ട്വന്റി 20 ലോകകപ്പ് ടീമില്‍ സഞ്ജുവിനെ ഉള്‍പ്പെടുത്തിയില്ല, പ്രതിഷേധവുമായി ആരാധകര്‍


ഉജ്ജ്വല ഫോമില്‍ കളിക്കുന്ന സഞ്ജുവിന് പകരം ഋഷഭ് പന്തും ദിനേശ് കാര്‍ത്തിക്കുമാണ് ഇന്ത്യന്‍ ടീമിലിടം നേടിയത്

Photo: PTI

ന്യൂഡല്‍ഹി: അടുത്ത മാസം ആരംഭിക്കുന്ന ട്വന്റി 20 ലോകകപ്പിനുള്ള ഇന്ത്യന്‍ ടീമില്‍ മലയാളി താരം സഞ്ജു സാംസണെ ഉള്‍പ്പെടുത്താത്തതില്‍ പ്രതിഷേധിച്ച് ആരാധകര്‍. ട്വന്റി 20 ലോകകപ്പ് ടീമിനെ പ്രഖ്യാപിച്ച ഉടനെയാണ് ബി.സി.സി.ഐയ്‌ക്കെതിരേ ആരാധകര്‍ രംഗത്തെത്തിയത്. മുഹമ്മദ് ഷമിയെ സ്റ്റാന്‍ഡ്‌ബൈ കളിക്കാരനാക്കിയതിലും പ്രതിഷേധം ശക്തമാണ്.

സമീപകാലത്തായി ഉജ്ജ്വല ഫോമില്‍ കളിക്കുന്ന സഞ്ജുവിന് പകരം ഋഷഭ് പന്തും ദിനേശ് കാര്‍ത്തിക്കുമാണ് ഇന്ത്യന്‍ ടീമിലിടം നേടിയത്. നിലവില്‍ ഇന്ത്യയുടെ ഏറ്റവും മികച്ച വിക്കറ്റ് കീപ്പര്‍ ബാറ്ററാണ് സഞ്ജുവെന്നാണ് ആരാധകര്‍ ഒന്നടങ്കം പറയുന്നത്. അതിനായി തെളിവുകളും അവര്‍ നിരത്തുന്നു.

നിലവില്‍ ഇന്ത്യയുടെ വിക്കറ്റ് കീപ്പര്‍മാരുടെ പ്രകടനം വിലയിരുത്തിയാല്‍ ട്വന്റി 20യില്‍ ഏറ്റവുമധികം ബാറ്റിങ് ആവറേജ് സഞ്ജുവിനാണെന്നാണ് ആരാധകര്‍ പറയുന്നത്. സഞ്ജുവിന്റെ ആവറേജ് 44.75 ആണ്. എന്നാല്‍ ടീമിലുള്ള പന്തിന്റെയും കാര്‍ത്തിക്കിന്റെയും ആവറേജ് യഥാക്രമം 24.25 ഉം 21.44 ഉം ആണ്. സ്‌ട്രൈക്ക് റേറ്റിലും സഞ്ജു തന്നെയാണ് മുന്നില്‍.

ഇത്രയും മികച്ച പ്രകടനം നടത്തിയിട്ടും സ്റ്റാന്‍ഡ് ബൈ താരമായിപ്പോലും സഞ്ജുവിനെ പരിഗണിക്കാത്തത് മോശമായിപ്പോയെന്ന് പലരും അഭിപ്രായപ്പെട്ടു. തുടര്‍ച്ചായി മത്സരങ്ങളില്‍ പരാജയപ്പെടുത്ത ഋഷഭ് പന്തിനെ എന്ത് മാനദണ്ഡത്തിന്റെ അടിസ്ഥാനത്തിലാണ് ടീമിലുള്‍പ്പെടുത്തിയതെന്നും ആരാധകര്‍ ചോദിക്കുന്നു.

15 അംഗ ഇന്ത്യന്‍ ടീമിനെയാണ് ബി.സി.സി.ഐ. പ്രഖ്യാപിച്ചത്. നാല് താരങ്ങളെ സ്റ്റാന്‍ഡ് ബൈ ആയും ടീമിലുള്‍പ്പെടുത്തിയിട്ടുണ്ട്.

Content Highlights: sanju samson, indian cricket team, twenty 20 world cup 2022, t20 world cup, sports news, sports


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
policeman mango theft

1 min

മാമ്പഴം മോഷ്ടിച്ച പോലീസുകാരന്‍ ബലാത്സംഗക്കേസിലും പ്രതി; അതിജീവിതയെ ഉപദ്രവിക്കാനും ശ്രമം

Oct 5, 2022


shashi tharoor

4 min

തരൂര്‍ പേടിയില്‍ കോണ്‍ഗ്രസ്? പ്രമുഖ നേതാക്കള്‍ നെട്ടോട്ടത്തില്‍

Oct 5, 2022


BUS

1 min

ടൂറിസ്റ്റ് ബസ് എത്തിയത് വേളാങ്കണ്ണി യാത്രയ്ക്കുശേഷം; ഡ്രൈവര്‍ ക്ഷീണിതനായിരുന്നുവെന്ന് രക്ഷിതാക്കള്‍

Oct 6, 2022

Most Commented