തുടര്‍ച്ചയായ പരാജയങ്ങള്‍; സച്ചിന്‍ ബേബിയെ നീക്കി, ജലജ് സക്‌സേന പുതിയ ക്യാപ്റ്റന്‍


കഴിഞ്ഞ സീസണില്‍ ചരിത്രത്തില്‍ ആദ്യമായി രഞ്ജി ട്രോഫി സെമികളിച്ച കേരളത്തിന് ഇത്തവണ പക്ഷേ തൊട്ടതെല്ലാം പിഴയ്ക്കുകയായിരുന്നു

Image Courtesy: Sachin Baby|facebook

തിരുവനന്തപുരം: രഞ്ജി ട്രോഫിയില്‍ തുടര്‍ച്ചയായ പരാജയങ്ങളോടെ തരംതാഴ്ത്തല്‍ ഭീഷണിയിലുള്ള കേരളത്തിന്റെ ക്യാപ്റ്റന്‍ സ്ഥാനത്തുനിന്ന് സച്ചിന്‍ ബേബിയെ നീക്കി. ഓള്‍റൗണ്ടര്‍ ജലജ് സക്‌സേന ഇനി ടീമിനെ നയിക്കും.

കഴിഞ്ഞ സീസണില്‍ ചരിത്രത്തില്‍ ആദ്യമായി രഞ്ജി ട്രോഫി സെമികളിച്ച കേരളത്തിന് ഇത്തവണ പക്ഷേ തൊട്ടതെല്ലാം പിഴയ്ക്കുകയായിരുന്നു. ആറു മത്സരങ്ങളില്‍ നേരിട്ടത് നാലു തോല്‍വികള്‍. ഇതോടെയാണ് സെലക്ഷന്‍ കമ്മിറ്റി പുതിയ പരീക്ഷണത്തിന് തയ്യാറായത്.

ആന്ധ്രയ്‌ക്കെതിരായ അടുത്ത മത്സരത്തില്‍ സക്‌സേന കേരളത്തെ നയിക്കും. ഓന്‍ഗോളില്‍ ജനുവരി 27 മുതല്‍ 30 വരെയാണ് ആന്ധ്രയ്‌ക്കെതിരേ മത്സരം. സിജോമോന്‍ ജോസഫ്, മുഹമ്മദ് അസ്ഹറുദീന്‍ എന്നിവര്‍ ആന്ധ്രയ്‌ക്കെതിരായ മത്സരത്തിനുള്ള ടീമിലില്ല. അതേസമയം പരിക്ക് കാരണം പുറത്തിരുന്ന റോബിന്‍ ഉത്തപ്പയും ബേസില്‍ തമ്പിയും ടീമില്‍ തിരിച്ചെത്തി.

ഇനിയുള്ള മത്സരങ്ങളില്‍ മികച്ച കളി പുറത്തെടുത്തില്ലെങ്കില്‍ എലീറ്റ് എ-ബി ഗ്രൂപ്പില്‍ നിന് കേരളം സി-ഡി ഗ്രൂപ്പിലേക്ക് തരംതാഴ്ത്തപ്പെടും. എലീറ്റ് ഗ്രൂപ്പിലെ അവസാന സ്ഥാനക്കാരണ് തരംതാഴ്ത്തപ്പെടുക. കേരളത്തിന് പിന്നില്‍ നിലവിലുള്ളത് മുംബൈയും ഹൈദരാബാദും മാത്രമാണ്. പക്ഷേ മുംബൈ നാല് മത്സരങ്ങള്‍ മാത്രമേ കളിച്ചിട്ടുള്ളു. ഇനി കേരളത്തിന് ശേഷിക്കുന്ന മത്സരങ്ങള്‍ പട്ടികയില്‍ ഒന്നാം സ്ഥാനത്തുള്ള ആന്ധ്രയും നാലാം സ്ഥാനത്തുള്ള വിദര്‍ഭയുമാണ്. ഇതു രണ്ടും എവേ മത്സരങ്ങള്‍ ആണെന്നതും കേരളത്തിന് തലവേദനയാണ്.

രഞ്ജി ട്രോഫിയില്‍ കേരളത്തെ ആദ്യമായി സെമിഫൈനലില്‍ എത്തിച്ച ക്യാപ്റ്റനാണ് സച്ചിന്‍ ബേബി. അന്ന് ജലജ് സക്‌സേനയുടെ ഓള്‍റൗണ്ട് പ്രകടനമായിരുന്നു കേരളത്തെ തുണച്ചത്. എന്നാല്‍ കേരളത്തിന് ഈ സീസണില്‍ പ്രതീക്ഷയ്‌ക്കൊത്തുയരാനായില്ല.

Content Highlights: Continuous failures Sachin baby removed from his role as kerala captain


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
wedding

2 min

വധു ഒഴികെ ആരും ക്യാമറ കണ്ടില്ല; ആ ക്ലിക്കിന് കിട്ടിയത് രണ്ടു ലക്ഷം രൂപ സമ്മാനം

Sep 25, 2022


Police

1 min

വീട്ടിൽനിന്ന്‌ രഹസ്യ ഗോവണി, ബംഗ്ലാവില്‍ ആര്‍ഭാടജീവിതം; മുപ്പതിലധികം കവർച്ചക്കേസുകളിലെ പ്രതി കുടുങ്ങി

Sep 25, 2022


രണ്ടരവർഷത്തെ കാത്തിരിപ്പ്; പിണക്കം മറന്ന് മടങ്ങിയെത്തിയ ഓമനപ്പൂച്ചയെ വാരിപ്പുണർന്ന് ഉടമകൾ

Sep 25, 2022

Most Commented