കോണ്‍വേ തിളങ്ങി, ത്രിരാഷ്ട്ര ട്വന്റി 20 ടൂര്‍ണമെന്റില്‍ ബംഗ്ലാദേശിനെ തകര്‍ത്ത് കിവീസ്


Photo: twitter.com/ICC

ക്രൈസ്റ്റ്ചര്‍ച്ച്: ത്രിരാഷ്ട്ര ട്വന്റി 20 ടൂര്‍ണമെന്റില്‍ ബംഗ്ലാദേശിനെ എട്ട് വിക്കറ്റിന് തകര്‍ത്ത് ന്യൂസീലന്‍ഡ്. ബംഗ്ലാദേശ് ഉയര്‍ത്തിയ 138 റണ്‍സ് വിജയലക്ഷ്യം ന്യൂസീലന്‍ഡ് രണ്ട് വിക്കറ്റ് നഷ്ടത്തില്‍ 13 പന്തുകള്‍ ബാക്കിനില്‍ക്കേ മറികടന്നു. സ്‌കോര്‍: ബംഗ്ലാദേശ് 20 ഓവറില്‍ എട്ടിന് 137. ന്യൂസീലന്‍ഡ് 17.5 ഓവറില്‍ രണ്ടിന് 142.

70 റണ്‍സെടുത്ത് പുറത്താവാതെ നിന്ന ഇടംകൈയ്യന്‍ ബാറ്റര്‍ ഡെവോണ്‍ കോണ്‍വെയാണ് കിവീസിന്റെ വിജയനായകന്‍. വെറും 51 പന്തുകളില്‍ നിന്ന് ഏഴ് ബൗണ്ടറിയുടെയും ഒരു സിക്‌സിന്റെയും സഹായത്തോടെയാണ് താരം 70 റണ്‍സെടുത്തത്. വെറും ഒന്‍പത് പന്തുകളില്‍ നിന്ന് പുറത്താവാതെ 23 റണ്‍സെടുത്ത ഗ്ലെന്‍ ഫിലിപ്‌സും കിവീസിന്റെ വിജയം വേഗത്തിലാക്കി. ഫിന്‍ അലനും (16) നായകന്‍ കെയ്ന്‍ വില്യംസണുമാണ് (30) പുറത്തായ ബാറ്റര്‍മാര്‍.



ടോസ് നഷ്ടപ്പെട്ട് ബാറ്റിങ്ങിനിറങ്ങിയ ബംഗ്ലാദേശ് 33 റണ്‍സെടുത്ത ഓപ്പണര്‍ നജിമുള്‍ ഹൊസെയ്ന്‍ ഷാന്റോയുടെ മികവിലാണ് ഭേദപ്പെട്ട സ്‌കോര്‍ പടുത്തുയര്‍ത്തിയത്. അവസാന ഓവറുകളില്‍ അടിച്ചുതകര്‍ത്ത നൂറുല്‍ ഹസനാണ് ടീം സ്‌കോര്‍ 137-ല്‍ എത്തിച്ചത്. താരം 12 പന്തുകളില്‍ നിന്ന് പുറത്താവാതെ 25 റണ്‍സെടുത്തു. 24 റണ്‍സ് നേടിയ അഫീഫ് ഹൊസെയ്‌നും ഭേദപ്പെട്ട പ്രകടനം പുറത്തെടുത്തു.

കിവീസിനായി ട്രെന്റ് ബോള്‍ട്ട്, ടിം സൗത്തി, മൈക്കിള്‍ ബ്രേസ്വെല്‍, ഇഷ് സോധി എന്നിവര്‍ രണ്ട് വിക്കറ്റ് വീതം നേടി. ബംഗ്ലാദേശിന്റെ തുടര്‍ച്ചയായ രണ്ടാം തോല്‍വിയാണിത്. ആദ്യമത്സരത്തില്‍ ടീം ബംഗ്ലാദേശ് പാകിസ്താനോട് 21 റണ്‍സിന് പരാജയപ്പെട്ടിരുന്നു.

Content Highlights: new zealand vs bangladesh, tri series t20, t20 cricket, sports news, devon conway, cricket news


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
സരിത രവീന്ദ്രനാഥ്

2 min

ലെഗ്ഗിൻസ് ധരിച്ചതിന് ഹെഡ്മിസ്ട്രസില്‍ നിന്ന് ശകാരം; പരാതി നല്‍കി അധ്യാപിക

Dec 1, 2022


photo: Getty Images

1 min

കളി കഴിഞ്ഞെന്നു കരുതി ചാനലില്‍ പരസ്യം വന്നു; തോറ്റതറിയാതെ ഫ്രഞ്ച് ആരാധകര്‍

Dec 1, 2022


photo: Getty Images

2 min

വീണ്ടും കണ്ണീര്‍; കോസ്റ്ററീക്കയെ വീഴ്ത്തിയിട്ടും ജര്‍മനി പുറത്ത്‌

Dec 2, 2022

Most Commented