'ഐസിസിയല്ല, ഞാനാണ് ബോസ്'; ബാറ്റില്‍ യൂണിവേഴ്‌സ് ബോസ് സ്റ്റിക്കര്‍ വിലക്കിയ ഐസിസിയോട് ഗെയ്ല്‍


ഓസീസിനെതിരേ ദി ബോസ്, സിക്‌സ് മെഷീന്‍ എന്നീ സ്റ്റിക്കറുകള്‍ ഒട്ടിച്ച ബാറ്റുമായാണ് ഗെയ്ല്‍ കളിക്കാനിറങ്ങിയത്.

ക്രിസ് ഗെയ്ൽ | Photo: twitter|cricket australia

സെന്റ് ലൂസിയ: ഓസ്‌ട്രേലിയക്കെതിരായ മൂന്നാം ട്വന്റി-20യില്‍ വിന്‍ഡീസ് താരം ക്രിസ് ഗെയ്ല്‍ റെക്കോഡ് പ്രകടനം പുറത്തെടുത്തിരുന്നു. 38 പന്തില്‍ 67 റണ്‍സ് അടിച്ചെടുത്ത ഗെയ്ല്‍ ട്വന്റി-20 ക്രിക്കറ്റില്‍ 14,000 റണ്‍സ് പിന്നിട്ടു. ട്വന്റി-20 ക്രിക്കറ്റ് ചരിത്രത്തില്‍ ആദ്യമായാണ് ഒരു താരം 14,000 റണ്‍സ് പൂര്‍ത്തിയാക്കുന്നത്.

ഈ മത്സരത്തിന് പിന്നാലെ ക്രിസ് ഗെയ്ല്‍ നല്‍കിയ അഭിമുഖവും ഇപ്പോള്‍ ചര്‍ച്ചയാകുകയാണ്. തന്റെ ബാറ്റിനെ കുറിച്ച് ഗെയ്ല്‍ നല്‍കിയ വിശദീകരണമാണ് ആരാധകര്‍ക്കിടയില്‍ ചര്‍ച്ചയായത്. ഗെയ്‌ലിന്റെ ബാറ്റില്‍ യൂണിവേഴ്‌സ് ബോസ് എന്ന സ്റ്റിക്കര്‍ ഒട്ടിക്കുന്നത് ഐസിസി വിലക്കിയിരുന്നു. തുടര്‍ന്ന് ഓസീസിനെതിരേ ദി ബോസ്, സിക്‌സ് മെഷീന്‍ എന്നീ സ്റ്റിക്കറുകള്‍ ഒട്ടിച്ച ബാറ്റുമായാണ് ഗെയ്ല്‍ കളിക്കാനിറങ്ങിയത്.

മത്സരശേഷം മാധ്യമപ്രവര്‍ത്തകര്‍ ഇതിനെ കുറിച്ച് ഗെയ്‌ലിനോട് ചോദിച്ചു. 'യൂണിവേഴ്‌സ് ബോസ് എന്ന് ഞാന്‍ ഉപയോഗിക്കരുത് എന്നാണ് ഐസിസി പറയുന്നത്. അതുകൊണ്ട് ഞാന്‍ അതു ചുരുക്കി ദി ബോസ് എന്നാക്കി' ഇതായിരുന്നു ഗെയ്‌ലിന്റെ മറുപടി. ഐസിസിക്ക് യൂണിവേഴ്‌സ് ബോസില്‍ കോപ്പിറൈറ്റ് ഉണ്ടോ എന്ന ചോദ്യത്തിന് തനിക്കാണ് അതില്‍ കോപ്പിറൈറ്റ് വേണ്ടതെന്നും ഐസിസിയല്ല താനാണ് ബോസ് എന്നുമാണ് ഗെയ്ല്‍ പ്രതികരിച്ചത്. ഗെയ്‌ലിന്റെ ഈ വീഡിയോ ക്രിക്കറ്റ് ഓസ്‌ട്രേലിയ ട്വിറ്ററില്‍ പങ്കുവെച്ചിട്ടുണ്ട്.

മൂന്നാം ട്വന്റി-20യില്‍ ആറു വിക്കറ്റിനാണ് ഓസീസിനെ വിന്‍ഡീസ് തോല്‍പ്പിച്ചത്. ഇതോടെ അഞ്ച് ട്വന്റി-20 മത്സരങ്ങള്‍ അടങ്ങിയ പരമ്പരയില്‍ വിന്‍ഡീസ് 3-0ത്തിന് ലീഡെടുത്തു.

Content Highlights: Chris Gayle on his new bat stickers Universe Boss

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
shane warne

1 min

'വോണുമായി ഞാന്‍ ഡേറ്റിങ്ങിലായിരുന്നു, ബന്ധം രഹസ്യമാക്കി സൂക്ഷിക്കാന്‍ അദ്ദേഹം പറഞ്ഞു'

Aug 17, 2022


supreme court

1 min

ക്രിസ്ത്യന്‍ വേട്ടയാടല്‍ ഇല്ല; ആരോപണം വിദേശസഹായം നേടാനാകാമെന്ന് കേന്ദ്രം സുപ്രീംകോടതിയില്‍

Aug 16, 2022


Civic Chandran

1 min

ലൈംഗിക പ്രകോപനമുണ്ടാക്കുന്ന വസ്ത്രംധരിച്ചു; സിവിക് ചന്ദ്രന്‍ കേസില്‍ പരാതിനിലനില്‍ക്കില്ലെന്ന് കോടതി

Aug 17, 2022

Most Commented