ശ്രീലങ്കയുടെ ഏഷ്യാ കപ്പ് വിജയത്തിനു പിന്നില്‍ ചെന്നൈ സൂപ്പര്‍ കിങ്‌സിന്റെ പങ്ക് എന്ത്?


അഫ്ഗാനിസ്താന്‍ പോലും കപ്പടിക്കുമെന്ന് പറഞ്ഞവര്‍ ശ്രീലങ്ക ഗ്രൂപ്പ് ഘട്ടത്തില്‍ തന്നെ പുറത്താകുമെന്ന് വിധിയെഴുതിയിരുന്നു

Photo: AP

ദുബായ്: ഏഷ്യാ കപ്പിലെ ശ്രീലങ്കന്‍ ജയം ക്രിക്കറ്റ് ലോകത്തെ ഒന്നടങ്കം സന്തോഷിപ്പിക്കുകയാണ്. ഞായറാഴ്ച ദുബായ് രാജ്യാന്തര സ്റ്റേഡിയത്തില്‍ നടന്ന ഫൈനലില്‍ പാകിസ്താനെ 23 റണ്‍സിന് പരാജയപ്പെടുത്തിയായിരുന്നു ലങ്കയുടെ ആറാം ഏഷ്യാ കപ്പ് നേട്ടം. ടോസ് അതിനിര്‍ണായകമായ ദുബായ് പിച്ചില്‍ ടോസ് നഷ്ടപ്പെട്ട ശേഷമാണ് ലങ്ക വിജയം പിടിച്ചെടുത്തത്.

അഫ്ഗാനിസ്താന്‍ പോലും കപ്പടിക്കുമെന്ന് പറഞ്ഞവര്‍ ശ്രീലങ്ക ഗ്രൂപ്പ് ഘട്ടത്തില്‍ തന്നെ പുറത്താകുമെന്ന് വിധിയെഴുതിയിരുന്നു. എന്നാല്‍ ആദ്യ മത്സരത്തിലൊഴികെ ടൂര്‍ണമെന്റിലുടനീളം തകര്‍പ്പന്‍ പ്രകടനം പുറത്തെടുത്ത ലങ്ക ഒടുവില്‍ കിരീടവുമായാണ് മടങ്ങുന്നത്.

ഇപ്പോഴിതാ ടോസ് നഷ്ടപ്പെട്ടിട്ടും വിജയം നേടിയതില്‍ ഐപിഎല്‍ ഫ്രാഞ്ചൈസി ചെന്നൈ സൂപ്പര്‍ കിങ്‌സിനും പങ്കുണ്ടെന്ന് വെളിപ്പെടുത്തിയിരിക്കുകയാണ് ലങ്കന്‍ ക്യാപ്റ്റന്‍ ദസുന്‍ ഷാനക.

2021 ഐപിഎല്‍ ഫൈനലില്‍ ഇതേ വേദിയില്‍ കൊല്‍ക്കത്ത നൈറ്റ് റൈഡേഴ്‌സിനെതിരേ ചെന്നൈ നേടിയ വിജയമാണ് ലങ്കയ്ക്ക് പ്രചോദനമായതെന്ന് ഷാനക വെളിപ്പെടുത്തി.

''2021 ഐപിഎല്ലില്‍ ആദ്യം ബാറ്റ് ചെയ്ത് വിജയിച്ച ചെന്നൈയുടെ പ്രകടനമായിരുന്നു മനസില്‍. ഈ യുവതാരങ്ങള്‍ക്കു ദുബായിലെ സാഹചര്യങ്ങള്‍ നന്നായി അറിയാം. അഞ്ചു വിക്കറ്റുകള്‍ നഷ്ടമായ ശേഷം വാനിന്ദു ഹസരംഗയാണ് വലിയ വ്യത്യാസമുണ്ടാക്കിയത്. ചാമികയും ധനഞ്ജയ ഡിസില്‍വയും നന്നായി ബാറ്റ് ചെയ്തു. അവസാന പന്തിലെ ആ സിക്‌സറായിരുന്നു മത്സരത്തിന്റെ ഗതി നിര്‍ണയിച്ച ഘടകം.'' - ഷാനക മത്സര ശേഷം പറഞ്ഞു.

2021 ഐപിഎല്ലില്‍ ഇതേ വേദിയില്‍ കൊല്‍ക്കത്തയെ 27 റണ്‍സിന് പരാജയപ്പെടുത്തിയായിരുന്നു ചെന്നൈയുടെ കിരീട നേട്ടം. അന്ന് ടോസ് നഷ്ടപ്പെട്ട് ആദ്യ ബാറ്റിങ്ങിനയക്കപ്പെട്ട ചെന്നൈ 192 റണ്‍സ് അടിച്ചുകൂട്ടിയ ശേഷം കൊല്‍ക്കത്തയെ 165 റണ്‍സില്‍ ഒതുക്കുകയായിരുന്നു.

Content Highlights: Dasun Shanaka Reveals How CSK Inspired in Asia Cup Final Win


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
kt kunhumon and atlas ramachandran

1 min

സിനിമയിൽ താൻ വളർത്തി വലുതാക്കിയവരാൽത്തന്നെ അവഹേളിതനായ രാമചന്ദ്രൻ; ഓർമക്കുറിപ്പുമായി കുഞ്ഞുമോൻ

Oct 3, 2022


Nude Library

വേണമെങ്കില്‍ വസ്ത്രം ധരിച്ചാല്‍ മതി; വ്യത്യസ്തമാണ് ഈ അമേരിക്കന്‍ ലൈബ്രറി

Dec 12, 2021


05:30

കൊച്ചിയുടെ ഉറക്കം കെടുത്തിയ മരിയാർപൂതത്തെ മൽപിടിത്തത്തിലൂടെ പിടികൂടി തമിഴ്നാട് സ്വദേശി

Oct 3, 2022

Most Commented