റെക്കോഡ് നേട്ടവുമായി വീണ്ടും കോണ്‍വെ; ഇംഗ്ലണ്ട് - ന്യൂസീലന്‍ഡ് ആദ്യ ടെസ്റ്റ് സമനിലയില്‍


ഇംഗ്ലണ്ടിനായി രണ്ടാം ഇന്നിങ്‌സില്‍ ഡൊമിനിക് സിബ്ലി 207 പന്തില്‍ നിന്ന് 60 റണ്‍സുമായി പുറത്താകാതെ നിന്നു. ക്യാപ്റ്റന്‍ ജോ റൂട്ട് 40 റണ്‍സെടുത്തു

Photo: Getty Images

ലോര്‍ഡ്‌സ്: ഇംഗ്ലണ്ട് - ന്യൂസീലന്‍ഡ് ആദ്യ ക്രിക്കറ്റ് ടെസ്റ്റ് സമനിലയില്‍ അവസാനിച്ചു. കിവീസ് മുന്നോട്ടുവെച്ച 273 റണ്‍സ് വിജയലക്ഷ്യം പിന്തുടര്‍ന്ന ഇംഗ്ലണ്ട് 70 ഓവറില്‍ മൂന്നിന് 170 റണ്‍സില്‍ നില്‍ക്കേ ഇരു ക്യാപ്റ്റന്‍മാരും സമനിലയ്ക്ക് സമ്മതിക്കുകയായിരുന്നു. സ്‌കോര്‍: ന്യൂസീലന്‍ഡ് - 378/10, 169/6 ഡിക്ലയേര്‍ഡ്, ഇംഗ്ലണ്ട് - 275/10, 170/3.

ഇംഗ്ലണ്ടിനായി രണ്ടാം ഇന്നിങ്‌സില്‍ ഡൊമിനിക് സിബ്ലി 207 പന്തില്‍ നിന്ന് 60 റണ്‍സുമായി പുറത്താകാതെ നിന്നു. ക്യാപ്റ്റന്‍ ജോ റൂട്ട് 40 റണ്‍സെടുത്തു.

നേരത്തെ അരങ്ങേറ്റക്കാരന്‍ ഡെവോണ്‍ കോണ്‍വെയുടെ റെക്കോഡ് ഇരട്ട സെഞ്ചുറിയുടെ ബലത്തില്‍ ഒന്നാം ഇന്നിങ്‌സില്‍ 378 റണ്‍സെടുത്ത കിവീസ് ഇംഗ്ലണ്ടിനെ 275-ന് പുറത്താക്കിയിരുന്നു. രണ്ടാം ഇന്നിങ്‌സില്‍ കിവീസ് ആറിന് 169 റണ്‍സെന്ന നിലയില്‍ ഇന്നിങ്‌സ് ഡിക്ലയര്‍ ചെയ്തു. മൂന്നാം ദിവസത്തെ മത്സരം മഴ കാരണം തടസപ്പെട്ടിരുന്നു.

അതേസമയം രണ്ടാം ഇന്നിങ്‌സില്‍ 23 റണ്‍സെടുത്ത കിവീസ് താരം കോണ്‍വെ മറ്റൊരു റെക്കോഡ് കൂടി സ്വന്തമാക്കി. അരങ്ങേറ്റ ടെസ്റ്റില്‍ കൂടുതല്‍ റണ്‍സ് നേടുന്ന ഓപ്പണിങ് ബാറ്റ്‌സ്മാന്‍ എന്ന റെക്കോര്‍ഡാണ് താരം സ്വന്തം പേരിലാക്കിയത്.

ഒന്നാം ഇന്നിങ്‌സില്‍ ഇരട്ട സെഞ്ചുറി നേടിയ കോണ്‍വെ രണ്ട് ഇന്നിങ്‌സിലുമായി സ്വന്തമാക്കിയത് 223 റണ്‍സ്. ദക്ഷിണാഫ്രിക്കയുടെ മുന്‍താരം കെപ്ലര്‍ വെസ്സല്‍സിന്റെ നേട്ടമാണ് കോണ്‍വെ പഴങ്കഥയാക്കിയത്.

Content Highlights: First Test Between England And New Zealand Ends In A Draw


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

05:02

ഭാര്യയുമായി പിണങ്ങി താമസിച്ച 65-കാരന്‍ മരിച്ചു; തെളിഞ്ഞത് ദാരുണമായ കൊലപാതകം

Sep 30, 2022


05:23

രാജകുടുംബത്തിന്റെ ഉറക്കം കെടുത്തുന്ന ടെലിവിഷന്‍ സിനിമ; അറം പറ്റുമോ 'King Charles III'

Sep 29, 2022


drug

1 min

തണ്ണിമത്തനില്‍ ഒളിപ്പിച്ച് മയക്കുമരുന്ന് കടത്താൻ ശ്രമം; അഞ്ചംഗ സംഘം സൗദിയിൽ അറസ്റ്റിൽ

Sep 29, 2022

Most Commented