താലിബാന്‍ യുഗത്തിലെ ആദ്യ അന്താരാഷ്ട്ര മത്സരത്തിനൊരുങ്ങി അഫ്ഗാന്‍ ക്രിക്കറ്റ് ടീം, First Afghan Cricket Team In Taliban Era Arrives In Bangladesh

05 September 2021, 10:29 AM IST

സെപ്റ്റംബര്‍ 10 മുതല്‍ 25 വരെയാണ് മത്സരങ്ങള്‍ നടക്കുക.

Photo: twitter.com|ACBofficials

ധാക്ക: താലിബാന്‍ അധികാരം പിടിച്ചെടുത്തതിനുശേഷം അഫ്ഗാനിസ്താന്‍ ക്രിക്കറ്റ് ടീം ആദ്യമായി അന്താരാഷ്ട്ര മത്സരം കളിക്കുന്നു. അഫ്ഗാന്‍ അണ്ടര്‍ 19 ടീമാണ് മത്സരത്തിനിറങ്ങുന്നത്. ബംഗ്ലാദേശാണ് എതിരാളി. പര്യടനത്തിനായി അഫ്ഗാന്‍ ടീം ധാക്കയിലെത്തി.

അഫ്ഗാന്‍ ടീം ബംഗ്ലാദേശിനെതിരേ അഞ്ച് ഏകദിന മത്സരങ്ങളും ഒരു ചതുര്‍ദിന മത്സരവും കളിക്കും. സെപ്റ്റംബര്‍ 10 മുതല്‍ 25 വരെയാണ് മത്സരങ്ങള്‍ നടക്കുക.

'അഫ്ഗാന്‍ ടീമിലെ എട്ടുപേര്‍ ധാക്കയില്‍ എത്തി. ബാക്കിയുള്ളവര്‍ രണ്ട് സംഘങ്ങളായി ഉടന്‍ എത്തും'-ബംഗ്ലാദേശ് ക്രിക്കറ്റ് ബോര്‍ഡ് അറിയിച്ചു.

2020 ഫെബ്രുവരിയില്‍ നടന്ന ലോകകപ്പില്‍ കിരീടം നേടിയ ശേഷം ഇതാദ്യമായാണ് ബംഗ്ലാദേശ് അണ്ടര്‍ 19 ക്രിക്കറ്റ് ടീം ഒരു അന്താരാഷ്ട്ര മത്സരത്തിനിറങ്ങുന്നത്.

Content Highlights: First Afghan Cricket Team In Taliban Era Arrives In Bangladesh

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)