'ഈ വര്‍ഷത്തെ ഏറ്റവും മനോഹരമായ ക്യാച്ച്'; ഹര്‍ലീനെ അഭിനന്ദിച്ച് സച്ചിന്‍


ഇംഗ്ലണ്ട് ഇന്നിങ്‌സിന്റെ 19-ാം ഓവറില്‍ ശിഖാ പാണ്ഡെയുടെ പന്തില്‍ ആമി ജോണ്‍സിനെ പുറത്താക്കാനാണ് ഹര്‍ലീന്‍ ക്യാച്ചെടുത്തത്.

ഹർലീൻ ഡിയോളിന്റെ ക്യാച്ച്‌ | Photo: Screengrab|Sony Six Live

ലണ്ടന്‍: ഇംഗ്ലണ്ടിനെതിരായ ആദ്യ ട്വന്റി-20യില്‍ മനോഹരമായ ബൗണ്ടറി ലൈന്‍ ക്യാച്ചുമായി ഇന്ത്യന്‍ താരം ഹര്‍ലീന്‍ ഡിയോണ്‍. ക്രിക്കറ്റ് ഇതിഹാസം സച്ചിന്‍ തെണ്ടുല്‍ക്കര്‍, മുന്‍ ഇന്ത്യന്‍ താരം വിവിഎസ് ലക്ഷ്മണ്‍, മുന്‍ ഇംഗ്ലീഷ് ക്യാപ്റ്റന്‍ നാസര്‍ ഹുസൈന്‍, വിന്‍ഡീസ് താരം ഡാരെന്‍ സമി, മുന്‍ ഓസ്‌ട്രേലിയന്‍ താരം ലിസ സ്തലേക്കര്‍ എന്നിവരെല്ലാം ആ ക്യാച്ച് കണ്ട് അമ്പരന്നു. ട്വിറ്ററിലൂടെ ഹര്‍ലീനെ അഭിനന്ദിച്ച താരങ്ങളോടൊപ്പം ആരാധകരും ചേര്‍ന്നു.

ഇംഗ്ലണ്ട് ഇന്നിങ്‌സിന്റെ 19-ാം ഓവറില്‍ ശിഖാ പാണ്ഡെയുടെ പന്തില്‍ ആമി ജോണ്‍സിനെ പുറത്താക്കാനാണ് ഹര്‍ലീന്‍ ക്യാച്ചെടുത്തത്. ശിഖയുട പന്ത് ലോങ് ഓഫിലൂടെ ബൗണ്ടറി കടത്താനായിരുന്നു ആമി ജോണ്‍സന്റെ ശ്രമം. എന്നാല്‍ ബൗണ്ടറി ലൈനിന് തൊട്ടടുത്ത് നിന്ന് ഹര്‍ലീന്‍ പന്ത് കൈപ്പിടിയിലൊതുക്കി. നിയന്ത്രണം നഷ്ടപ്പെട്ട ഇന്ത്യന്‍ താരം ബൗണ്ടറി ലൈന്‍ കടന്നു. പക്ഷേ അപ്പോഴേക്കും പന്ത് മുകളിലേക്ക് ഉയര്‍ത്തി എറിഞ്ഞ ഹര്‍ലീന്‍ തിരിച്ചു ഡൈവ് ചെയ്ത് ഗ്രൗണ്ടിനുള്ളിലെത്തി ക്യാച്ച് പൂര്‍ത്തിയാക്കി.

മത്സരത്തില്‍ ഇന്ത്യ 18 റണ്‍സിന് ഇംഗ്ലണ്ടിനോട് തോറ്റു. മഴ കളി മുടക്കിയ മത്സരത്തില്‍ ഡെക്ക്‌വര്‍ത്ത് ലൂയിസ് നിയമപ്രകാരമാണ് ഇംഗ്ലണ്ടിന്റെ വിജയം. ആദ്യം ബാറ്റു ചെയ്ത ഇംഗ്ലണ്ട് നിശ്ചിത ഓവറില്‍ ഏഴ് വിക്കറ്റ് നഷ്ടത്തില്‍ 177 റണ്‍സ് നേടി. പിന്നീട് മഴയെ തുടര്‍ന്ന് ഇന്ത്യയുടെ ലക്ഷ്യം 73 റണ്‍സാക്കി പുനര്‍നിശ്ചയിച്ചു. എന്നാല്‍ 8.4 ഓവറില്‍ മൂന്നു വിക്കറ്റ് നഷ്ടത്തില്‍ 54 റണ്‍സെടുക്കാനെ ഇന്ത്യക്ക് കഴിഞ്ഞുള്ളു. ഇതോടെ മൂന്നു ട്വന്റി-20 മത്സരങ്ങളടങ്ങിയ പരമ്പരയില്‍ ഇംഗ്ലണ്ട് 1-0ത്തിന് മുന്നിലെത്തി.

ഹിമാചല്‍ പ്രദേശില്‍ നിന്നുള്ള 23-കാരിയായ ഹര്‍ലീന്‍ 2019-ല്‍ ഇംഗ്ലണ്ടിനെതിരേയാണ് ട്വന്റി-20യില്‍ അരങ്ങേറിയത്. 10 മത്സരങ്ങളില്‍ നിന്ന് 127 റണ്‍സും ആറു വിക്കറ്റുമാണ് ഇതുവരെയുള്ള സമ്പാദ്യം.

Content Highlights: Harleen Deol bowls cricket giants over with stunner against England

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
ATLAS RAMACHANDRAN

2 min

'ജനകോടികളുടെ വിശ്വസ്ത സ്ഥാപനം', തിരിച്ചുവരാന്‍ മോഹിച്ചിട്ടും നാടുകാണാതെ മടക്കം

Oct 3, 2022


atlas ramachandran

2 min

അറ്റ്‌ലസ് രാമചന്ദ്രന്‍ അന്തരിച്ചു, അന്ത്യം ദുബായിലെ ആശുപത്രിയില്‍

Oct 3, 2022


Shikhar Dhawan to lead India odi team against South Africa sanju samson in

1 min

സഞ്ജു ടീമില്‍; ദക്ഷിണാഫ്രിക്കയ്‌ക്കെതിരായ ഏകദിന പരമ്പരയ്ക്കുള്ള ഇന്ത്യന്‍ ടീമിനെ പ്രഖ്യാപിച്ചു

Oct 2, 2022

Most Commented