ദുബായ്: കൊവിഡ്-19 ലോകത്താകമാനം വ്യാപിക്കുന്ന പശ്ചാത്തലത്തില്‍ ഐ.സി.സിയുടെ ട്വന്റി-20 ലോകകപ്പും ഭീഷണിയില്‍. ഒക്ടോബറില്‍ ഓസ്ട്രേലിയയിലാണ് ലോകകപ്പ് നടക്കേണ്ടത്. കൊറോണ വൈറസ് വ്യാപനം തടയാന്‍ ആറു മാസം വേണ്ടിവരുമെന്ന് ഓസ്ട്രേലിയന്‍ സര്‍ക്കാര്‍ അറിയിച്ചിരുന്നു. ഈ സാഹചര്യത്തില്‍ ട്വന്റി-20 ലോകകപ്പ് നീട്ടിവെയ്ക്കേണ്ടിവരും. ഇക്കാര്യം ചര്‍ച്ച ചെയ്യാന്‍ മാര്‍ച്ച് 29-ന് ഐ.സി.സി ടെലി കോണ്‍ഫെറന്‍സ് ചേരും.
മാര്‍ച്ച് 27 മുതല്‍ വിദേശികള്‍ക്ക് ഓസ്ട്രേലിയയിലേക്ക് പ്രവേശനമില്ല. ഈ വിലക്ക് ആറു മാസം വരെ നീണ്ടുനിന്നേക്കും. അങ്ങനെയെങ്കില്‍ സെപ്റ്റംബര്‍ 27 വരെ വിദേശികള്‍ക്ക് ഓസ്ട്രേലിയ സന്ദര്‍ശിക്കാനാകില്ല. ഒക്ടോബര്‍ 18-നാണ് ഐ.സി.സി ലോകകപ്പ് തുടങ്ങുക. ഇതുമായി ബന്ധപ്പെട്ട ഉദ്യോഗസ്ഥര്‍ക്ക് മാസങ്ങള്‍ക്ക് മുമ്പേ ഓസ്ട്രേലിയയില്‍ എത്തേണ്ടതായി വരും. എന്നാല്‍ നിലവിലെ സാഹചര്യത്തില്‍ ഇത് സാധ്യമാകില്ല. ഇങ്ങനെയൊരു പ്രതിസന്ധിയിലാണ് ഐ.സി.സി യോഗം വിളിച്ചത്.
അതേസമയം ഐ.സി.സിയുടെ ദുബായിലെ ആസ്ഥാനം അടച്ചിട്ടു. യു.എ.ഇയില്‍ കൂടുതല്‍ കൊവിഡ്-19 കേസുകള്‍ റിപ്പോര്‍ട്ട് ചെയ്ത സാഹചര്യത്തിലാണ് തീരുമാനം. ജീവനക്കാരേയും കുടുംബങ്ങളേയും സമൂഹത്തേയും സുരക്ഷിതമാക്കി ഐ.സി.സിയുടെ പ്രവര്‍ത്തനം സുഗമമായി നടപ്പാക്കാനാണ് ശ്രമിക്കുന്നതെന്ന് ഐ.സി.സി പ്രതിനിധി വ്യക്തമാക്കിയിരുന്നു.
Content Highlights: Corona threat- T20 World Cup, The ICC will meet
Also Watch
RELATED STORIES
.jpg?$p=430c1f1&f=1x1&w=100&q=0.8)
.jpg?$p=f0903b6&f=1x1&w=100&q=0.8)
IN CASE YOU MISSED IT
.jpg?$p=8a7b7b1&f=1x1&w=100&q=0.8)
.jpg?$p=22a6963&f=1x1&w=100&q=0.8)
.jpg?$p=b3b7f57&q=0.8&f=16x11&w=104)
.jpg?$p=63b339c&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..