നൂറിലേറേ ഓവറുകള്‍; നാലാം ഇന്നിങ്‌സിലെ ഇന്ത്യയുടെ പ്രകടനം 19 വര്‍ഷത്തിനിടെ ഇതാദ്യം


കഴിഞ്ഞ 19 വര്‍ഷത്തിനിടെ ഇതാദ്യമായാണ് ഒരു ടെസ്റ്റ് മത്സരത്തിന്റെ നാലാം ഇന്നിങ്‌സില്‍ ഇന്ത്യ നൂറിലേറെ ഓവറുകള്‍ ബാറ്റ് ചെയ്യുന്നത്

Photo: twitter.com|BCCI

സിഡ്നി: ഓസ്‌ട്രേലിയക്കെതിരായ മൂന്നാം ക്രിക്കറ്റ് ടെസ്റ്റില്‍ പ്രതിരോധത്തിന്റെ കോട്ടകെട്ടി വിജയത്തോളം പോന്ന ഒരു സമനില നേടിയെടുത്തിരിക്കുകയാണ് ടീം ഇന്ത്യ.

വിരാട് കോലിയുടെ അഭാവത്തിലും പരിക്ക് കാരണം മുഹമ്മദ് ഷമി, ഉമേഷ് യാദവ് തുടര്‍ന്ന് മത്സരത്തിനിടെ രവീന്ദ്ര ജഡേജ എന്നിവരെയെല്ലാം നഷ്ടമായിട്ടും ഇന്ത്യ കാണിച്ച ഈ പോരാട്ടവീര്യത്തില്‍ കൈയടിക്കാതിരിക്കുന്നതെങ്ങിനെ.

നാലാം ഇന്നിങ്‌സില്‍ 131 ഓവറുകളാണ് ഇന്ത്യ ബാറ്റ് ചെയ്തത്. അഞ്ചാം ദിനം ഒരു ഓവര്‍ ബാക്കിയുള്ളപ്പോള്‍ ഇന്ത്യ അഞ്ചിന് 334 റണ്‍സെന്ന നിലയില്‍ നില്‍ക്കേ മത്സരം അവസാനിപ്പിക്കാന്‍ ഇരു ടീമും തീരുമാനിക്കുകയായിരുന്നു.

കഴിഞ്ഞ 19 വര്‍ഷത്തിനിടെ ഇതാദ്യമായാണ് ഒരു ടെസ്റ്റ് മത്സരത്തിന്റെ നാലാം ഇന്നിങ്‌സില്‍ ഇന്ത്യ നൂറിലേറെ ഓവറുകള്‍ ബാറ്റ് ചെയ്യുന്നത്.

2002-ല്‍ ലോര്‍ഡ്‌സ് ടെസ്റ്റിലാണ് ഇന്ത്യ അവസാനമായി നാലാം ഇന്നിങ്‌സില്‍ ഇന്ത്യ നൂറിലേറെ ഓവറുകള്‍ ബാറ്റ് ചെയ്തത്. ലോര്‍ഡ്‌സില്‍ ഇന്ത്യന്‍ താരം അജിത്ത് അഗാര്‍ക്കറുടെ സെഞ്ചുറി പിറന്ന മത്സരത്തില്‍ 109. 4 ഓവറുകളാണ് ഇന്ത്യ നേരിട്ടത്.

കഴിഞ്ഞ 10 വര്‍ഷത്തിനിടെ ഓസീസ് മണ്ണിലെ ഇന്ത്യയുടെ മികച്ച നാലാം ഇന്നിങ്‌സ് ബാറ്റിങ്ങായിരുന്നു സിഡ്‌നിയിലേത്. 2015-ല്‍ സിഡ്‌നിയില്‍ തന്നെ നാലാം ഇന്നിങ്‌സില്‍ 89.5 ഓവറുകള്‍ പിടിച്ചുനിന്നതായിരുന്നു മുന്‍പത്തെ റെക്കോഡ്.

2012-ല്‍ അഡ്ലെയ്ഡില്‍ 148 ഓവറുകള്‍ ബാറ്റ് ചെയ്ത ദക്ഷിണാഫ്രിക്കയുടെ പേരിലാണ് ഓസീസ് മണ്ണിലെ മികച്ച നാലാം ഇന്നിങ്‌സിലെ മികച്ച പ്രകടനം.

Content Highlights: first time since 2002 India bat over 100 overs in 4th innings

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Rahul Dravid jumps with delight as Rishabh Pant scored hundred

1 min

ഋഷഭ് പന്തിന്റെ സെഞ്ചുറിയില്‍ സന്തോഷത്താല്‍ മതിമറന്ന് ദ്രാവിഡ്; ദൃശ്യങ്ങള്‍ വൈറല്‍

Jul 1, 2022


Nupur Sharma

1 min

ഉത്തരവാദി നിങ്ങളാണ്, രാജ്യത്തോട് മാപ്പ് പറയണം: നൂപുര്‍ ശര്‍മയോട് സുപ്രീംകോടതി

Jul 1, 2022


veena vijayan

2 min

പിണറായിയുടെ മകളായിപ്പോയെന്ന ഒറ്റകാരണത്താല്‍ വേട്ടയാടപ്പെടുന്ന സ്ത്രീ; പിന്തുണച്ച് ആര്യ രാജേന്ദ്രന്‍

Jun 30, 2022

Most Commented