ഫൈനലില്‍ കളിച്ചത് നാല് മലയാളികള്‍; ത്രിരാഷ്ട്ര ടൂര്‍ണമെന്റില്‍ ഇന്ത്യക്ക് കിരീടം


ശ്രേയസ് അയ്യരുടെ(131 പന്തില്‍ 140 നോട്ടൗട്ട്) സെഞ്ചുറിയാണ് ഇന്ത്യയുടെ വിജയത്തില്‍ നിര്‍ണായക പങ്കുവഹിച്ചത്.

പ്രിട്ടോറിയ: ആതിഥേയരായ ദക്ഷിണാഫ്രിക്ക എ ടീമിനെ ഏഴു വിക്കറ്റിന് പരാജയപ്പെടുത്തി എ ടീമുകളുടെ ത്രിരാഷ്ട്ര ഏകദിന ക്രിക്കറ്റ് ടൂര്‍ണമെന്റില്‍ ഇന്ത്യ ജേതാക്കളായി. മലയാളി താരം ശ്രേയസ് അയ്യരുടെ(131 പന്തില്‍ 140 നോട്ടൗട്ട്) സെഞ്ചുറിയാണ് ഇന്ത്യയുടെ വിജയത്തില്‍ നിര്‍ണായക പങ്കുവഹിച്ചത്.

268 റണ്‍സ് ലക്ഷ്യവുമായിറങ്ങിയ ഇന്ത്യ 19 പന്ത് ബാക്കിനിൽകെ മൂന്നു വിക്കറ്റ് നഷ്ടത്തില്‍ ലക്ഷ്യംനേടി. ശ്രേയസാണ് ഫൈനലിന്റെ താരം. ടൂര്‍ണമെന്റിന്റെ താരമായി മധ്യനിര ബാറ്റ്സ്മാന്‍ മനീഷ് പാണ്ഡെ തിരഞ്ഞെടുക്കപ്പെട്ടു.

സ്‌കോര്‍: ദക്ഷിണാഫ്രിക്ക 50 ഓവറില്‍ 7-ന് 267; ഇന്ത്യ 46.5 ഓവറില്‍ 3-ന് 270.

നാലു മലയാളി താരങ്ങളാണ് ഇന്ത്യയ്ക്കുവേണ്ടി ഫൈനലില്‍ ഇറങ്ങിയത്. ഓപ്പണര്‍മാരായ സഞ്ജു സാംസണ്‍ (12), കരുണ്‍നായര്‍ (4), ശ്രേയസ്, ബേസില്‍ തമ്പി എന്നിവര്‍. ടോസ് നേടിയ ഇന്ത്യ എതിരാളികളെ ബാറ്റിങ്ങിനുവിടുകയായിരുന്നു. 115 റണ്‍സെടുക്കുമ്പോഴേക്കും അഞ്ചു വിക്കറ്റുകള്‍ നഷ്ടമായ ദക്ഷിണാഫ്രിക്ക ഫര്‍ഹാന്‍ ബെഹാര്‍ദിയന്റെ (101*) സെഞ്ചുറിയുടെ കരുത്തില്‍ ശക്തമായ സ്‌കോര്‍ നേടി. ഓള്‍റൗണ്ടര്‍ പ്രിട്ടോറിയസും (58) തിളങ്ങി. ശാര്‍ദുല്‍ ഠാക്കൂര്‍ മൂന്നു വിക്കറ്റെടുത്ത് ബൗളിങ്ങില്‍ ശോഭിച്ചു. ഏഴ് ഓവറില്‍ 53 റണ്‍സ് വഴങ്ങിയ ബേസിലിന് വിക്കറ്റൊന്നും കിട്ടിയില്ല.

വലിയ സ്‌കോര്‍ പിന്തുടര്‍ന്ന ഇന്ത്യക്ക് 20 റണ്‍സെടുക്കുന്നതിനിടെ ഓപ്പണര്‍മാരായ സഞ്ജുവിനെയും കരുണിനെയും നഷ്ടമായെങ്കിലും മൂന്നാം വിക്കറ്റില്‍ 141 റണ്‍സ് കൂട്ടിച്ചേര്‍ത്ത് ശ്രേയസ്-വിജയ് ശങ്കര്‍ (72) സഖ്യം ഇന്ത്യയെ മത്സരത്തിലേക്ക് തിരിച്ചുകൊണ്ടുവന്നു. പിരിയാത്ത നാലാം വിക്കറ്റില്‍ 109 റണ്‍സ് ചേര്‍ത്ത് ശ്രേയസ്-പാണ്ഡെ (32*) സഖ്യം ടീമിനെ കിരീടത്തിലേക്ക് നയിച്ചു. അഫ്ഗാനിസ്താനായിരുന്നു ടൂര്‍ണമെന്റിലെ മൂന്നാമത്തെ ടീം.

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
abhaya hiranmayi

1 min

'അവര്‍ക്ക് കുടുംബമുണ്ട്, ദയവായി എന്റെ ആണ്‍സുഹൃത്തുക്കളെ ഇതിലേക്ക് വലിച്ചിഴക്കരുത്'; അഭയ ഹിരണ്‍മയി

May 28, 2022


Dharmajan Bolgatty

1 min

ധര്‍മജന്റെ ഉടമസ്ഥതയിലുള്ള സ്ഥാപനത്തില്‍നിന്ന് 200 കിലോ പഴകിയ മത്സ്യം പിടിച്ചെടുത്തു 

May 27, 2022


satheesan

1 min

ജോ ജോസഫിനെതിരായ അശ്ലീല വീഡിയോ അപ്‌ലോഡ് ചെയ്തയാളെ പിടിച്ചാല്‍ വാദി പ്രതിയാകും - സതീശന്‍

May 27, 2022

Most Commented