാണ് ബാറ്റിങ്ങിലെ കരുത്ത്. പേസ് നിരയില്‍ ലുങ്കി എന്‍ഗിഡി, കാഗിസോ റബാഡ, ആന്റിച്ച് നോര്‍ദ്യെ എന്നിവരും സ്പിന്നില്‍ ഈ ഫോര്‍മാറ്റിലെ പ്രധാന ബൗളറായ ടബ്രിയാസ് ഷംസിയുമുണ്ട്. ഓള്‍റൗണ്ടര്‍മാരായി മാര്‍ക്കോ ജാന്‍സണ്‍, ഡെയ്ന്‍ പ്രിട്ടോറിയസ് എന്നിവരും.

Content Highlights: India against South Africa t20 match in Thiruvananthapuram


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
സരിത രവീന്ദ്രനാഥ്

2 min

ലെഗ്ഗിൻസ് ധരിച്ചതിന് ഹെഡ്മിസ്ട്രസില്‍ നിന്ന് ശകാരം; പരാതി നല്‍കി അധ്യാപിക

Dec 1, 2022


Vizhinjam

7 min

വിഴിഞ്ഞത്തിന്റെ നിലവിളി | വഴിപോക്കൻ

Dec 2, 2022


brazil vs cameroon

2 min

ടിറ്റെയുടെ പരീക്ഷണം പാളി, ബ്രസീലിനെ അട്ടിമറിച്ച് കാമറൂണ്‍

Dec 3, 2022

Most Commented