മാഞ്ചസ്റ്റര്‍: ജോ റൂട്ടിന്റെ ഡബിള്‍ സെഞ്ച്വറിയുടെ കരുത്തില്‍ പാക്കിസ്ഥാനെതിരെയുള്ള രണ്ടാം ക്രിക്കറ്റ് ടെസ്റ്റില്‍ ഇംഗ്ലണ്ട് ശക്തമായ നിലയില്‍. നാല് വിക്കറ്റ് നഷ്ടത്തില്‍ 314 റണ്‍സെന്ന നിലയില്‍ രണ്ടാം ദിനം ബാറ്റിംങ് ആരംഭിച്ച ഇംഗ്ലണ്ടിന് ക്രിസ് വോക്സിന്റെയും ബെന്‍ സ്‌റ്റോക്ക്‌സിന്റെയും വിക്കറ്റുകള്‍ മാത്രമാണ് നഷ്ടപ്പെട്ടത്.
കരിയറിലെ രണ്ടാം ഡബിള്‍ സെഞ്ച്വറി തികച്ച റൂട്ട് 380 പന്തുകളില്‍നിന്ന് 216 റണ്‍സുമായി പുറത്താകെ നില്‍ക്കുന്നത്‌, 22 ബൗണ്ടറികളുടെ അകമ്പടിയോടെയാണ് റൂട്ടിന്റെ ഇന്നിംഗ്‌സ്. ആദ്യ ദിനം സെഞ്ച്വറി നേടിയ അലസ്റ്റര്‍ കുക്കിന്റെയും-റൂട്ടിന്റെയും 185 റണ്‍സിന്റെ രണ്ടാം വിക്കറ്റ് കൂട്ടുകെട്ടാണ് മികച്ച സ്‌കോറിലേക്ക് ഇംഗ്ലീഷ് നിരയ്ക്ക് അടിത്തറ പാകിയതെങ്കില്‍ രണ്ടാം ദിനം അഞ്ചാം വിക്കറ്റില്‍ ഒത്തുചേര്‍ന്ന റൂട്ട്-ക്രിസ് വോക്‌സ് സഖ്യത്തിന്റെ 113 റണ്‍സ് കൂട്ടുകെട്ടാണ് ഇംഗ്ലണ്ടിനെ കൂറ്റന്‍ സ്‌കോറിലേക്ക് നയിച്ചത്.
ഒടുവില്‍ വിവരം കിട്ടുമ്പോള്‍ 6 വിക്കറ്റ് നഷ്ടത്തില്‍ 527 റണ്‍സെന്ന ശക്തമായ നിലയിലാണ് ഇംഗ്ലണ്ട്. പാകിസ്താന് ബൗളിങ് നിരയില്‍ വഹാബ് റിയാസ് നാല് വിക്കറ്റും മുഹമ്മദ് ആമിര്‍, റാഹത്ത് അലി എന്നിവര്‍ രണ്ട് വിക്കറ്റ് വീതവും നേടി. നാല് ടെസ്റ്റുകളുടെ പരമ്പരയില്‍ ആദ്യ ടെസറ്റ് നേടിയ പാകിസ്താന് 1-0 ന് മുന്നിലാണ്.
RELATED STORIES
IN CASE YOU MISSED IT
.jpg?$p=f67c2a2&f=1x1&w=100&q=0.8)
.jpg?$p=298ab5c&q=0.8&f=16x11&w=104)
.jpg?$p=1990e2a&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..