'നീ വിഷപ്പാമ്പാണ്, കൊറോണ വൈറസിനേക്കാള്‍ അപകടകാരി' -മുന്‍ ടീമംഗത്തിനെതിരേ ഗെയ്ല്‍


ആളുകളെ പിന്നില്‍ നിന്ന് കുത്തുന്ന പരിപാടി സര്‍വന്‍ എപ്പോള്‍ അവസാനിപ്പിക്കുമെന്നും ഗെയ്ല്‍ ചോദിക്കുന്നു

-

കിങ്സ്റ്റൺ: മുൻ വെസ്റ്റിൻഡീസ് താരം രാംനരേഷ് സർവനെ വിഷപ്പാമ്പെന്നും വഞ്ചകനെന്നും വിളിച്ച് ക്രിസ് ഗെയ്ൽ. കരിബീയൻ പ്രീമിയർ ലീഗ് ട്വന്റി-20 ടൂർണമെന്റിൽ ജമൈക്ക തല്ലാവാഹ്സുമായുള്ള കരാർ അവസാനിപ്പിക്കാൻ കാരണം രാംനരേഷ് സർവനാണെന്നും ആളുകളെ പിന്നിൽ നിന്ന് കുത്തുന്ന പരിപാടി സർവൻ എപ്പോൾ അവസാനിപ്പിക്കുമെന്നും ഗെയ്ൽ ചോദിക്കുന്നു. യുട്യൂബ് ചാനലിൽ സംസാരിക്കുന്നതിനിടയിലാണ് ഗെയ്ൽ മുൻ ടീമംഗത്തിനെതിരേ രൂക്ഷമായ ഭാഷയിൽ പ്രതികരിച്ചത്.

'തല്ലാവാഹ്സ് ടീമിനൊപ്പം കരിയർ അവസാനിപ്പിക്കാനാണ് ഞാൻ ആഗ്രഹിച്ചിരുന്നത്. എന്നാൽ കഴിഞ്ഞ സീസണിന് ശേഷം അവർ ഞാനുമായുള്ള കരാർ അവസാനിപ്പിച്ചു. ഇതിന് പിന്നിൽ തല്ലാവാഹ്സിന്റെ സഹപരിശീലകനായ സർവന്റെ കുതന്ത്രമാണ്. കൊറോണ വൈറസിനേക്കാൾ വലിയ വിഷമാണവൻ. പിന്നിൽ നിന്ന് കുത്തുന്നവനും പ്രതികാരശീലമുള്ളവനുമാണ് സർവൻ. ജമൈക്കയിൽ നടന്ന എന്റെ പിറന്നാൾ ആഘോഷത്തിനിടെ എന്നെ കുറിച്ച് വാതോരാത നീ സംസാരിച്ചിരുന്നു. എന്നാലിപ്പോൾ നിന്റെ സ്വഭാവം വളരെ മോശമായിപ്പോയി. എന്റെ കരിയറിൽ സംഭവിച്ചതിനെല്ലാം നിനക്ക് വലിയ പങ്കുണ്ട്. തല്ലാവാഹ്സിന്റെ മുഖ്യപരിശീലകനാകുക എന്നതാണ് നിന്റെ ലക്ഷ്യമെന്ന് എനിക്കറിയാം. മറ്റെല്ലാവരുടേയും കണ്ണിൽ നീ നല്ല വ്യക്തിയാണ്.' ഗെയ്ൽ വ്യക്തമാക്കുന്നു.

വെസ്റ്റിൻഡീസ് അണ്ടർ-19 ടീമിൽ തുടങ്ങിയതാണ് സർവനും ഗെയ്ലും തമ്മിലുള്ള ബന്ധം. 'ഞങ്ങൾ രണ്ടുപേരും റൂം മേറ്റ്സായിരുന്നു. അന്ന് നീ എനിക്കെതിരേ പരാതി പറഞ്ഞു. ഞാൻ രാത്രി വൈകിയും ടിവി കാണുന്നതുകൊണ്ട് നിനക്ക് ഉറങ്ങാൻ പറ്റുന്നില്ലെന്ന് ടീം മാനേജ്മെന്റിനോട് കള്ളം പറഞ്ഞു. അതോടെ എന്നെ ബാർബഡോസിൽ നിന്ന് നാട്ടിലേക്ക് തിരിച്ചയച്ചു. അത് ഞാൻ ഒരിക്കലും മറക്കില്ല. നിനക്ക് ഞാൻ മാപ്പ് തരും. പക്ഷേ എനിക്ക് ഒരിക്കലും അത് മറക്കാനാകില്ല. ആളുകളെ പിന്നിൽ നിന്ന് കുത്തുന്നവനാണ് നീ. എപ്പോഴെങ്കിലും നീ നിന്റെ ഈ സ്വഭാവം മാറ്റുമോ? നല്ല വ്യക്തിയാകാൻ നിനക്കുദ്ദേശമുണ്ടോ?' ഗെയ്ൽ ചോദിക്കുന്നു.

content highlights: Chris Gayle Lashes Out At Former Teammate


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
rahul Gandhi

3 min

നടന്നു പോകുന്ന മനുഷ്യാ... നിങ്ങൾക്കൊപ്പമെത്താൻ ഇന്ത്യയ്ക്കാവുമെന്നു തോന്നുന്നില്ല

Sep 26, 2022


11:48

ബ്രിട്ടന്‍, യു.കെ, ഇംഗ്ലണ്ട്... ഇതൊക്കെ രാജ്യങ്ങളാണോ? കണ്‍ഫ്യൂഷന്‍ തീര്‍ക്കാം | Inside Out

Sep 27, 2022


06:09

'വെട്ട് കിട്ടിയ ശേഷവും ചാടിക്കടിച്ചു'; പുലിയുടെ ആക്രമണ കഥ വിവരിച്ച് മാങ്കുളം ഗോപാലൻ 

Sep 27, 2022

Most Commented