ഗാംഗുലി ബി.ജെപിയില്‍ ചേരാത്തതിനാല്‍ വീണ്ടും ബി.സി.സി.ഐ പ്രസിഡന്റാകില്ല: തൃണമൂല്‍


Photo: twitter.com|ICC

കൊല്‍ക്കത്ത: ബി.സി.സി.ഐ പ്രസിഡന്റ് സ്ഥാനത്തേക്കുള്ള തിരഞ്ഞെടുപ്പ് നടക്കാനിരിക്കെ ബി.ജെപിയ്‌ക്കെതിരേ ആരോപണവുമായി തൃണമൂല്‍ കോണ്‍ഗ്രസ്. നിലവിലെ ബി.സി.സി.ഐ പ്രസിഡന്റായ സൗരവ് ഗാംഗുലിയ്ക്ക് രണ്ടാം ടേം നിഷേധിക്കുന്നതിന് പിന്നില്‍ ബിജെപിയാണെന്ന് തൃണമൂല്‍ കോണ്‍ഗ്രസ് വക്താവ് കുനാല്‍ ഘോഷ് പറഞ്ഞു.

ഗാംഗുലി ബി.ജെ.പിയില്‍ അംഗത്വമെടുക്കാത്തതിനാല്‍ അദ്ദേഹത്തെ വീണ്ടും ബി.സി.സി.ഐ പ്രസിഡന്റായി പരിഗണിക്കുകയില്ലെന്ന് ഘോഷ് ആരോപിച്ചു. ഗാംഗുലിയ്ക്ക് പകരം മുന്‍ ഇന്ത്യന്‍ താരമായ റോജര്‍ ബിന്നി ബി.സി.സി.ഐ പ്രസിഡന്റാകുമെന്നാണ് സൂചന.



അമിത്ഷായുടെ മകന്‍ ജയ് ഷായ്ക്ക് വീണ്ടും ബി.സി.സി.ഐ സെക്രട്ടറിയായി സ്ഥാനം ലഭിക്കുമ്പോള്‍ ഗാംഗുലിയ്ക്ക് പ്രസിഡന്റ് സ്ഥാനം നഷ്ടമാകുന്നത് ബി.ജെ.പിയുടെ കളിയാണെന്ന് ഘോഷ് വ്യക്തമാക്കി. ബി.സി.സി.ഐ സെക്രട്ടറി സ്ഥാനത്തേക്ക് ജയ് ഷാ വീണ്ടും നാമനിര്‍ദേശപത്രിക സമര്‍പ്പിച്ചിട്ടുണ്ട്.

എന്നാല്‍ തൃണമൂല്‍ കോണ്‍ഗ്രസ് ഉന്നയിക്കുന്ന ആരോപണങ്ങളില്‍ കഴമ്പില്ലെന്ന് ബി.ജെ.പി ദേശീയ വൈസ് പ്രസിഡന്റ് ദിലീപ് ഘോഷ് അറിയിച്ചു. സൗരവ് ഗാംഗുലിയെ ബി.ജെ.പിയിലേക്ക് ക്ഷണിച്ചതായി അറിയില്ലെന്ന് പറഞ്ഞ ദിലീപ് ഘോഷ് എല്ലാ പ്രശ്‌നങ്ങളെയും രാഷ്ട്രീയവത്കരിക്കുന്ന തൃണമൂല്‍ കോണ്‍ഗ്രസിന്റെ പ്രവൃത്തികള്‍ അവസാനിപ്പിക്കണമെന്നും ആവശ്യപ്പെട്ടു.

ബി.സി.സി.ഐ പ്രസിഡന്റ് സ്ഥാനത്തുനിന്ന് ഒഴിയുന്ന ഗാംഗുലിയെ ഐ.പി.എല്‍ ചെയര്‍മാന്‍ സ്ഥാനത്തേക്ക് പരിഗണിച്ചിരുന്നു. എന്നാല്‍ ഈ വാഗ്ദാനം താരം നിഷേധിച്ചു. ഗാംഗുലി അന്താരാഷ്ട്ര ക്രിക്കറ്റ് സംഘടനയായ ഐ.സി.സിയുടെ ചെയര്‍മാനായേക്കുമെന്ന അഭ്യൂഹവും ശക്തമാണ്.

Content Highlights: bcci president, sourav ganguly, ganguly bcci president, bcci new president, trinamool congress, bjp


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

03:49

ശ്രീഹള്ളി പോകുന്ന വഴിയിലെ ചായക്കടയും ഹിറ്റായ ​ചായക്കടക്കാരനും; വീണ്ടുമെത്തുന്നു പൊള്ളാച്ചി രാജ

Nov 27, 2022


vizhinjam

2 min

പോലീസുകാരെ സ്‌റ്റേഷനിലിട്ട് കത്തിക്കുമെന്ന് ഭീഷണിമുഴക്കി; 85 ലക്ഷം രൂപയുടെ നാശനഷ്ടമെന്ന് FIR

Nov 28, 2022


'ഷിയും കമ്മ്യൂണിസ്റ്റുപാര്‍ട്ടിയും തുലയട്ടെ'; കോവിഡ് നിയന്ത്രണങ്ങള്‍ക്കെതിരെ ചൈനയില്‍ വന്‍ പ്രതിഷേധം

Nov 27, 2022

Most Commented